كيفكون بنات شو قصة الموضوع صار بالصفحة التانية لاتواخذوني أنا مقصرة معكون بس الوحام تاعبني وصايرة مافيي حيل لشي حتى بيتي متكسلنة عنو
أنتو شو أخباركون جميعا حبيت فوت وسلم عليكون ورحب بالبنات الجدد وأتشكر نورالدرب وهيلين وهنودة على ردهون مشان كيس الحمل
أنا الحمد لله سألت دكتور تاني قلي المي زيادة بس مو مشكلة أبدا وعالحدود الطبيعية العليا وهيك اطمنت الحمد لله وسبحان الله بابني كانت المي قليلو واضطريت أولد قيصرية بأول التاسع لأنو الدكتور خاف عليه من قلة المي فأنا ماعندي حل وسط ياكتير ياقليل
هنودة الله يشفي عاتكة ويرجعها لأهلها وزوجها على خير وسلامة وبصحتها وعافيتها
بكرى أحلى طمنينا شو صار معكون بين معكون مين يلي عمل هيك بجوزك وإن شالله انحلت المشكلة

أهلين مزون حبيبتي كيفك يا عمري الله يهون عليك ويسرلك حملك
والله دائما بيقولوا فترة الوحام فترة غليظه الله يهونها عليك
تسلمي حبيبتي لدعائك لعاتكة تقبر قلبي .. من تمك لبواب السما إنشالله

أهلا غاليتي ....

بكرى أحلى .الله يفرج همك وكربك ويجبر بخاطرك انت وزوجك يا رب .....

ربي يطمنا عنك بالخير والتوفيق

مزون .الله يهونها عليك وعلى كل حامل
مشان مية البيبي بكرة كلما اتقدم الحمل بتنقص لا تخافي يعني بالشهر الآخراني بتقل المي فما بعود في مشكلة واان شاءا لله بتقومي بالسلامة

عصفورة .ميت اهلا وسهلا فيك نورتينا يا غالية انا جرتك بأمريكا
تفضلوا لعنا

هنودة ..الله يجبر بخاطرك ويجزيك عنا كل خير على هالأحادبث والكلام اللي بيشرح القلب ..

ما شاءا لله حولك الله يزيدك منه علمه وفضله
وأنا ىسفة انشغلت ما قدرت اكتب خاطرتي لكن بوعدك اعمل جهدي

نور الدرب .كيفها شام خانم
الله يسلمها هي واخواتها
وكيف الطقس عندكم حلو صار ..... بس لسى بيجي برد شوي
الحمد لله

لوليا وينك غاطة ارجعي الموضوع ما حلو بلاك

سماء ايجبت ولا للكآبة والبقية كلهم وينكم .......؟؟؟ الله ييسركلم يارب
طمنونا عنكم

فتاة سورية شلون انت حلبية وما بتعرفيها الطبخة
انا رفيقتي حماتها من حلب وبتعمللهم اكلة الكبة بمرقة البندورة بس ما دقتها ولا مرة ولا بعرف كيف طبختها ......

رواء الإسلام منورة الملف والله ..ميت اهلين
شام يا ذا السيف

قرأت القصة تبع سوريا نيوز والله كتييييييييييير حلوة .عشت بأجواء شامية أصيلة وتمنيت اني أرجع بالزمن وروح بهالأمكان كلها ومتع نظري بالشام الغالية .....الله يطعمنا يا رب

وسلاماتي للجميع بدون استثناء

اهلين حبيباتي
بدي استشيركم عندنا هلا معرض في مصر عن كل شيء صنع في سوريا
ايش هي الاشيا الحلوة و اللي بتشتهر بيها سوريا لاني بدي اروح و اشتري اغراض من هناك
و شكرا الكم

باحاول اكلمكم سوري بس مش عارفة كدة حلو و لا لا

مرحبا يا صبايا كيفكم انشالله تمام............مزون حبيبتي ذكرتيني بالذي مضى والله انا وحامي كتير صعب كان الله يقويك يا رب ............هنودة كيفك حبيبتي الله يخليلك امك وترجع بالسلامة ونفرح فيك عن قريب بس لا تنسي تعزميني صرلي من وقت ما اتجوزت ما حضرت عرس.........شام كيفك وكيف اميركا معك.............شام ياذا السيف كيفك مع هالشوبات ..........والله اجى الصيف الله يعيننا يا رب.............نور الدرب كيف نور خانم بتسلم عليك...........ساجدة شو اخبار فرنسا والانتخابات؟؟؟؟؟ وعجقة البوتات الله يحميهم............بكرة احلى الله يفك ضيقتك يارب .......عصفورة اهلا وسهلا فيك............
رواء الاسلام حكيك بالسوري بيجنن .............وفيك تشتري كتير شغلات مفارش الطاولات الشرقية وممكن اذا في ماكولات عندك الزعتر والحلويات الشامية ..........