الساجدة الظاهر انا وياكي عالخط الله يفرج عنك وبرايي لا تشوفي تفسير المنامات ولا شي تعوذي وحصني حالك وولادك وزوجك بالادعية والاذار

والله يا ساجدة كانك عم تحكي عني.............زبفيق الصبح وببلش فكر بهالمنامات ليكون هيك او هيك؟..............وبخاف وببكي وببلش اتوسوس على حالي بتوقع هي حالة طبيعية بتصير للام بعد الولادة انو تصير تخاف على بناتها...............انت لا تدوري على التفسير اعرفي انو المنام اذا خير من الله واذا شر من الشيطان بدو يانا نكتئب ونخاف وانا دايما بقول لحالي لو فرضا كان المنام صح احسن شي انو حاول ادفع البلاء بصدقة وبالدعاء وعيش اللحظات الحلوة واتمتع فيها واترك الحزن لوقتو .............شام الله يتولاها برحمتو مافي اصعب من يلي عم تمرو فيه انتو الله يصبركم وياجركم خير ويخفف عنها يارب ويعوضها الجنة

ساجدة الله يرضى عليكي لاتشغلي بالك هيك بيصير بعد الولادة بسبب تغيير في الهرمونات وقلة النوم بسبب الرضاعة وبهالحالة بتشوف الام مو منامات كوابيس
وأنا بعرف ايمانك قوي وان شاء الله بيحميكي وبيحميلك زوجك وبناتك ومن توكل على الله فهو حسبه ودائما قولي اللهم اني أستودعك نفسي وزوجي وأولادي عندك
شام ياذا السيف طمنينا على أخت زوجك قلبنا معك الله يعافيها ويتولاها برحمته

صباحكون ورد كيفكون يابنات
أنا الحمد لله بخير والوحام بلش يتحسن

ميس الله يعافيها يارب ويخترلا الخير وإن شاء الله بتطمنو عليها عن قريب

الساجدة لله اشتقنالك طولتي الغيبة بالنسبة للمنامات فمتل ما قالتلك آية يمكن لأنك ولدانة جديد أنا بعد ولادة ابني فتت بحالة نفسية مابيعلم فيها غير الله طولي بالك وأقري المعوذات قبل ما تنامي واتكلي على الله

لوليا الله ييسرلك يارب بس ما بيصير هيك شوقتينا لنعرف شوفي ؟

آية طمنينا عنك شو أخبارك أنتي والقمرات الله يسلمون

بنت الشيشان كيفك وكيف ابنك بالنسبة لحكيو فهو منيح بالنسبة لعمرو وأحيانا في ولاد بيطولو بالحكي بعدين بيحكو كل شي دفعة وحدة فلا تشغلي بالك بوكرا بتقوليلو يخليلي ياك اسكت شوي ليهدا راسي
أما بالنسبة للنضافة فنصيحتي لا تتأخري عليه الدنيا عل صيف والجو حلو وهلأ وقتو أنا ابني تكسلنت عنو شوي دخل الشتا واستنيت لتحسن الجو صار عمرو سنتين و3 شهور أي جنني لنضف لأنو صار كبير وبيعرف يرفض ويقول مابدي فبلشي معو من هلأ حطي كل ساعة وحاولي معو حتى لوحسيتيه مو مستوعب الموضوع بعد فترة بتلاقي لوحدو صار يعرف يمسك حالو وبيتعود أنو يعمل بهالمكان إن شالله كون وصلتلك فكرتي والله ييسرلك وتخلصي من هاشغلة على خير

حواء بالنسبة للبس بسوريا والبدلات البناتي يلي بتنباع هون بسعودية فالأسعار مبالغ فيها كتير ويمكن بتوصل لضعف الأسعار يلي بسوريا بس بيقولولك مطلوبة وهي بضاعة تصدير ولذلك بيغلو

هنودة كيفك ياقمر مالك بالعادة تغيبي يلا عم نستناكي

باقي البنات طمنونا عن أخباركون

مرحبا حبيبات قلبي ايه هيك هه والله اتروحن قلبي بهالجمعه الحلوة :)

ميس حبيبة قلبي الله يطمنكن عليها لبنت حماك ويصبر أهلها على شوفتها بهالحلة ويهون عليها مرضها ويشفيها ويعافيها .. هو القادر سبحانه على كل شي ولا تتركوا الدعاء أبدا وقراءة القرآن وإن شاء الله تطمنينا عنها بأقرب وقت

ساجدة حبيبة قلبي الله يفرج همك ويبعد عنك وعن زوجك وولادك أي سوء ومتل ما قالولك البنات حصني حالك وزوزجك وولادك بالأذكار ولا تنسي كمان في دعاء رائع لأبو الدرداء
يللي بيقوله إن شاء ما بيصيبه شي
( اللهم أمت ربي لا إله إلا أنت عليك توكلت وأنت رب العرش العظيم ، ما شاء الله كان وما لم يشأ لم يكن ، لاحول ولا قوة إلا بالله العلي العظيم ، أعلم أن الله على كل شيء قدير وأن الله قد أحاط بكل شيء علما. اللهم إني أعوذ بك من شر نفسي ومن شر كل دابة أنت آخذ بناصيتها . إن ربي على صراط مستقيم)
وبإذن الله رب العالمين رح يحميك ويحمي كل أهلك ويمكن متل ماقالو البنات لأنك ولدانه جديد
عكل حال الله يروقلك بالك ويفرج همك وأنت أهم شي لا تفكري وتتوسوسي وظني برب الاعلمين خير وهو سبحانه أرحم فينا من حالنا
وفي دعاء أنا كتير بحبه وإن شاء الله يلي بيقوله لا تصيبه الآفات بحب قلك ياه كمان
( بسم الله على نفسي وأهلي ومالي)

لوليا حبيبة قلبي والله اشتقنالك يا حبابه ويعلم رب العالمين إنك ما بتغيبي عن بالي ودائما عمبذكرك بدعائي الله ييسر لك أمرك أنت وأهلك وكل أمة محمد
ويعينك ويقويك علخير ويسخرلك عباده وملائكته ونحنا با نتظار الأخبار الحلوة من عندك الله يهني قلبك يا حق
بالنسبه لعاتكة حبيبة قلبي الله يجزيكي الخير لسؤالك عنها
واللهيا حبيبة قلبي مافي جديد تقبش روحي إن شاء الله لساتها متل ما هي عم تاخد الدوا وهي هلأ بلشت امتحانتها بالأزهر ادعولها بنات إنو الله يجبر بخاطرها وتتخرج على خير السنة

هلين حبيبة قلبي كيفك يا عمري وشو أخبارك وكيف ملا قيتيلنا الهدايا إن شاء الله اتوفقتي فيهن
الله يبعتلك كل الخير

مزون حبيبة قلبي الله يجبر بخاطرك حبيبة قلبي والله أنا تمام بس حالتي حاله من دون الماما الله يديمها فوق راسي ومو ملاحقه على إخواتي والبيت وشغلي والله رح يجننوني :(
عم اعمل جهدي ومو عاجبن على قولة هالطبخه ما منحبها و هي مدري شبها وعلى سق ونق مع العلم إنن شباب مو صغار وأنا والله خلص فرطت والمشكله إني ما بدي اتشكى لأمي لأنه حبيبة قلبي مسافره مع البابا وما بدي ديقلها خلقها فبضطر قلها إنو كل شي تمام مشان تكون مطمنه وإن شالله ترجعلنا سالمة
ورب بعين وبييسر والحمدلله شبدنا نعمل هيك الدنيا وهيك لازم يكون الإنسان (... في كبد)حاجتي وجعتلك راسك بس والله حابه فضفض وبنفس الوقت خايفه يضيع الثواب والأجر

باقي البنات كيفكن حبيباتي الله لايحرمنا طلتكن ويسمعنا عنكن كل الخير وينولكن يللي ببالكن إن شاء الله:26: :26:

حبيباتي لا تنسوني معكن بصالح الدعاء