هلا و الله بالسوريات..
أنا من زمان بدي فوت عرض و احكي معكون بس استحيت و الله.. يعني حسيتكون موالفين على بعض و خفت ضيع بالعجقة!!
أنا سورية عايشة بقطر
متزوجة و عندي صبي الله يحفظلي ياه
عم دفش بهالدنيا و الحمدلله ماشي الحال.. يوم فوق و يوم تحت :)
شو كمان؟؟ ايه, أنا مدمنة على عالم حواء و يمكن ما في موضوع كتبتيه يا شام الا ما قريته..
بقعد بهالليل بقرأ بقرأ لإنعس.. يمكن أرشيف المنتدى حافظته بصم :)
بس مالي خلاق كتير على الرد.. يعني من جديد صايرة اجبر حالي شوي لأنه عيب أنا عضوة قديمة و كل مشاركاتي ما كملوا يعملوني محررة, و غيري ما صرلوا بالقصر من مبارح العصر و صاروا محررات..
بركدن منصير محررات كمان :)
طولت عليكون.. ديروا بالكون على حالكون و ان شاء الله تتقبلوني سورية جديدة على الخط..
سلااااام
هلا و الله بالسوريات..
أنا من زمان بدي فوت عرض و احكي معكون بس استحيت و الله.. يعني حسيتكون...
الله يجبر بخاطركن يا حق .. شام ونور حبيباتي بالظاهر تقلت على حالي بغياب الماما تقبر عضامي
الله يرجعها سالمة ..:26: :26:
نايس سمايل حبيبتي أهلا وسهلا برجعتك حبيبتي والله اشتقنالك يا حلوة طمنينا كيف شفتيلنا الشام يقبرني ترابها ياحق
يلا حبيبتي عم نستناكي تتخبرينا عن أخبارك
نور حبيبتي كيفك والله اشتقنالك شبو جهازك بسم الله عليه ؟؟
وعلى قولة شـام ..عطيه مقوي بركي بصير بيركض ركض
أهلين نسرين .. نورتي مجلسنا يا حلوة .. أهلا وسهلا بأهل المدينة الكرام
مشرفتنا حلم فور إيفر .....نورتي مجلسنا .. الله يسلم عمرك يا حبابة
شامووو يسلمووو ايديك عالصورة والله فرطت من الضحك
عروس الشام أهلا وسهلا حبيبتي بيناتنا ولو مكانك محفوظ يا حبابة
كيفك حبيبتي وكيف قطر معك ؟؟ وكيفوا ابنك الله يحميلك ياه
يحرق حريشك عهالجملة والله فرطيني من الضحك..
و غيري ما صرلوا بالقصر من مبارح العصر و صاروا محررات..
بركدن منصير محررات كمان !!
إنشالله تصيري أحلى محرره
باقي البنات كيفكن حبيباتي طمنونا عنكن ولا تطولوا الغيبة ..
والله يديم جمعتنا الحلوة ويديم محبتنا بجاه حبيبو محمد
يلا بخاطركن .. سلالالالالالالالالالام:26: