بنت الشيشان
بنت الشيشان
السلام عليكم ورحمة الله وبركاته

أول شي شتأتلكن كتير ياغاليات . كيفكن وإن شاء الله تكونوا بخير جميعاً

أنا غبت عنكن قصدن مشان تشتاقولي ودائماً متابعة أخباركن من بعيد لبعيد

وصارت كتير أحداث بغيابي رح رد عليها بإذن الله \\\\\\\\\\\\\\

شام ياذا السيف : أنا إجيت متأخرة عزريني حبيبتي بس العمر إلك (( وعسى الله أن يبدلها داراً خيراً

من دارها وأهلاً خيراً من أهلها وزوجاً خيراً من زوجها ))

والله يصبر أمها وأخوانها يارب ( اللهم أغفر لها وأرحمها وأجعل قبرها روضة م راض الجنة )

هنودة الحبوبة :سلامتك ياغالية أنت على مهلك على حالك

شوي لا تتعبي حالك كتير (( ومشان أمك الله يسامحك قلبتي علي المواجع وزكرتيني بالغالية أمي

حبيبتي . على كل حال الله يهنيكي بأمك ويسعدكن ويارب يخليلك ياها ويعافيها ويطول عمرها ولا يحرمك

منها )) سلميلنا عليها كتير

شــــــــــــــــــــام : كيفك ياغالية وشلون المحروسين ولادك إن

شاء الله ما عاد عزبوكي !! ومشان الخبر تبع سوريا والله أنا هي أول مرة بشوفها (( الله يستر

ويحميلنا سوريا وأهلها بحماه )) والصورة يلي حطيتيها تبعيت الجدار والله فرطتني من الضحك الله يسلم

أيديك ويتبلك الخير يارب .

نـــــــور الدرب :حبيبتي الله يسلمك ويخليكي ويارب ييسرلك

أمورك وينولك يلي ببالك (( والله يعينك على هل نت الله شي بيعل القلب ))

nice smell : حبيبتي أنا كأني أول مرة بعرفك ....... على

كلن ميت أهلين فيكي ياغالية والحمد لله على سلامتك وربي يطعمنا رجعة بالسلامة على سوريا جميعاً

sweettwenty : طبعاً حبيبتي بنقبلك وأهلاً فيك ياقمورة

وألف شكر على الدعاء والله يحفظنا بحفظه جميعاً آميييين يارب .

عروس الشام : أهلين فيك حبيبتي البيت بيتك وأنا كتير

مبسوطة أن عدد السوريات بهل إجتماع كلمالو عم يزيد (( الله يزيد ويبارك ))

الفتاة الشامية _ دانية في الصين : ميت مرحبا فيكن ياغاليات

وإن شاء الله بننبسط مع بعض جميعاً ونحن بإنتظار نعرف عكن كل جديد .

\\\\\\\\\ وإن شاء الله ماكون نسيت حدا \\\\\\\\\\

وسلاماتي للكل وريتكن تظلوا بخير يارب آمييييييييييييييييييييين

وعليكم سلام الله :26:






















الساجدة لله وحده
صباح الخير صبايا
كيفكن ان شاء الله بخير
شام ونور الحمد لله ما عاد فكرت بشئ وان شاء الله ربي يفرج عني وعنكن وعن امة محمد ......
اي شو هالزلاغيط اي بتجنن فكرت حالي بشئ عرس هههههههههههههه ....
الحمد على سلامتك نايس ويلا احكيلنا شو صار معك .......
باقي البنات وينكن هيلين ولا للكابة وعاشقة انا عتبانة عليكي لانك عم تطلي على المنتدى وما عم تشاركي .... المزة وسما ولوليا الله يكون بعونك ويساعدك وفتاة شو اخبار الريجيم واية وينك يا بنت الحلال وهنودة الحبوبة تسلم لي عينك شو ظريفة ....... وبنت الشيشان وعروس الشام ونسرين اهلا وسهلا فيكن
ان شاء الله ماكون نسيت حدا
وابقوا لا تنسونا من الدعاء
هنوده الحبوبه
صباحو بنات.. كيفكن حبيبات قلبي
اليوم فايقه من على بكير .. أو بدكن تقولوا ما إجاني نوم من كتر مالي فرحانه :)
الله يفرح قلوبكن وقلوب كل العباد

بنت الشيـــشان ايه هيك هه ارجعي وطمنينا عنك عم قول لحالي وينها هالبنت الحلال ..
الله لا يحرمنا هالطلة الحلوة ياحق
كيفك حبيبتي وكيفو ابنك ( ضياء) الله يحميه؟

ساجدة .. تسلمي لقلبي شو مذوقه الله يجبر بخاطرك ويروق بالك ويرضى عليك بجاه النبي محمد
كيفك يا قلبي وكيف ماسه وتقى خانم إنشالله مناح بوسيلنا ياهن وإنشالله تشوفيهن عرايس وياستي رح زلغطلن من هون للصبح!!
الله يفرحك فيهن وتشوفيهن متل ما بتتمني وأكتر

شـــــام حبيبة قلبي الله يعطيك ليرضيك يسلملي لسانك شو حلو
الله يحلي إيامك ويجبر بخاطرك ويجمعك بأهلك وحبابك عكل خير

نور حبيبة قلبي الله يهني قلبك ويجبر بخاطرك يا حبابة وإن شالله ربي يجمعك بأمك وكل أهلك وحبابك على خير .. والله الدنيا موسايعه فرحي بجية الماما تقبر قلبي .. لأنو هي أول مرة بتطول بغيابها!! إنشالله ربي يديمها فوق راسي

ويسلم هالتم إنشالله شو هالزلاغيط يللي بياخدوا العقل والله اتذكرت عرس أختي ..
الله يديم علينا الأفراح .. وكتير عجبتني هي يللي أمك قالتلك ياها

أوها ارفعي براسك يا مرفوعة الراسي ,,, أوها لا عليكي عيبة ولا حكت الناسي
أوها ارفعي براسك ولعريسك قليلو ,,, أوها أنا عرق ألماس وبنحط ع الراسي
لووووووولولولولييييييييييييش


هلين ولوليا ومزون وفتاة وعاشقة كيفكن حبيبات قلبي .. الله لا يحرمنا طلتكن ويسمعنا عنكن كل الخير

صحيح بنات وين زنزون والمزة وسما ايجيبت ولا للكابة؟؟ والله استفقدنالن

:26: :26: :26:
لـمـار
لـمـار
صباح الخير صبايا كيفكن ان شاء الله بخير شام ونور الحمد لله ما عاد فكرت بشئ وان شاء الله ربي...
هنوده الحبوبه
الله يسعدك والله مو عارفه كيف اشكرك:)
يارب يخليلك امك وتوصل بالسلامه سلميلي عليها وخليها تدعيلي
:26:
نور الدرب
تشرفت بمعرفتك حبيبتي والف شكر لك
ياناس خجلتوني:32: حاسه نفسي عروس وعم تزلغطولي :icon28:
بدي:arb: شامي >> قال خجلانه قال خخخخخخخخ


شام
مشكوووره يا عيوني على التوضيح طبعا راح نقول اوها

وهاي الزلغوطه مني شكرا لتعاونكم معي
ما حدا علمني ياها هههه يا ويلي من هنوده :angry2:

أوهــــــــا
ويا جماعـة كلكُـن
أوهــــــــا
وما نسـينا فضلكُـن
أوهــــــــا
والـيــوم عـنّـا
أوهــــــا
إنشاء الله بُكرة عندكُن
:icon28: لي لي لي لي ليش :icon28:

مو استاهل دعوه حلوه لاني فرحت قلوبكم بالزلاغيط واضفت جو ممتع لمجلسكم
:26:
HELEN
HELEN
مرحبا ياحلوين شلونكن والله اشتقتلكن كتير وكل يوم بقول هلأ بيحكي مع البنات وبطمن عليهن بس الله وكيلكن عند ابني اختبارات وباقي على زحلان عقلي شوي من كتر مابيعذبني وقت الدراسة وطوال مالو قاعد بيقلي شوفائدة الرياضيات وشو فائدة التاريخ وأنا بطول بالي عليه وأقول له بكره بتصير دكتور أومهندس بيقلي بدي أطلع لاعب كرة قدم الله يحمي والله عقدني
مرحبا هنودة شلونك عيوني وشلون ضهرك الله يرضى عليكي لاتلبسي كعب عالي وقت الشغل لأنه كتير بيوجع الضهروخاصة لأنوشغلك أغلب الوقت بتكوني واقفة الله يسرلك ونفرح فيكي الزلاغيط جاهزة بس باقي العرس
أهلا وسهلا بالصبايا الجداد نورتوا
نايس الحمدلله على السلامة شلون الشام وقت انزلتي كان الجو حلوالله يهنيكي يلا خبرينا شو صار معك بالتفصيل
ساجدة العسل تسلملي عينك وقت بشوف اسمك بنبسط وبطمن عليكي لأني انشغل بالي عليكي أخر فترة الله يسعدك ويحميكي أنت وبناتك وزوجك
بقية الصبايا لاطولوا علينا طمنونا عنكن