صباح الخير ساجدة شلونك وشلون ماسة وتقى طمنيني عن ماسة ان شاء الله حابة أختها ومالاغيرانة منها واذاأنزلتي عالشام لاتنسي طالعي معك قصص ووسائل تعليمية لماسة وان شاء الله بتتيسر بيعة بيتك والبيت اذا بالميدان وبعتيه مابتقدري تشتري الا بالضواحي لأن البيوت كتير غالية وأنا الحمد لله عندي بيت بالبرامكة
هنودة شو أخبارك وشلون صار ضهرك ان شاء الله خف الوجع
شام ياذا السيف ان شاء الله خاتمة الأحزان الله يرضى عليكي لاتتركي حماتك مسكينة بيكون قلبها محروق على بنتها ............الله يصبرها
سر الورود أهلين وسهلين نورتي بيتك ومطرحك

صباح الخير بنات كيفكون جميعا الله يطمنا على شام ولوليا ويكونو وصلو وشافو أهلهون وتهنو
تسلمولي كلياتكون ما بتنسو حدا
هنودة الحمد لله أنك اطمنتي على عاتكة والله يردلها صحتها ويقويها لولادها

هيلين كيفك وإمتى إجازتك الله ييسرلك وإن شاء الله تكوني خلصتي أمور الهدايا

آية كيفك أنتي والقمرات الله يسلمون إن شالله كلكون تمام

شام ياذا السيف الله يجزيكون الخير ألكون ثواب بمواساتهون وإن شاء الله الله بيرحمها وبيدخلها الجنة

الساجدة لله أنتي القمر كيفون بنوتاتك الله يسلمهون الله ييسرلك بيعة بيتك يارب ويكتبلك يلي فيه الخير أنتي إمتى نازلة عالشام

سر الورود أهلا وسهلا فيكي بيناتنا عطينا معلومات تفصيلية عنك لحتى نتعرف عليكي أكتر

أما بالنسبة لأخباري فالحمد لله الحمل منيح بس حاسة حالة تقيلة هالمرة أكتر من وقت ابني والوحام أيام بيروح وبيرد بيرجع أنا ماصدقت إمتى فتت عالرابع قلت بيروح بس لسا عم يطلطل عليي مو حابب يفارقني
وبخصوص نزلة الشام فأنا ناوية إذا الله راد أنزل بنص رمضان بكون صرت بنص التامن تقريبا بنزل بمضي العيد بالشام وبولد بعدين برجع لهون الله ييسر كل خير يارب

بنات أنا مستفقدة للمزة صرلا زمان ماطلت علينا هي وعاشقة وزنزون وبطة كلون ماعادو بينو الله ييسرلون ويرجعولنا يطمنونا عن أخبارهون

مرحبا مزون كيفك حبيبة البي اذا حاسة بتقل قولي للدكتورة تساويلك فحص للأملاح وأنت خففي ملح بالأكل الله يحميكي وتقومي بالسلامة على فكرة البنت يلي بتوقيعك حلوة أتوحمي عليها

صباح الخير وشكرا كتير عالترحيب الحاربس شو قصة السي في حاسة حالي مقدمة على وظيفة
طيب مشان تتعرفو عليي أكتر 0000

أنا من حمص وعايشة بالإمارات وروح قلبي السوريات من كافة المحافظات يمكن لأنو تربيت هون
كنا نحس أي حدى من ريحة سورية كأنو من العيلة ، متزوجة بس لسا ما عندي ولاد الله كريم
بحب السهر وبحب الفيقة بكير بس ماني عرفانة كيف وفق بيناتن بدى رأيكم لأني تعبت من مواعيد النوم الملخبطة الله وكيلكن بسهر للصبح عالنت أو أي شي تاني وبصلي الصبح وبنام وبفيق على رنة التليفون :angry2: بتطلع جارتى فايقة ورايقة وبدا تشربنى قهوة أحيانا بساير وبقوم وعيوني مخيطة :35: وأحيانا بطنش :44: المهم شلون اتخلص من هالمشكلة كل يوم بقول خلص اليوم بدي نام بكير وفيق بكير مشان شوف الصحة كيف بتصير بس عبث مافي خواص :( أول ما بحط راسي على المخدة بتجي كل الأفكار والإختراعات والمشاريع على راسى وبنسل متل الحية :30: من التخت قبل ما يحس أبو الشباب احزرو شو قلي امبارح لما قام يشرب ولآني سهراني شو يا رح أكتب متزوج على ورقة وعلقا على صدري :mad: : أمت أنا ما بسكت :icon8: آل عم نكت مشان طري الجو إيه وجيبا وقعلك إياها :icon20: 000 أبوك يالسهر

عزائي للأخت شام " ميس " عظم الله أجركم
وشكرا لهنودة الحبوبة
الساجدة لله : إلى رفيقة حلبية بحسك أنتى كأنك إياها
هلين ومزون تحياتى الحارة
آية : كيفك جارتنا
وبقيت البنات زنزون وفتاة غزالة وريما وعاشقة وبنت العاصي وينن

السلام عليكم يا بنات انا سورية متلكون بس بالصين
بدي قول لاختي سر الورود انا متل مشكلتك بس عندي المشكلة اكبر انو زوجي معي ههههه بس المشكلة عم تزداد لاني حامل ووحامي جاية على النوم وزوجي بيفيق بكير حتى لو نام على صلاة الفجر بيفيق بكير وانا كتيييييييييير عم حب النوم لح موت اذا لقيتي حل لمشكلتك قوليلي