ماشالله شايفة الحباب مجتمعين .. والله تروحن قلبي بهالجمعه الحلوة الله لايحرمنا ياها أبدا
ويديم محبتنا وأخوتنا ويجعلها خالصة لوجهه الكريم
تسلمو لقلبي كلياتكن شو حبابات .. الله يجبر بخاطركن ويرضى عليكن كلياتكن وينولكن يللي ببالكن ويديم عليكن الصحة والعافية
نور حبيبتي والله مابلبس كعب عالي أبدا .. بس الظاهر تعب وجهد السنة كله هلأ لظهر معي .. الحمدلله عكل حال .. الله يتم عليي رضاه ويشافيني ويعافيني والله أنا أبدا مابحب نومه التخت بحس حالي مرضانه أكتر والمشكلة إنو الدكتور قلي لازمك رياحة تامه .. بقى مالي عرفانه شبدي ساوي
ربك بيعين ..
أمانه حبيباتي ادعولي معكن .. سبحان الله فعلا (الصحة تاج على رؤوس الأصحاء)
الله لايحرم حدا صحته وعافيته ..

سلااااااااااام لاحلى جمعة من سوريا الحبيبة الحمد لله انا بخير واهلي طاير عقلهن الحمد لله حبيت سلم عالسريع لا تنسوني شهرين ان شاء الله وبرجعلكن

السلام عليكم

حبيباتي أنا إجيت:icon28:

مارح أقدر أعدكن ماشاء الله كأنكن كترانين ...أي الحمد لله الله يزيد ويبارك

بس بحب أشكر كل يلي سألوا عني وخليني فوت الموضوع دغري

مشان الطبخ أنا عندي بالبراد دائماً موجود بزيلا مجمدة لأن متل مابتعرفوا هون بالإمارات الخضرا يلي

منتل هي نادرة ومو زابطة أيه كل مالقيت حالي متكسلنة ومو جاي على بالي أطبخ بساوي رز ببزاليا

واليوم ساويتها وبكرا لازم أطبخ بس محتارة شو ساوي .....خليها لله

ومشان المخلل أنا كمان شفت أمي هيك بتقطعو وبتحطو بقناني وأنا مرة جربت ساوي قامو طلعوا

أع ع ع ع ع ع :09:

وهلاء بشتري من السوق جاهز بلا وجعة هل قلب

وهنودة الله يسلمك ويشفيك حبيبتي والله زعلت عليك كتير إن شاء الله بتقومي بالسلامة

ومشان السفر عم نستنى المراقبة تبع جوزي بالمدرسة لتخلص لأنو بدنا نسافر بسيارتنا

ويمكن يخلصوا مدرسة بشي 4 أو 5أو 6 الشهر الجاي ودغري رح نسافر إن شاء الله

وبطريقنا رح نساوي عمرة متل السنة الماضية (( ويلي بدها شي من بلد الحبيب توصي ولا تهتم )):)

وللوليا بقول اشتقنالك ياضرسانة وياربي تنبسطي وترجعي بالسلامة ياغالية

ومشان الإعصـــــــــــــــــــــــــــــــــــــــــــــــــــــــــــــــــــــــار

اليوم 5-6-2007 قالوا على قناة الشارقة إنو مافي خطر على الإمارات غير شوية هوا ومطر والله

يبعت الخير

حبيباتي يلله بدكن شي أنا رايحة سلامي للجميع دون استثناء

السلام عليكم

فتاة سورية
نسيت اتشكرك عزيزتي والله مع الحمل كتير أنا بنسى معلش اعذريني يسلمو وأنا كتير استفدت منك
بالأول عطيتها إنفاميل A+ لونه ذهبي وهلأ بلشت بـ سميلاك أدفانس الأخضر وشكلو ماشي حالو لأن مكتوب عليه من 6 شهور لـ 18 شهر ،،، وطبعا أنا من فترة مبلشة سيريال رز وفواكه وإن شاء الله ناوية بلشلها بالـ خضرة بركي هالأسبوع ،،، والحمد لله هي نوعا ما عم تتقبل أغلب الشغلات ,,,

لوليا الغالية
والله انبسطت كتير بردك والله يهنيك ويبسطك أكتر وأكتر

هنودة الحبوبة
ألف سلامة عليكي وما تشوفي شر ومعلش الرياحة هي اللي رح تطيبك بإذن الله وأسأل الله العظيم رب العرش العظيم أن يشفيك آمين والظاهر سفرة أمك كمان تعبتك المسؤولية مو قليلة الله يعطيك الصحة والعافية يا رب

بنت الشيشان
مية هلا بطلتك كتير غبت علينا ،، ولا تنسينا من دعواتك بالحرم وابعتيلي شي كاسة زمزم ههههههههههههه وإن شاء الله بنسمع منك الأخبار الطيبة
وبالنسبة للمخلل مضبوط أكتر شغلة بيضبط بقنينة البيبسي الكبيرة الفاضية أو الصغيرة حسب كمية المخلل اللي عندك يا سلام شو بيطلع مكبوس وعم يئرش مرة جربت مخلل فليفلة وطلع خيلة

وين بقية الحلوين طلو علينا .... :26:

صباح الخير يا بنات ، إن شاء الله الكل بخير

امبارح صار في تطورات بالنسبة للإجازة ، في اقتراح إنو نسافر على تركيا شي 10 أيام ، شمة هوا و شغل ، متل ما خبرتكن قبل أنا حماتي تركية و إلها بتركيا امور مالية معلقة و هي خطي ما بتقدر تسافر ، بتتعب بسرعة و مشان هيك رح تعمل وكالة لحدا من أولادها حتى يمشيلها هالأمور.

بس بصراحة السفرة لهيك محل مع الأولاد متعبة و ما بتخيل رح ينبسطوا كتير . و زوجي مستحيل يوافق نبعتهم مع أهلي على سوريا مع إنو أهلي و الأولاد كتير رح ينبسطوا.

شو رأيكن اتوكل على الله و آخدهم معي ؟؟ و لا اقنع زوجي نروح لوحدنا؟؟؟