ما شاء الله .. ما شاء الله ..
الله يبارك بهالجمعه الحلوة .. كيفكن حبيبات قلبي وكيف الشوبات عندكن
نحنا اليوم عنا الجو متل النااااااااااااااااااااار ..الله يجيرنا يارب :09:

بنت الشيشان ما شالله الله يهني قلبك بشوفة مكة وبزيارة الرسول.. ويطعمني ياها أنا وكل مشتهي يارب آمين..

وبأمنك أمانة إنو تذكريني بدعائك
إنو الله يطعمني حجة بأقرب وقت و يهديني ويصلحلي كل أحوالي وينور قلبي بالقرآن ويرزقني بر أهلي ورضاهن ويرزقني بالزوج الصالح المرضي ويرزقني الصحبة الصالحة ويشفيني ويعافيني... أمانه هه
وبهالمناسبة الحلوة بهديك هالكلمات وهي بأنشودة بتجنن لموسى مصطفى
(وديلي سلامي يا رايح للحرم وادعيلي وسلملي على هادي الأمم ..
انظر للكعبه يا محلاها نور وبهاء يغشاها يحفظها ربي ويرعاها ،،اذكرني أمامها وادعيلي .. وادعيلي
ياساعي بهمة من الصفا للمروة يا شارب من زمزم اذكرني بدعوة
هنيئا هنيئا يارايح للهادي غرامه شغلني ملى كل فؤادي .. ادخل من باب السلام بتأدب واحترام صلي على طـــــه التهامي وصاحبيه وادعيلي .. وادعيـــــــــــــلي.......)

:26: :26: :26:

لوليــــــــــا .. ألف الحمدلله عالسلامة .. نورت سوريا
الله يهنيكي .. ويهني أهلك بشوفتك وإنشالله ما بتحترميهن إلاهي

ميس .. والله هلأ لعرفت إنو حماتك تركية أنا تيته أم أمي تركيه من (كونيا).. الله يديمن يارب
والله تركيا بتاخد العقل وإنشالله بتنبسطو هنيك وبتغيروا جو ومشان الولاد حاولي تقنعيه لزوجك إنن يروحوا مع أهلك والله بظن رح ينسطوا أكتر بسوريا
وعلى كلن يللي فيه خير بيساويه ربك

عاشقة أهلين حبيبة قلبي .. والله عقولتك اعمر بيخلص وشغل البيت ما بيخلص وبتعرفي أنا ما بيهون عليي شوف الماما عم تعزل لحالها لأنو حبيبة قلبي مرضانه وما بيسوالها توقف كتير والظاهر بسفرتها أنا كتير تقلت عحالي .. يلا الحمدلله عكل حال
المهم انت كيفك وكيفها سوسو خانم الله يحميلك ياها وتشوفيها أحلى عروس

ساجدة حبيبة قلبي .,. أهلين يا عمري أيه وين هالغيبة .. لا تحرمينا من هالطلة الحلوة
بتعرفي سوسو والله غليان قلبي عبكرا أحلى من وقت ما ضربوا لزوجها حبيبة قلبي وما عادت بينت
إنشالله ياربي تكون بخير
باقي البنات .. كيفكن حبيباتي بدكن ما تواخذوني لازم هلأ أطلع بس إنشالله برجع بطمن عليكن كلياتكن
يلا بخاطركن

مرحبا يا جماعة بلش الاعصار يوصل عالامارات هلا حطو صور لمدينة جنب الشارقة بلش البحر يهجم عالشارع الله يلطف وفوقها شوب نااااااااااااار.......يلا هي وصفة الجاج
الكمية لجاجة وحدة بتنظفوها من جوا وبعدين بتحطي بالخلاط ملعقة كركم وشوية فلفل ابيض وقرفة وبهارات الدجاج وملعقة خل وسن ثوم وعصير ليمونة وشوية زيت البهارات فيكتي انت تحطي يلي بدك ياه ...............وبتخلطيهم وبتتبلي الجاجة بهالخليط وبتتركيها بالبراد شي 3سعات بهالاثناء بتطبخي فريكة او رز انت حرة انا عملت وحدة رز ووحدة فريكة وبتحشي الجاجة فيهن وبتخيطيها ........وبتحطي معها بطاطا وكوسا وجزر بكيس الفرن بتسكريه وبتتركيها عالنار شي ساعتين ............وبعدين بتفتحي الكيس وبتخليها شوي تتحمر وصحة وهنا وادعولنا

(( أول شي مشان الغياب : والله يابنات بدي استلم الإشراف بمنتدى نسائي ديني وعم حاول أتعرف على

المنتدى ويلي فيه لحتى يسبتوني . وعم أقضي كل وقتي فيه ومابفوت لهون غير لأقرا مشاركاتكن ورد

عليكن قدر المستطاع )) فأرجو ما تآخزوني :icon33:

وهلاء بنبلش بالبنات :)

هنودة الحبوبة : لاتاكلي هم إن شاء الله رح أدعيلك من كل قلبي (( ورح أكتب ورقة وحط فيها كل طلبات الأدعية لحتى أتزكرهن )) تكرم عيونك وإن شاء الله تكوني بخير
آية 2006 : تكرمي أنت كمان ومارح أنساكن ( وأكيد عرفتي ليش ماعاد طليت )
الساجد لله وحده : حبيبتي شكراً على السؤال وبالله ما تآخزيني من كتر البنات ماشاء الله أحياناً بنسى أسأل على كتير منكن وسلماتي إلك
عاشقة الحب : حبيبتي الله يسلمك ويخليكي وإن شاء الله رح أدعي للكل
شام ياذا السيف : أمرك لله حبيبتي خديهن معك (( ونيمهن بغرفة لحالهن وقفلي عليهن الباب بيصير شهر عسل :icon28: ))
نور الدرب : الله يسلمك ويخليكي حبيبتي وبإذن الله رح أدعيلك
وباقي البنات سلامي إلكن جميعاً وطلوا علينا

والسلام عليكم

كيفكون بنات ان شاء الله بخير شو شايفة اللي تعبانة واللي بدها تروح وما بدها تاخد ولادها اول شي الله يعافيكون ويشفيكون كلكون وتاني شي الاولاد ما يبتاخدو لمحل والله بيقرفو الحياة وما بيصير اسمو شهر عسل بيصير شهر بصل رسمي
مشان المخللات بدي قلكون انو خلصو وعم ساوي غيرون والله عم ادعيلكون ليل وانهار كل ما قرمش مخلل بيطير عقلي وزوجي بيضحك عليي ههههههه
المهم انا بالصين من سنو و9 اشهر للي سألت والله نسيت الاسم وانا مبسوطة الحمد لله
شو مشان الاعصار والله غريبة الدنية صيف وقلي زوجي انو بالخلجان مابيصير اعاصير وخصوصي بالخليج العربي الله يجيرنا من هالزمن
ايه 2006 الصراحة انا وقت قرات على الاعصار بردك خفت كتير بس لما بلشت اقرا وصفة الجاج نسيت الدنية وبدي جرب اعملها الله يسلم ايديكي يا رب
يلا بدي روح حاجتي حكي بدي نام الحمل مقرفني حياتي نصيحتي لا تحبلو بعد اول ولد بس انتظرو على القليلة سنة بس المشكلة انو انا زوجي حطني بالامر الواقع فرضيت باللي كتبلي ياه رب العالمين
ومع السلامة لانو حناكي تشرطت من المتاوبة
السلام عليكم جميع