حبيبتي فتاة الرز لازم يكون مستوي قبل ما تحشي فيه الجاجة وما بعرف اذا بتظبط بدون كيس الفرن ؟والله زعلتيني انو ما ظبطت بس انا قلت انو بتطبخي رز او فريكة وبعدين بتحشي الجاجة يلا بسيطة تحصل في افضل العائلات

صباحو.. كيفكن صبايا :26:

إنشالله الكل بخير.. بنات الإمارات شو صار معكن بالإعصار .. الله يحميكن ويبعد عنكن كل شر

saboura أهلا وسهلا والله بدك ماتواخذينا ياقمر.. ولو أحلى الدعوات لعيونك( الله يجبربخاطرك وينولك يللي ببالك ويرضى عليك)

دانية يسلملي لسانك شو مذوقه .. أنا الحمدلله تمام حاسه حالي اليوم أحسن ..
أخدت إجازه من شغلي اليوم قلت لحالي برتاحلي يومين .. وربك بيعين
وبالنسبه للمخللات إنشالله صحتين وهنا على قلبك ،، بس لا تكتري منشان الأملاح
والله يهون عليك ويفرحنا بقيامك سالمة

أيوته حبيبتي كيفك ياقلبي وكيف بنوتاتك الحلوين .. يسلمو ايديك عالوصفة واليوم إنشالله رح جربها باينتها كتير طيبه

سر الورود .. وينك يا حلوة .. ليش ماعاد طليتي علينا

وباقي البنات كيفكن حبيباتي مزون.. وزنزون.. وهلين.. ولاللكآبه (بالظاهر سافرت عسوريا ومنّا دريانين).. وبطه ( شو صار بمعرضك يا حبابه.. لا تنسي تخبرينا) وفي كتير بنات ماعاد بينو
الله يسمعنا عنن كل خير ..

يلا أنا كمان رح قول متل دانية .. مابدي كتر حكي:)
يلا بخاطركن:26:

بنات بتعرفوا .. كنت بدي إطلع بس لقيت موضوعنا ضايله مشاركة ويصير ألف مشاركة فحبيت
اكتب المشاركة الألف
شو رأيكن .. هلأ بدكن تقولوا شبها هي ؟؟

لكن شبدي ساوي من ركازتي بدي ساويها :icon28: :icon28:

هههههههههههههههههههههههههههههههه:) :) :)

حبيبتي هنودة الحبوبة انتي ما في اركز منك بس مافهمت منيح عليكي يعني انتي بدك تنامي شي ؟؟ههههههههههههههه عم امزح
بس شبكي فعلا يعني حطيت حالي محلك حسيت حالي جدبة ع سلامتك حبيبتي بس غريب ردك هههههههههههه بس والله لما شفتو فرطت ضحك مع انو مافي شي بيضحك هههههههههههه والله مابعرف شو بدي قلك حاسة حالي مكتئبة بس مو اكتئاب نفسي اكتئاب عقلاني ههههههههههههههههه لا تواخذيني انا جنانة هاليومين خليها على الله شو بدي قلك لقلك المهم شو طبختو انا طبخت فخدة بالبطاطا وسازيت جنبها رز وطاقة روحي الساعة هلق 11 ونص بالليل وبدي ساوي البيت مرة تانية لانو بكرة بدي روح لعند بنت حمايي طلعت على الصين بس يا فرحة ماتمت متخانق زوجي وزوجها بس هيي وان مادخلنا المهم بدي ساوي البيت مشان بكرة بدي فيق بكير وزوجي مابينتظرني لحتى ساوي البيت بدو يتوكني عندها ويروح على الصلاة ويرجع ياخدني يا جماعة عم اتمنى اطلع من البيت وماارجع منو عم اكره قعدة البيت والله شي بيقرف هلق طلعت تمسيلية الديشة اللي بتعرفها انا بموت المسلسلات الخليجية وزوجي بيكرها تماما المهم شوفو اليوم بدي احكي لاشبع مابدي حدا يقلي حاج بدي فش قلبي بقا حاجتي مضروبة على امتى وساكته المهم ابني نايم وحاسة حالي مشتاقة لماما ومشتهية اسند راسي على حضنها يا الله يابنات شو مشتاقتلها انا وماما كتير صحبة لانو امي مو كتير اكبر مني امي بعمر زوجي او اكبر منو بشي 3 سنين يعني انا وياها رفقة وصحبة بس هلق بالغربة ضا عت الدنية وضاقت من حوليي حاسة انو ماحدا بيحبني حتى زوجي حاسة اني هيك يعني مابعرف شو بدي قول بس متضايقة كتير ما بعرف ليش بتصدقو انوكتير اوقات بيخطرلي سقط الولد اللي ببطني مع اني باخر الخامس والله لما بعد بفكر انو في ولد تاني جاية بحس باحباظ ضاع مستقبلي وعمري وضاعت حياتي ضاع عمري وشبابي مابدي صير متل هالنسوان اللي بتعد خدامة لاولادها وزوجها وانا لساتني صغيرة مو حرام يبين عليي التعب ويسود تحت عيوني وينتزع جسمي وبعد عن اهلي واتخانق انا وزجي واعمل شغلات انا ما بحبها مشان عيش ؟ او انحرم من شغلات انا بحبها مشان عيش؟
وتضيع البسمة من على وشي وبينتقدني اللي حوليي ليل مع نهار والله بحس بالاهانة لا تعدو تقولولي اعملي وساوي لانو خلص فقدت الامل ماعد بدي شي بس بتعرفو انا بستاهل كل شي كلو انا اعملتو بأيدي كيف مابعرف المهم يلا خلوني روح بلا ما تنزل هالدمعة المعلقة مابدي زوجي يقلي شبكي وشبكي وقلو هالحكي يعد يزعل مني خلوني على القليلة هاليومين مبسوطة وبلا مشاكل عم داري زوجي متل العين الرمدانة العلة زوجي كتير منيح بس اوقات بحس اني بنتو وهو ابي من طريقة التعامل وبحسو غريبة وبستحي ما بعرف اذا عم تفهمو عليي او لاء والله انا بذات نفسي مو عرفانة شو بدي ضايعة بهالدنية والعالم ضايعة بين حالي عم دور متل الجدبان المهم بدي روح هلق بس ماخلصت
بعرف تقلت عليكون بس مالي غيركون على كل ان بساوي البيت وبرجع واذا مارجعت ادعولي الله يتغمدني برحمتو هههههههههه عم امزح قصدي ادعولي الله يعيني ويفرج همي وبكون نمت وصرت بعاشر نومة ههههههههههه يلا السلام عليكم
ولا تواخذوني طققتلكون قلبكون

أهلين دانيه.. والله مابعرف شو كان صايبني وقت كتبت هالرد
والله هلأ وأنا عم أقراهن عم قول شو هاد؟؟!!!
شو هالكلام والله كأنو وحده جدبه كاتبته .. بتعرفي بهاليومين حاسه حالي صايره متل المجنونه
الله يصلحلي حالي .. يلا خليني من نفسي شي مره جن حاجتي ركازه
ههههههههههههه.. عم بمزح

حبيبة قلبي والله اتأثرت كتير بكلامك الله يصلحلك كل أحوالك أنت استهدي بالرحمن وإنشالله بيجبرك وبيفرجها عليك .. وهونيها بتهون والله .. يمكن هيك عم تحسي لأنك هلأ بفترة الحمل وبتعرفي إنو بهيك فترة بيصير بالوحدة كتير تغيرات بهرموناتها ونفسيتها
وأنت احمدي ربك على كل شي وإنشالله مابتلاقيه إلا جبر بخاطرك وعوضك كل خير .. والله مالي عرفانه شبدي قلك غير إني حإدعيلك من كل قلبي إنو ربي يفرج همك ويصلحلك كل أحوالك
يلا تصبحي عكل خير