صباح الخير يا بنات ،

كيفكن ، إن شاء الله الكل بخير

بصراحة يا بنات أنا ما بعرف شو عم بيصير لي بالعطلة .
بقعد كل الاسبوع بخطط شو بدي اعمل و بس تجي العطلة ما بعرف كيف مضي الوقت و ما عملت شي مهم .
حتى راحة ما عم ارتاح متل العالم و الناس .
الحمد لله على كل حال .

بالنسبة للحفظ أنا ماشية منيح الحمد لله ، و متل ما خبرتكن بحفظ صفحة باليوم و تاني يوم براجعها .
و ناوية إن شاء الله خلي زوجي يسمعلي ، بلكي بيغار شوي و بيحفظ هو كمان .

بنات حابة إستشيركن بشغلة .
زوجي ناوي يشتري سيارة ، و كان مفكر ياخد وحدة مستعملة بس مو قديمة كتير ، يعني على قد مصرياتنا لإننا موحابين ندخل بشغلة قروض و غيره ( حتى لو كانت إسلامية ).
المهم صار له تقريبا 4 شهور عم بيدور و ما عم بيلاقي ، و من يومين وكالة الشيفروليه عاملين عرض على سياراتن القديمة بأسعار مغرية كتير و على قد مصرياتنا تمام .
و المنيح بالموضوع إنو هالسيارات بتهتم براحة السائق و طريقة جلوسه و هالشي كتير مهم بالنسبة لزوجي لإنه معه (ديسك ) .
أنا بصراحة ما كتير متشجعة لإنه متل ما بتعرفوا هالسيارة أمريكية و ما حابة نشتري أمريكي، بس شايفة زوجي كتير متحمس إلها ، و المشكلة إنو عم بيقلي إذا قلتيلي لا تشتريها خلص ما باخدها ، و أنا مو حابة كون السبب إنو ما يا خدها .
أنا مبارح صليت استخارة ، و الله يقدم اللي فيه الخير .

إنصحوني بنات ، شو إعمل ؟؟؟؟

سلام لاحلى بنوتات لا تاخذوني عم غيب عنكم بس والله عقلي معكن بدي قلكن عا شغلة صارت معي مبارح شر البلية ما يضحك مبارح اجا عابالي كستنا المسويات وقمت حطيت شوي بالفرن حمصتهن وبعدين اخدت وحدة من الفرن بردتها تحت المي شوي وعضيتها بسناني واسمعلكن هداك الصوت طق انفجرت لتمي اول شي ما استوعبت شو يلي صار بعدين حسيت بنار عم تلفح لساني من جوا غسلت بالمي الباردة حسيت شي طار من عقلي من الوجع بعدين قعدت فكر لكون ماعاد اقدر احكي او اسمع لا سمح الله لانو بسبب ضغط الانفجار وجعني حلقي واذاني من جوا قعدت احكي بصوت عالي وتطمنت انو الحمد لله كلو تمام رحت طلعت عالوضع بالمراية والله لا يفرجيكن الا النور لساني كلو ايبيض من سفلو ومن فوق من قدام والمنطقة يلي تحت للسان كلها محروقة لعند اللفة قام جبت محرمة بليتها وحطيتها بتمي وعضيت عليها وصارت دموعي تشر بعدين شوي شوي الحمد للله الوجع خف وقعدت الهي حالي بالقراية لحتى نعست وقمت نمت ومشان تكمل جوزي كان مناوب بالليل وقبل ما نام بنتي شام قامت استفرغت كل الاكل يلي اكلتو الحمد لله عا كل حال واليوم بس لرجع جوزي رحنا عالكلينك وشفنا عدد هائل عم يستنو فرحنا عالمشفى ونطرونا 3 ساعات ونص بعدين شافتني الدكتورة لمدة 5 د بالكتير وقالتلي ما فينا نعمل غير انك تاخدي تلينول ورجعنا عالبيت هي اخر اخباري والحمد لله بس قلت لحالي الله يجيرنا من نار جهنم ومن ساعة الغفلة ادعولي يابنات الله يخفف عني لانو موقدرانة حط بتمي شي وسلام لاحلى بنوتات

صباح الخير ...

معلش لوليا ، إن شاء الله أجر و عافية ، و غعلا الله يجيرنا من نار جهنم .
حبيبتي حاولي تحطي بتمك قطعة تلج و تخليها لتذوب ، أو كلي Ice cream كمان بيمشي الحال و بتبرد شوي لسانك .

بنات ، فوتوا على هالرابط و إدعو لكم شي دعوة
http://forum.hawaaworld.com/showthread.php?t=742710

كيفكم بنات لا تاخذوني بعرف مقصرة كتير بس الله يعننا يارب

حبيت اسلم على السريع سلااااااااااااااااااااام

ومشان ما اكون دخلت وطلعت بدون فائدة رح حط لكم هذه الانشودة انا كتير بحبها ومعانيها حلوة بتشعرنا بالفخر والعزة ...ان شاء الله تعجبكم

انا حطيتها بموضوع الحجاب ورح ارجع حطها هون

http://epda3.net/iv/es1046.ram