عزيزتي ايه لا تزعلي ولا شي انا عم احكي لك شو صار معي من زمان من شي سنتين يعني مو من جديد ....بس لما قرأت وصفتك اتذكرت ...وهلا خلاص ما عاد لي نفس للطبخ والمطبخ "عن جد بقول لاولادي وزوجي شيبتوني وانا لساتي صغيرة وبحس حالي متل الختيارة بتعب بسرعة ولا الي حيل على الطبخ ...الله يرحم ايام زمان كل يوم لازم جرب طبخة جديدة ولك حتى الخبر كنت اخبزه انا بالبيت ....."

المهم هنودة انا كمان عجبتني حركة ال1000 مشاركة هههه ذكرتيني بشغلة بس لا تضحوا علي

لما كنت اتخانق مع زوجي بدي روح على شي محل وما بده ياخذني وبالاخير بوافق بعد طلوع الروح بتخيل ان بعد ما بحطني بالمحل وبروح يعلونو اني رقم1000 الي بدخل المحل بها اليوم ولذلك رح احصل على جائزة كبيرة .... هههههه بس ماصارت لسا وما شكلها رح تصير

دانية لا تشكي لي ببكي لك .. بس عن جد الواحد لازم يقول الحمد لله وصدقيني الايام بتمشي بسرعة وما بتحسي فيها ...بيني وبينك بعد ولادتي بمعتز بكيت حتى حاجة هيك على جسمي الي انخرب وعلى تعليقات زوجي الي ما كان يرحمني ...بس بعدين صرت طنش حكيه لان يوم بقول لي لازم تضعفي ويوم بقول لي ضعفتي لازم تسمني يعني بس بدو يخليني انشغل بحالي فقررت اعمل الي بريحني وبيبسطني انا وبصراحة لما بتذكر هذيك الايام بحس انه ما كان بده كل هالبكي بس انا الي كنت حساسة زيداة ..وانت نفس الشي بكرة بتتذكري هالايام وبتقولي يييي شو كنت زعل حالي على الفاضي

كأنو انا كمان رغيت كتير ما هيك ههههههه

سلامي لكل البنات ايدي صارت توجعني من الكتابة ...بعرف ما كتبت كتير بس ما قلت لكم صايرة عجوزة

يلا لبش لعي انا كمان ههههههههههههههههه كيفكن حبيبات قلبي ..................نور وهنودة وفتاة شو اخباركم نور حبيبتي طنشي كل البشر وحكين دخيلك بدنا نعيش على حكي الناس بنمرض طنشي والمهم الصحة والعافية................حبيبتي دانية طولي بالك .....................انا والله حاسة فيك وبعرف كيف الوحدة بلحظة بتحس حالها لوحدها بالهدنيا ...........وبتشتاق لترتمي بحضن حدا ..........والله بعرف هالشهور كتير منييييييح ...........بس انت احمدي ربك انو عالقليلة فيك تحلمي بانك رح ترتمي بحضنها يوما ما وانشالله قريبا بس في غيرك انحرمو من امهم .......ورح يضل هالشعور ملازمهم..........
بتعرفي شو مشكلتنا نحنا بالغربة انو بتكون الوحدة بحاجة لحنية وحضن دافي ........وبتستنى من الرجال انو يقوم بهالدور وطبعا الرجال مو شاطر بهالشغلات واصلا حتى لو قلتيلو حن عليي ما رح يعرف يعملها ...........صدقيني كل الرجال هيك طبعهم ............اكيد بيحبو زوجاتهم...........كتير وبيعاملوهن بالحسنى بس انو يحنو ويعطفو متل امك وابوك ...........مستحيل يعرفو يعملوها...........وانت عم تقولي انو بتستحي من زوجك وبتحسي حالك عم تحكي مع ابوك .........يمكن الفرق كبير .........بس المراة بطبيعتها عقلها كبير ..........وانت بتذكر قلت عمرك 26 ماشاء الله يعني عقلك بيوزن بلد ..............على كل حبيبتي انت لا تقعدي كل ما ملليت تقولي انا صغيرة وهو اكبر مني ................بالعكس حاولي تلاقي ايجابيات لهالشي لانو صدقيني وعن تجربة انو اذا زوجك اكبر منك بيحتويك وبيتحملك اكتر مليون مرة من اذا كان بعمرك ...........انا زوجي اكبر مني ب12سنة .......وبشوف الفرق بيني وبين رفقاتي يلي جوازهم بعمرهم بتلاقي هو لسا طايش ولازم طلباتو دايما مجابة ومالو مستعد يتحملها ولا لحظة ..............لذلك دوري على الايجابيات ........وشوفي الشغلات الحلوة بحياتك زوجك ولادك ............في ناس بتعيش عمرها كلو بتحلم بكلمة ماما ........صحتك وعافيتك وقعدتك مع اولادك كلها نعمة من رب العالمين............صدقيني يا دانية ............والله طالما انت بصحة وعافية انت وزوجك واولادك هي لوحدها نعمة كبيييييييييييييييييرة لازم تخليك فرحانة وكل تاني مو مهم بيتظبط وبيترتب مع الايام...........بعرف غريت كتييييييييييييييييييييريلا سلام

بنرجعلك دندونة...........زلانو والله حاسةفيك ..............انت عم تقولي ليش المراة العربية .........لازم تضحي لتعيش انت لا تفكرب بهالطرقة فكري انو انت عم تسايري......مشانك انت مشان تنبسطي ونريحي بالك ...........ولازم الرجال يقتدو بالرسول بس كمان لازم نحنا نكون متل زوجاتو؟؟؟؟؟؟؟؟؟
وبالنسبة للاهتمام بحالك هي ليكني انا دكتورة سنان وليكني قاعدة بالبيت بقلك موحازة بنفسي اكيد بس بكل لحظة بمضيها مع ولادي بحسها بتسوى شهادتي كلها .........

السلام عليكم ورحمة الله وبركاته
دخلت من باب الاطلاع
فوجدت كلامكم عن كتاب عائض القرني فاحببت ان اثري
مجلسكم بروابط لكتب عائض القرني
وكتاب عن الغربه
اعانكن الله

العنوان أسعد امرأة في العالم
المؤلف عائض بن عبدالله القرني


العنوان ..::..:: لا تحزن ::..::..
المؤلف عائض بن عبدالله القرني


العنوان مفتاح النجاح
المؤلف عائض بن عبدالله القرني

العنوان حتى تكون أسعد الناس
المؤلف عائض بن عبدالله القرني


العنوان هكذا علمتني الغربة
المؤلف سامر نبيل الحرباوي


للنساء فقط

بنات بدي لكون معلومة انا بالفعل صغيرة كتير انا لساتني ما طبقت ال 17 ومتزوجة من سنة وشي 9 اشهر بقا شو رأيكون الحق مو معي ولا شو؟؟؟؟