صباح الخير بنات
كيفكن كلياتكن معلش فايته سلم عالسريع لأني كتير معجوقه
إنشالله الكل بخير ..

مزون حبيبة قلبي والله اشتقنالك .. الله يهون عليك ويقويك يارب

سر الورود يسلملي لسانك شو مذوقه الله يبارك فيك

آيه حبيبة قلبي بسم الله عليك شبك يا حبيبة قلبي
روقي حبيبتي .. الله يروق بالك ويرضيك
وربي يهديلك نور ويباركلك فيها

ميس الله يسلمك حبيبة قلبي وأمانه لا تطولي علينا الغيبه!!

دانية سلامة قلبك ماعقلبك شر إنشالله .. ابقي طمنينا عنك

يلا حبيباتي طالعة .. بخاطركن

شو يا صبايا وينكم يلا والله مشتاقة لحكياتكم ونا قلت لحالي بفتح بفرفش شوي لقيت الموضوع بالصفحة التانية؟؟؟؟؟؟؟؟؟؟؟؟؟؟؟؟؟؟؟؟؟؟

صباح الخيرات والليرات لكل بنات سوريا الحبوبات
الحمدلله واخيرا صار عندي نت بالبيت
عملت تحليل دم وطلعت حامل ولله الحمد
زوجي مانه مصدق اني حامل قلي ما بصدق لشوفه عم يسبح ببطنك :hahaha:
وكانو بلش معي الوحام معدتي كتير عم توجعني اذا كانت فاضيه غير لعية النفس واني ماعم حب ريحة زوجي :09:
الي 4 او 5 ايام ما طلعت من البيت كتير دايقه خلاقي وزوجي دوامه طويل بالشغل من 9 الصبح لـ 8 ونص المسا من دون انقطاع
وماعد طبخت وبيتي طايف بده تنظيف
ان شاء الله تسمحلي اللدكتوره بالسفر والا بتتعب نفسيتي بزياده

مية اهلا وسهلا باللي نضمو النا اعذروني ما حفظت الاسماء والله يديم هالجمعه الحلوه يارب

بطة ألف مبروك الحمل والله يتمملك على خير طمنينا عنك وكيف كان معرضك الحمد لله صار عندك انترنت بالبيت مشان نسمع أخبارك على طول
إمتى بتحكم ولادتك إذا الله راد

آية شايفة الموضوع كان أنشط الأسبوع الماضي هالأسبوع حالل الكسل أنا بالنسبة ألي كل ماحاكي أهلي بلاقيون عاملين مشاريع وطالعين من البيت مشان هيك بكتئب وبحس حالي محبوسة هون يلا الحمد لله على كل حال

هنودة الله يخليكي وأنا اشتقتلكون بالأكتر بس كان حالل عليي كسل فظيع واليوم فايقة من بكير ونازلة تنضيف بالبيت مشان بوكرا الجمعة يكون نضيف ومرتب وما ينعمى قلبي وأنا قاعدة عم لملم

شام ياذا السيف طمنينا عنك بلشتي ضبضبة الشنط الله ييسرلك سفرتك يارب ويرزقك بنوتة

دانية في الصين شو أخبارك وأخبار الحمل الله ييسرلك وتقومي بالسلامة

نور الدرب طمنينا عنك وعن حملك كترو الحوامل بالموضوع الله يقومنا جميعا بالسلامة

الساجدة لله كيفك ياقمر وكيفون بنوتاتك إن شاء الله تكونو بألف خير

هيلين يمكن قربت نزلتك كتير الله ييسرلك وتوصلي بالسلامة

ميس حبيتي ان شاء الله بتنبسطي بتركيا يارب
تركيا هالايام مافي احلى من جوها بس بالليل بصير برد خصوصا اذا كنت بمنطقه جبليه
بدك احكيلك اكتر عن تركيا وعن المناطق الحلوه ماعندي مانع
بس بدي نبهك ع شغله لا تتسرعي وتشتري تياب او هدايا من اول قطعه حلوه بتشوفيها انا هون الي حوالي سنتين بعد ما اشتري القطعه اللي بتعجبني بروح بتحسر لان بالمحل اللي جنبه في احلى منها
وان شاء الله بتقضي وقت حلو بتركيا ولا تنسي تزوريني تبقا