السلام عليكم : كيفكن يا حلوات المنتدى
دانية : لا تطولي علينا طمنينا عنك ، والله شغلتي بالي عليك ، إن شاءالله خير
ساجدة : نعنش قلبي لما قلتي عنا برد ، بعتيلنا شوي يستر على حريماتك
آية : كيفك وكيف البنوتات ، امبارح شفت أول مرة حلقة من وشاء الهوى ، عن جد انصدمت
شوهاد يا لطيف ، انحلال وتدخين ومسخرة وسحر وكأنو المجتمع السوري كله هيك
عم يسلطو الضو على شريحة منحلة من الناس ، وبعدين طريقة الإخراج غريبة
كل مشهد مصور وكأنو المشاهد عم يسترق النظر على أسرار البيوت بدون ما يحسو عليه
مشان يحسسو المشاهد بمصداقية أكبر وإنو ليكو ياعالم المجتمع السوري على حقيقتو
لاحظتو التصوير ؟؟
شام : تروحي وترجعي بالسلامة
هنودة : الله يسرلك سفرك ، ويشفيك ويعافيلك ضهرك ، ويعطيك لحتى يرضيك
سلام للجميع

سر الورود شو نحنا 2عالخط شفت بالله شفت على هالانحلال .............ضحكتيني على سيرة البرد الجمعة اطلعنا اناوجوزي المسا كان الطقس فظييييييع وين ما نروح نلاقي الناس فوق بعضها بالاخير رجعنا عالبيت وانا من كتر اكتئابي صرت ابكي بالسيارة وصار جوزي يضحك عليي .............اييه الله يرجعنا لبلادنا ........شو انت مو نازلة عالشام؟؟؟؟؟؟؟؟؟؟دانية حبيبتي حبابة طمنينا عنك............ساجدة متل ما قالتلك سر الورود ابعتيلنا شوي واذا بدك منبدل ما عنا مانع ..........والله رطوبة فظيعة صدقينب لما بتطلعي لبرا نظاراتك بيصيرو متل مراية الحمام...............هنودة كيفك حبيبتي وكيفها الوالدة

اهلين بنوتات اي والله نعنش قلبي بردودكن وفرحت كتير
بطة حبيبتي إن شاء الله ألف مبرووووووك يا رب والله يتمملك على خير حبيبتي وديري بالك ع حالك إذا في دم لازم ما تتحركي أنا إلي خبرة كتير بهالمجال خخخخخخخخخخخخخ وبالنسبة لوجع المعدة أنا بيصيبني والحل أنك ما تتركي معدتك فاضية أبدا يعني طول الوقت تاكلي بس أنا الله يهديني ما كنت آكل فكنت لما آكل العفو طالع كل شي ,,, وحاولي تاكلي 6 وجبات صغيرة ولا تاكلي شغلات بتهيج المعدة عشان ما تتضايقي والله يقويكي يا رب
بنات بدي رد على وحدة وحدة بس والله النت دبحني بقى رح ابعت هالرد وطمنكن عني وكل شي تمام وشكرا يللي سألو عني
ام عبدالله ما عندي كتير معلومات إن شاء الله البنات يفيدوكي ,,,

مرحبا صبايا .. كيفكن حبيباتي ،،الله يصبحكن بأنوار النبي محمد
حبيت فوت وسلم عليكن وحده وحده وقلكن لا تزعلو مني بعرف والله إني مقصره معكن بالسؤال بس والله كتير معجوقه بهاليومين .. بس بتعرفوا والله ما بتغيبوا عن بالي ولا لحظه سبحان الله عم قول لحالي يا الله شو اتعلقت فيكن وحبيتكن عالحكي والسمع بقى شلون وقت شوفكن
يا الله شو مشتهيه شوفكن ونقعد كلياتنا مع بعض .. إنشالله رب العالمين يجمعنا كلياتنا بالفردوس الأعلى ونقعد نتذكر هالإيام .. الله يديم هالمحبة ويجعلها خالصه لوجهه الكريم
قولو آميـــــــــن
دندونه الغالية طمنينا كيف أحوالك والله مشغول بالي عليك !!
الله يفرجها عليكن ويحفظكن من كل مكروه ويبعد عنكن ولادين الحرام

ســـــوسو يسلمو هالإيدين إنشالله عهالدعاء الحلو الله يجعله بميزانك .. بوسيلي بنوتاتك الحلوات

مزونه حبيبتي طمنيني كيف صايره هلأ ؟؟

وبطوطه الغاليه كيف الحبل معك إنشالله ربي يكتبلك التمام عالخير.. وربي يفرحنا بقيامك سالمة

ميس حبيبتي كيفك يا قلبي بتلاقيك هلأ كتير معجوقه بالتجهيز للسفر .. الله يعينك ويقويك

نور حبيبة قلبي والله ونحنا بيتفرفح قلبنا وقت تطلي علينا الله لا يحرمنا هالطلة الحلوة

هليـــن الحبابه .. كيفك حبيبة قلبي وكيف الولاد والله يا هلين وقت تغيبي علينا كتير عم استفقدلك لا تطولي الغيبه أمانه هه

سر الورود كيفك حبيبة قلبي .. شو اتلاقيتي انت وآيوته؟؟
الله يجمعكن عالخير ..

آيه حبيبة قلبي كيفك يا عمري وكيف أحوالك وكيفها نور الله يحميلك ياها وأختها آيهتسلمي حبيبتي كلك ذوق والله الماما الحمد لله كتير متحسنة الله يتم شفاها على خير هي وكل مريض

بنت الشيشان وينك يا حلوة .. هيك المنتدى الديني أخدك مننا !!!
بس نحنا ما حننساك منوب ،، الله يوفقك ويكتبلك كل الخير
باقي البنات الحبابات .. وينكن حبيبات قلبي اشتقنالكن والله
زنزون وفتاه وعاشقة ولوليا وشـــام وسما ايجبت ولا للكآبه وبكرى أحلى والمزة والكل
سامحوني طولت عليكن ولعيت كتير .. يلا سلالالالالالالالالالالام:26: :26: :26:

السلام عليكم كيفكون بنات انا بخير بس مهمومة كتير مابعرف شي غريب حاسة فيه بدو يصير بس قلبي متشنج وعم طمن حالي على ولا شي مابعرف شو اعمل خايفة اللي عندها اي نصيحة تفيدني
والله يجزيكون الخير
سلام