صباح الخيرات ،، كيفكن اليوم حبيبات قلبي
دندونه الله يفرج همك ويروق بالك .. ويصلحلك كل أحوالك ومتل ماخبروكي البنات لا تفكري بشي وإنشالله ما بيصير إلا كل خير .. الله يحميك أنت وزوجك ويبعد عنكن كل أذى ومكروه

بنات بدي منكن تدعولي كتير لأنو إنشالله بكره حإعمل عملية الليزك بعيوني قبل سفرتي ويا الله شو خايفه .. بس إنشالله ربي يهونها وما عود حط النضارات أبدااااااااااااااااااااااا
الله ييسرلي أنا وبنات أمة محمد كل الخير

وكمان ما حإدر طل عليكن متل أول :(
بس إنشالله إذا صحلي بفوت بطمن عليكن وبشوف شو أخباركون الله لايحرمني منكن أبدا.. أبدا

الله ييسرلك امرك يا هنوده انا اختي عملت هالعمليه من 3 سنين بحمص والحمدلله ماعد حطت نظارات ابدا وعيونها عشره ع عشره وبتذكر عطوها قطره ونظارات قطن سوداء لان مالازم تعرض عيونها للضو كتير واهم شي بدك رياحه باول كم يوم
الله ييسرلك امرك يارب

السلام عليكم بنات كيفكون وكيف اخباركون انا الحمد لله بخير بس فقعانة من الملل وعملت بنصايحكون وقرأت سورة البقرة وان شاء الله بكمل ختمة كاملة صرلي شي 3 اشهر ما ختمت ختمة قلت شديتولي عزيمتي الله يجزيكون الخير وبطة يسلمو ايديكي والباقي كمان بس مستعجلة بدي روح نام ومافيني رد على الكل وبدي قول لهنودة انو بنت جارتنا عملت هاعملية من سنتين وماعد حطت نظارات بس لازم اول كم يوم تنام بكير وما كتير تبحلق بالضو او بالتلفزيون واتحط القطن على عيونها وفعلا هلق ماما عم تقلي ما شاء الله عنها صارت منيحة وبدون يعملو العملية لاختها واختها التانية واخوها لانو نقص النظر بالوراثة عندون وهنن كتير بيعدو على التلفزيون والالعاب والبلاستيشن وبيسهرو كتيييييييييييييييييييييييييييييييييير مشان هيك عيونن ناقصة انا الصراحة وقت كنت عم قدم تاسع اعدادي صار معي التهاب على كتر ما اسهر وادرس ((فالحة الاخت هههههههه))لانو ضل طول الليل ونص النهار فايقة ونام ساعتين
بس رحت عند الدكتور وعطاني قطرة خصوصي وصرت نام بكير وامي عملتها حجة مشان تنيمني الساعة 8 هههههههههههه ياريت ترجع هديك الايام والله حلوة
على كل انا رايحة جوزي عم يناديني و انا نعسانة كتيييييييييييييييييييييييير وتعبانة اكتر
وعم العي زيادة عن اللزوم هههههههههههه
يالله السلام عليكم

كيفكن يا بنات

أنا فايتة ودعكن و قلكن لا تنسوني من الدعاء .

و إذا بتوصوا شي من تركيا أو سوريا أمانة خبروني.

يالله سلام.

مرحبا ياحلوين
شامة ان شاء الله تروحي وترجعي بالسلامة
هنودة حبيبة البي ان شاء الله أجر وعافية ولاتخافي كتير ناس مساوين الليزك ومرتاحين عليه توكلي على رب العالمين
دانية شلونك ياحلوة ايمتى نازلة عالشام وكيف حملك
فتاة اشتقنالك يابنت الحلال لاطولي علينا والله من أول يوم بالاجازة وأنا كل يوم بوجع الراس الله يحميهن هالاولاد كل واحد عنده تخصص بشغلة معينة والأم ضايعة بينهم شي لزحلان العقل
سر الورود وآية وبطة وساجدة ونوارة ومزون شلونكن ياحلوين