صباح الخير :7_5_131:

اليوم فايقة بكير وهاي نشرة الأخبار تبعيتي زوجي متل ما توقعت فاجئني بقرار السفر :icon810: يوم 6 / 7
وما قدرت طل عليكن هاليومين لهاد السبب عزلت البيت وغسلت الستائر باقي المطبخ :09:
والله وكيلكن يا من تراني متعربشة عالسيبة ومن حيط لحيط ، وبلشت ريجيم من أسبوع ونقصت
3 كيلو باركولي وكل يوم تقريبا عم اطلع إمشي على كورنيش البحيرة في تمام الساعة الخامسة الصبح الجو مقبول بس بالرجعة عم يصيخ راسي إزا اتأخرت :icon32:
، واليوم بدي بلش اشتري الهدايا الله يعين ، لأ لسا ما التقينا أنا وآية بس عن قريب إنشاء الله
وإنتو كيفكن وافوني بأهم الأنباء .

ساجدة شكرا عالنصيحة ، اطمني أنا بس تجي سيرة السفر بيجي قرار الريجيم معاها
لأنو متل ما بتعرفي أهل سوريا أول ما بشوفوكي بدل ما يقولو الحمدلله عالسلامة
بقولو ( صاحة ، سمنانة ) :mad2:

آية : كيف النونو معك شو يا حلوة مابدك تجي تودعيني ، إزا جاية لا تنسي
البامبرز للمحروسة إيوة بيتى نضيف ومعزل :biggrinlo

هنودة : مبروك نجاح العملية :icon28: ، إختي عملتا بسوريا من كم شهر ونظرها صار 6/6 :

نور الدرب : كلك زوق مرسي كتير واقبلي مني هالوردة :26:

دانية : الله يعين هالرجال عليكى باينتك مانك قليلة ، هو ما بيصبر بلاك :love: وإنت بتقولي بلا
صين بلا بطيخ :hmh:

باقي الحلوات كيفكن ؟ مزون ، هيلين ، وعاشقة وينا سافرت ؟ فتاة سورية ، نايس سمايل
سما إيجبت ، بطة
سلام

دندون صباح الخير الحمدلله يلا عم تضكي ....لا ولو انا ما بزعل مافي داعي للاسف................سر الورود اهلين حبيبتي ..............بالسلامة حبيبتي مافي اجي ودعك مشان النونو ...............وهلا سلام يا حلوات لانو الظاهر في نونو ههههههههههههههههههههههه

سلام حبيباتي


ويسلمووووو كل اللي رحبو فيني



نشوفكم ع الخير يا غاليات


وزورونا في ملفنا سواء المصري او المجلس اليمني

ويا حياكن

صباحو بنات في نونو هههههههههههههههههههههه
سلامي الكم واحدة واحدة ومشكورين على نصايحن العسل يلي متلكن
انا يا بنات يائسة الظاهر انومافي امل بنتي تفهم وتنضف لليوم الها 9 تيام ومكانك راوح والله رح تجنني :icon33:
تقولوا انا قمت لها البامبرز وهي انفتحت نفسها على ( الكبيرة والصغيرة ) العفو منكن ولا تاخذوني على هالحكي يلي بيقرف بس شو اعمل ما لي غيركن فش قلبي الو :(
يا بنات مو المشكلة انو اخدها واعرض عليها لاء عملت كل الطرق يلي قالت لي عليها ماما وانتو قلتو لي عليها بس المشكلة بمخ بنتي الذكية ما حسها مستوعبة الموضوع :icon33: ويلي زادها وكملها حنكي ورمان وحالتي حالة تذكرتك يا اية قلت يا ريت اجي ساوي سناني عندك :06: حاكم اكلت دكتورتي دعاوي على عدد شعر راسها من الوجع والبكاء يلي بكيتوا هاليومين :angry2:
عم اكتب وجاية على بالي ابكي من وجعي ومن بنتي :icon33: ايمتى بدها تستوعب وقربت النزلة على الشام وغرض من هون وغرض من هنيك وكلو على اعصابي مبارح زوجي كان دوامو طويل وانا نص وشي ورمان قررت ايم الجسر يلي عاملي كل هالمشاكل حاولت ما نابني الا الوجع اكتر والبكاء اكتر واكتر اتصلت ( بالمقوصة الدكتورة ):42: قالت لي تعي بقيم لك ياه وبعطيك دواء ... طيب وين بدي روح بالبنات ومشوار طويل لعندها بدو نص مواصلات ونص مشي قلت ما بدها ( مو من شئ قليل الجنة تحت اقدام الامهات ) حطيت هالتنين بالعرياية المرسيدس يلي عندي (دبل كبين ) ويا ايدكم مو هون المشكلة المشكلة انو نزلت ومشيت لوصلت لموقف الباص لقيت مكتوب على اللوحة الالكترونية المخصص للباص يلي بدي اركبو انو اليوم خارج الخدمة :icon33: والله يا بنات كنت رح ابحت بايدي ورجلي ويوصل صوتي لسابع سما من قهري وقول اولي الحقوني ....... مشيت انا وعم ابكي والناس تطلع فيني قام وقفني واحد وعرض علي يطلبلي سيارة اسعاف لما شافني عم ابكي ووشي ورمان تشكرتو ورحت مشي شي نص ساعة لوصلت لموقف تاني فيني اخد منو مواصلات توصلني لعندها ونق من هون ووجع من هون وزوجي متل المراسلين الصحافيين على التلفون ما تركني وانا شو بدي لحق للحق ......
بعدين ركبت بالباص نزلت قبل منها بس 200 متر لانو ما في باص او اي مواصلات توصلني لعندها ومشيت وهادا كلو ما فاتت لقمة لتمي من الصبح لانو مالي قدرانة لا اعلك او حتى افتح تمي من الوجع المهم وصلت لعندها وانا قرود الدنيا عم تنط بوشي فتحت باب العيادة من تم ساكت لانو شافت تعابير وشي وقالت ارتاحي يا مدام ...... بس لخلص المريض يلي بايدي المهم قامت لي ياه وما قدرت الا توصف لي دواء للمضمضة لاني برضع :icon33: وقالت لي طولي بالك بدو وقت حتى يطيب .........
بعرف لعيت لكن قلبكن وكتبتب قصة حياتي متل العادة بس والله عم اكتب من قهري ..... شو اعمل بهالفهمان بنتي يلي عم تعملها وما عم تقول لي لك بحطها على النونية انتو اكبر قدر نص ساعة ما بتعمل شئ بس لتقوم من عليها وتفوت تلعب بتعملها :angry2: اذا سمتوا صوت واحدة عم تستغيث بكون انا سواء يلي بكندا او الامارات او السعودية او اي مكن يمكن يا دانية تسمعي صوتي هلق لانو الظاهر عملتها سامعو صوتها عم تنغر
ماشي يا ماسه اذا مالي قايمة نيشنك
سامحوني ما رح قدر سلم عليكن واحدة واحدة لظروفي
سلملم

مرحبا صبايا كيفكن حبيبات قلبي والله اشتقتلكن خيراااااااااااااااااااااااااااااااااات الله
ومالي عرفانه امتى بدي اقدر اقعد متل الأول عالكمبيوتر
الله وكيلكن حاسة الدنيا كلياتا عم تضوي بعيوني ..
بس الحمدلله الدكتور طمنني إنو نظري عم يتحسن وإنشالله يرجع 6 على 6.. إنشالله يارب
يا الله شو اشتقتلكن واشتقت لحكياتكن الحلوييين ..

ساجده حبيبة قلبي الله يعينك ويقويك ويجعل كل هالتعب بميزانك ..ويهديها لبنتك
وبالنسبة لوجع السنان والله حاسه فيك لأنو ما شالله عليي خبره بهالموضوع
سلامة قلبك إنشالله .. وكلو بثوابه يا حبيبة قلبي

نور حبيبة قلبي الله لا يشغلك بال يا عمري والله الحمدلله أنا صايره أحسن بس ماعم بحسن طول عالكمبيوتر وبذات الوقت بخاف إنو يروحلي نظري بقى قلت لحالي خليني اصبرلي كم يوم تانيات والله بيفرجها
والله رح جن ماعدت قدرت سوق السيارة متل العالم والناس وصايره عم اتشنطط بالروحة والرجعة الله يمرء هاليومين على خير
مالك بطول سيرة المهم انتي طمنيني كيف وحامك؟؟ الله يكتبلك التمام على خير ويفرحنا بقيامك سالمة يا أحلى نور

مزون حبيبة قلبي كيفك يا عمري وكيف الحمل معك ؟ .. الله يقويك ويهنيك ويفرح قلبك ببنوته حلوة كربوجة متلك

دانية ماشالله عليك مبينتك كربوجه وحبابه ،، هونيها بتهون حبيبة قلبي .. الله يصلحلك كل أمورك

أيوته حبيبتي كيفك يا عمري وكيف صايره هلأ والله ماعم تروحي من بالي أبدااااا الله يروق بالك ويرضيك ويبعتلك كل خير

بطة الغالية كيفك حبيبتي وكيف البوبو .. هلأ بتكوني ملتهية مع أهلك بحماة .. الله يهني قلبك بشوفة الأهل والحباب ويتملك عالخير ويهونها عليك

سر الورود .. كيفك يا حلوة إنشالله تمام .. إنشالله تتوفقي بالهدايا وتكون سفرتك سهلة ميسرة إنشالله

حبيبة قلبي هلين .. كيفك يا عمري ؟ والله مابتتصوري قديش بحبك وبيتروحن قلبي وقت بتطلي علينا .. الله لايحرمنا هالطلة الحلوة .. وحاسستك كتير قريبة على قلبي .. الله يديم هالمحبة إلاهي ويجعلها خالصة لوجهه تعالى

سما ايجبت .. كيفك يا حبابة وكيفو يمان أفندي إنشالله بخير وما عم يعذبك ..
ايه هيك هه لا تقطعينا ودائما طمنينا عنك ..
الله يروقلك بالك ويرضيك ويفرجها عليك إنت وكل بنات إمة محمد

باقي البنات الحبابات إنشالله كلكن بألف خير سامحوني إذا ما ذكرتكن بس والله ما بتغيبوا عن بالي أبداااااااااااااااااااااااااااااااا( شــــام .. زنزون ..ولوليا ..وميس " الله يهنيك .. كيف شايفتيها لتركيا".. و بنت الشيشان ..و نايس سمايل " الله يقويك ويتملك حبلك عكل خير ".. وبكرى أحلى " والله غليان قلبي عليك يا بنت الحلال" .. مين كمان!! ما شالله كترانين وماعاد قدرت اتذكر
إنشالله بس ماكون نسيت حدا يقوم يزعل مني .. والله مابقدر إنو حدا يزعل مني ..
حاجتي لعي !! والله حاسه عيوني رح يطلعوا من جواة راسي :42:
يلا سلالالالالالالالالالالالام .. تصبحو عكل خير:26: :26: :26: