مرحبا صبايا كيفكن كلياتكن فايته سلم عالسريع وذكركن بقراءة سورة الكهف :26: :26:
واطلب منكن تدعولي معكن بالتيسير وإنو الله يباركلي بوقتي ويصلحلي كل أحوالي

دانية الله ييسرلك الخير .. شيخة أهلين وسهلين فيك بالشام وإنشالله رح تنبسطي
وماقصرت آيه هلأ فعلا صار بالشام مولات كتير .. .. وبالنسبه للأكلات كلها طيبه ورح تحبيها إنشالله
ولا تنسي تزوري الجامع الأموي وسوق الحميدية وتاكلي بوظه هنيك ( آيس كريم ) ورح تلاقيها غير كل البوظات يلي أكلتيها بحياتك (وحده واثقه من حالها)ههههههه

مرحبا ياحلوين
شو أخباركن والله مشتاقة كتير لكل وحدة فيكن ولاتزعلوا مني لأن ردودي قليلة بس الحال من بعضوا كلنا عنا سفر وتعزيل وريجيم وبعدين بتوصلي عالشام وجهك أصفر وتحت عيونك أزرق من التعب واسمعي التعليقات الحلوة
هنودة تسلملي عينك ألف الحمدلله على سلامتك وان شاء الله عقبال مانفرح فيكي شو رأيك أتفق أنا وياكي والبنات يلي نازلين عالشام بشي مكان ونشوف بعض فكرة حلوة ان شاء الله تظبط معنا
آية كيفك حبيبة البي مالك نازلة هي السنة أبدا الله يكون معك لأن الجو عنا وعنكن متل بعض والله الشوب مو طبيعي بس الاجازة بتمر بسرعة وما راح نتأخر على بعض
نوارة حبيبة البي الله أعلم أني بحبك بالله أنت وكل البنات وحاسة حالي بعرفك وأنك قريبة مني
ساجدة عيوني شوأخبارك وأخبار تنضيف بنتك ان شاء الله ماعم تعذبك
زنزون وسرا لورود و مزون شوأخباركن
دانية ان شاء الله بتوصلي بالسلامة ديري بالك على حالك وعلى ابنك واذا صحلك طمنينا عنك بالشام وقت بتولدي وبتقومي بالسلامة
هنودة نسيت باركلك بالتمييز ان شاء الله ألف مبروك والله انك بتستاهلي كل خير
بنات أنا مسافرة آخر الأسبوع الجاية لأن بسافر بالسيارة مع زوجي مشان هيك قبل يوم أوبعد يوم مو مشكلة لحتى يأذن رب العالمين

صباح الخيرات والليرات .. كيفكن يا أحلى بنات
اليوم فايقه من النوم وحاسه حالي كتير مروقه !!
الله يروق بالنا ويصلحلنا كل أمورنا
هلين حبيبة قلبي .. الله يبارك بعمرك وحياتك ،، يسلملي لسانك شو مذوقه وحبابه
والله فكرة إنو نلتقي فكره كتير ظريفه ويارب تظبط معنا ..
حاكم ناطف قلبي على شوفتك وشوفة باقي البنات الحبابات .. الله يجمعنا عكل خير
وإنشالله سفرتك تكون ميسره وتصلوا عالشام سالمين
باقي البنات كيفكن حبيباتي .. إنشالله الكل بخير
لا تنسوني حبيباتي بصالح الدعاء..

مرحبا بنات كيفكم؟؟
شو الهيئة الكل مشغول و عم يطل عالسريع....
آية طولي بالك ... و متل ما قالت هيلين الاجازة بتمر عالسريع و هاد رأي زوجي كمان انه هون الصيف بيمرق عالسريع.... انا السنة الماضية نزلت بآخر الصيف انا و زوجي يعني مضينا كل الشوب هون .....
هيلين كيفك .... و انشاالله بتوصلي بالسلامة و الله ييسرلكم السفرة....
و انا متلك اقترحت الفكرة كمان بس ما حدا فات من اللي مسافرات..... نور أيدت الفكرة بس هي مو نازلة .... بس عن جد بنات خلينا نطبق الفكرة ... و متل ما قالت هنودة انشاالله تزبط ... بس نحنا لازم نسعى بهالشغلة.... يعني اذا بدكم كلكم حاولوا تفوتوا عالمنتدى و نتفق على موعد...
يلا إنشاالله تزبط و ياريت يا آية و نور الدرب كنتوا نازلين كنا اتعرفنا ....
دانية كيفك و الله فاجئتينا الله ييسرلك بس طمنينا عنك شو صار معك....؟؟
سر الورود وين مو مبينة ؟؟؟ شو سافرت كمان؟؟
هنودة شو أخبار التعزيل أنا شكلي ما رح الحق شي قبل السفر ... الله بيعين...
مزون كيفك؟؟؟ شو كمان سافرتي؟؟؟
سوسو خانم كيفك و شو أخبار ماسة خانم؟؟؟ لازم تفهم هالشغلة قبل سفرك مو ؟؟؟ يلا الله ييسرلك
لا تطولوا علينا بنات...
و اللي مأيد فكرة اللقاء يحكي..

مرحبا يا صبايا شو اخباركم ..............امانة يا بنات تدعولي والله كتير نفسيتي تعبانة وصرلي يومين معصبة وعم ابكي ..............يمكن من الوحدة وبنتي عم تعذبني ويلي زاد انو اليوم كل الليل شايفة منامات تفسيرها مو حلو ...........انا قلت هاد اكيد الشيطان والضغط النفسي بس لساتني مزعوجة...........لذلك امانة تدعولي الله ييسر امري ويشفيني ويهدي سري ويحفظني لجوزي واوبلدي ..........هنودة امانة خلي الوالدة تدعيلي والله فايقة من الصبح عم دور على حدا احكي معة مافي حدا ............