مساء الورد و الياسمين..
كيفكون يا أمامير؟
شو دانية شو قصة الأحلام معك؟؟
حبيبتي ما تحكي لحدا كوابيسك.. ما بيصير.. بس تفيقي مرعوبة تعوذي من الشيطان الرجيم و ما تحكي لحدا عن الحلم و ان شاء الله ما بيضرك..
بس انتي شكلك من تعب الحمل عم تهلوسي :) أنا كمان على فكرة لما كنت حامل كنت بعيدة عن أهلي و حتى ولدت عند بيت حماي موو عند أهلي و أمي اجت بعد ما ولدت بشوي ما لحقتني.. فكنت كمان متلك احلم كوابيس و مقروقة طول الوقت.. بس أنا كنت أول حمل و خايفة.. انتي عندك خبرة هلأ فشدي حيلك و لا تخافي.. كلنا معك.. بدك نعمل رحلة جماعية و ننزلك على الصين؟؟ :) تكرم عيونك..

هنودة.. لكن ستك تركية :) أنا ست أمي تركية, بيمشي الحال؟؟؟ :) بس ما زرت تركيا من قبل.. لما كنت صغيرة كانوا ماما و بابا يودروني أنا و اختي لعند ستي و يروحوا لحالون.. و بس كبرت ما صحللي روح.. ان شاء الله بيصحللي هالسنة..

و صحي.. على سيرة ما بحترمكون.. صارت قصة مع جوزي قال لواحد (مو سوري) ان شاء الله ما بحترمك.. قام الرجال زعل و فكر جوزي عم يسبه و يقلل من احترامه.. فجوزي قاله شو بدك يعني؟ قلك ان شاء الله بحترمك؟؟ قاله ايه.. قاله جوزي خلص, انت هيك بدك.. ان شاء الله بحترمك لكن..:42:

و الله أنا من طول قعدتي بالخليج (قلتلكون 20 سنة) صرت حاكي الناس سوري مبسط :) حلوة هي.. يعني بختار الكلام السهل مشان العالم تفهمني.. مثلاً عواض ما قول (مقروقة) بقول (مضايقة) و بدال (دشري) (اتركي) .. و هيك..مع الوقت صرت بس اسمع حدا عم يحكي شامي على أصوله بيطير عقلي لأني بلشت انسى و أخد لساني على التبسيط بالكلام..

أم لين.. هيئتك نص سورية نص سعودية.. يعني امك على الأغلب سورية.. ما هيك؟؟؟
و سمعي لقلك, انسي كل شي سمعتيه من الناس.. اشاعات اشاعات اشاعات.. يبعتلون حية بسبع روس إلهي شو بيحبوا يألفوا هالعالم..:angry2:
و تعي على الشام و ان شاء الله بتنبسطي كتير..

زنزون.. لكن انتي بالشارقة :)
بتعرفي, مع اني و الله بحب الامارات بس لما عشت بالشارقة طلعت عيوني بالطول و العرض.. حاكم أول ما تجوزت عشت سنة بالشارقة و جوزي شغله بدبي و بتعرفي العجقة الله ياخدها.. فما كنت شوف جوزي بنوب.. ياما مسكين على الطرقات و أنا لحالي.. و رفقاتي كل وحدة ملتهية بحالها و جوزها و بيتها.. و الحياة الاجتماعية هونيك صفر.. وين قطر الحياة الاجتماعية هون بتاخد العقل.. اذا ما انعزمت كل اسبوع على مناسبة بيكون على الأغلب في عزى!!! انو قصدي الناس هون بتحب تجتمع.. يمكن كمان لأنه هون بعرف عالم أكتر.. بس و الله حتى بالشارقة خالي ساكن هونيك و متجوز خليجية و عايشين صرلون عمر و قرايبها كلهم هنيك.. بس ما حسيت حدا عبرني و لا حدا قلي تفضلي على شي!! هون العالم بس تسمع في حدا اجى من السفر بتبلش العزايم..
و صرلي يا ستي 3 سنين و نص متجوزة يمكن مشان هيك لسه في غيرة.. بس أنا جوزي من النوع يللي بيغار هيك على الكل.. أمه, خالته.. أي وحدة من قرايبه بيغار عليها تحاكي رجال أو يبين منها شي قدام رجال.. هيك طبعه..

ساجدة أنا كمان عم نظف ابني.. و ما عم يمشي الحال.. ما عم أعرف شو ساوي الله وكيلك.. و خايفة انزل على الشام و لسه ما نظف و اسمع كلام بيهز البدن من يللي بالي بالك :)
و لا تخافي جوزي حاطط المحبس, بس هالبنات هالأيام بيلحقوا المتجوز .. خصوصي انو يللي عم يلحقوه على فكرة يا متجوزات يا مطلقات.. يعني بدون متجوز مو عزابي..

و تسلمي يا قطرات الندى... الله يديم المحبة :)

صباح الخير يا حلوات كيفكم............انا لساتني مكربة انا وبناتي..........واليوم رايحة عالدكتور لانو جيوبي مضروبة...............عروس الشام لكان جربت الغيشة بالشارقة................والله رح نطق ,,,,,,,بس كنت متخيلة انو قطر مملة اكتر.............يمكن لانك متعودة عليها..............انت ولدت بالشام ولا بقطر...........وعالتنظيف الله وكيلك اكلو وشي الناس بالشام وقت نزلت مع انوكنت حامل وبشهري وما حدا رحمني..........نصيحتي اذا مفكرة تحبلي نظفي ابنك بعدين احبلي...........والا بيصير فيك متلي والخانم لهلا ما عم تنظف غيلاة من اختها والمشكلة مدرستها بشهر 9...........زنزون تروحي وترجعي بالسلامة............قطرات الندى اهلا فيك .............هنودة حبيبتي روحي مع اهلك وانبسطي واستغلي هالجمعة الحلوة هي الايام ما بتتعوض ................دندونة حبيبتي الحال من بعضو الله يشرح صدورنا انما وانت..................ساجدة حبيبتي شو اخبارك انت والبنات احجزلك الغرفة يلي جنبي بالعصفورية................يلا سلام نور عم تشدلي شعري

دانية عندي سؤال خارج عن لموضوع اذا بتسمحي ..... جربتي تجيبي ملاعقهم هاي الاعواد الخسبية وتاكلي فيها ؟؟.....

روقي دمك وما تعصبي حالك ..انا اول ما اتغربت يالله شو كنت انقهر واتضايق خاصة اني ما كنت مكملة دراسة وزوجي يروح يشوف لك هالممرضات والدكتورات كلن معهم هالشهادات وهنن هون الله ياخذهم ما بهمهم متجوز ولا ما متجوز .... بالعكس يمكن بفضلوا المتجوز اكثر الله لا يوفقهم

ساجدة هلا عزيزتي بعرف ما قصدك ان شاء الله رح صير ادخل واكتبكام كلمة مع اني والله ما عم اقدر اقرأ كل الي عم تكتبوه ماشاء الله عليكم كل ما دخلت بلاقي ردود بالصفحات فعم اطلع عليها على السريع

مين سألت عن وين مغتربة والله نسيت "نسيت مين سالت مو نسيت وين مغتربة هههه" انا مغتربة بامريكا ببلومينغتون جنب شيكاغو

والي سالت عن ولادي ...تسلمي على حكيك الحلو شجعتيني بعد ما كنت فاقدة الامل من حالي ..انا يا ستي صلي على النبي عندي شي نص دستة الله يحميهم كلهم ...بتصدقي وقفت شوي لعدهم ههههه عندي 5 البركة ....ماشاء الله تعالى

سما ايجيب ديري بالك على عينك ..... تعي لاحكي لك هالقصة قال بابا بشي يوم بعت لي رسالة قال عم يبارك لي وانا ضليت عم فكر لك ياربي على شو عم يبارك اي ما عيد ميلادي ولا ميلاد حدا من الاولاد ...رحت سالت زوجي كمان فكر وما عرف بعدها بيومين حكيت مع امي وساتها فقالت لي عيد زواجك يا منظومة ...بقى خليها على الله عايشين بهالدنيا ونسيانين التواريخ والايام والساعات والله الوقت ما بعرف شلون عم يمشي ....الحمد لله رب العالمين

بنات جميعكم والله ما عم اقرا الردود كلها بقى لا تاخذوني ان مارديت على حدا ولا تزعلوا مني

السلام عليكم ورحمة الله وبركاته
انا كنت مفكرة اني بعيدة كتير عن اهلي وبلدي طلع في ناس بالصين واوروبا لاالحمد لله انا بالسيارة بوصل الله يعينكم الصراحة الحياة بالغرب صعبة بالمرة لاالمشكلة كيف تتواصلوا معهم بس لازم تتاقلموا مع الحياة
مبارح ولادي صاروايبكو بدون يروحو سوريا ومن الرد شكل النزلي ماهي بعيدة عاد انا ماصدقت جبت شنطة وحطيت فيا كل الهدايه واعدت احسب شو ناقصة مشان روح السوق وكمل الباقي

وعلىفكرة انتو بالمرة دمكم خفيف وحبوبات

سما ايجيبت حطيت ايدك على الجرح..............انا كمان دكتورة وقاعدة بالبيت ...........زيلا طولي بالك كلو بيصير اللهكريم.............فتاة كيفك الله يعينك الهي ويوقف معك..................ام لين يلا بسرعة انزلي عالشام ولا تتاخري والله بنبسطي ولا تخافي هي كل البنات نازلين..........باقي البنات وينكون .............نور الدرب لا تقطعينا ونايس سميل..............وعاشقة خانم ماعادت طلت بنوب ونورعيني جنلن بشوفها عم تشارك بغير مواضيع بس عنا لا ................