صباح الخير يا أخواتي الحبيبات ،، كيفكن كلكن
إن شاء الله تكونوا بخير وعافية

الساجدة شكرا على الترحيب وتروحي وترجعي بألف سلامة ،، ولا تنسينا بدعائك وأنت مسافرة

آيه ألف سلامة عليك ،، وإن شاء الله ربي يشفيكي ويعافيكي (لا بأس طهور إن شاء الله)

لوليا كيفك إن شاء الله ربي يهون عليك غربتك وترجعي لأهلك بخير وسلامة

هنوده كيفك يا حبوبه إن شاء الله تنبسطي في تركيا ولا تنسي تاخديلنا كم صورة كمان لتركيا لأني بتمنى أزورها في يوم من الأيام بيقولوا عنها ما شاء الله جنة
ولا تنسينا كذلك من الدعاء إنه الله يكتبلنا زيارة قريبة سواء حجاج أو معتمرين وربنا يسعد أيامك

عروس الشام أهلين حبيبتي للأسف أختي كتير ماله بقطر مع انه معها (بنت خالتي وجارتها حبوبه كتير) بس مو حابه الغربه هنيك مع إنه إحنا طول حياتنا بغربة
وزوجها الحمدلله شغله كتير منيح بس سبحان الله الله رازقه بمدير أعوذ بالله رجال كتير غليظ مكرهه بالشغل وبيضل يدايقه ( الله يصلحله حاله)،، لهدا السبب يمكن مو مرتاحين بغربتهم!!
الله يهونها عليهم وعلى الجميع

كيفكون بنات ان شاء الله بخير انا منيحة بس لساتني مكربة وحالتي حالة الله وكيلكن لح موت حاسة انفي مكسور من كتر الوجع والولد طول النهار على ترفيس وحركة حموت لا والامر من هيك انو ما حدا مقدر اخ شوشعبة لما تضحي مشان غيرك ولما لازم هالغير يضحي يطلع فاشوش قال شو رشح متل كل هالنسوان والله اللس بيشوفني بيفكرني طالعة من القب ر وجع والام زتحت عيوني صار اسود من التعب والمرض والهم اااااااااااااااااخ والله بالليل ماعم اقدر نام بعني كل الدنية بتتوجع ووقت مرضها بتدلل ليش انا لاء ؟؟؟؟؟؟؟؟؟؟؟؟؟؟ خلوها على الله المهم كيفكون انتو صحي على سيرة الدراسة والله حموت على ما انزل على سورية لحتى قدم البكالوريا المقلرفة وبلس ابدا حياتي العملية ههههههههه حلوة هي بس عن جد هون اذا بدي ادخل كلية لازم كون بعرف احكي صيني او انكليزي برم يعني بلبل يعني بفهم ع الطاير وانا انكليزيتي جيدة بس اذا اجا استاذ بريطاني وحكا كلمتين انا بصير برجف وبيضيع كل قاموس الكلمات اللي بالي هههههههههههه هيك مرة نزلت على مدرسة عم اسالهون اذا بدهون انسة انكليزي قام اجاني واحد امريكي عمل معي مقابلة وانا صرت متل البندورة وشي متل الدم لونه لانو اول مرة بنحط بموقف جدي كتير او مقابلة عمل المهم هديت وجاوبتو على اسئلتو وقلي سجلي معلوماتك ونحنا منتصل عليكي بقا هيك صار
بس هون جوزي كل ما قلو حطني بكلية بيقلي قوي لغتك كيف بدك تفهمي تقولي جدبة بالمرة !!!!!
وكل ما منفتح هالموضوع منتخانق مفكر انو مامعي الا شهادة التاسع معناتها متل قلتي مع اني اخدتها بعلامات عالية يعني دخلت عام بمجموع جيد قريب ال210 على ما اذكر ان شاء الله السنة الجاية عندي بكالوريا بركي باخدها وبكمل دراسة بس حاسستها صعبة لانو بدي ادرس علمي جوزي قلي بيساعدني بس من وين هو بالصين وانا بسورية بس ان شاء الله بخلي سلفي يدرسني او بنت حمايي لانو سلفي دكتوراسنان وبنت حمايي داخلة دراسات سنية بقا هيك بس هون بالصين كتير صعبة الدراسة مشان هيك متضطرة انزل لبلدي كمل وفوت دورة تقوية لغة ورد اطلع ادرس هون ادارة اعمال
مشان ابدا البزنس تبعي يا بعدي هههههههههههههههههه
ومشان الولادة هون شو خايفة منها لانو بدي ضل لرمضان صحي رمضان قديش صفيانلو ؟؟؟ والله ما عم اعرف شو اليوم بتسدقو بعد بقلو لجوزي يوم الاحد ايمتى مشان نروح مشوار بيقلي ما بعف بس يا التنين يا التلاتا ههههههههههههههههههههه عملنا متل النكت بس عن جد شي بيديق الخلق لا فوتة ولا طلعة وانتظار لساعة متأخرة من الليل ااااااااخ عن جد امبارح خطرت ببالي فكرة قلتلها لماما على التلفون انو اطلق انا وياكي وبلا رجال وبلا جواز ياي شو حلوة عن جد بتجنن بس يا حسرة ما بتروح غير على هالاولاد ايه على الله تعود يا مسعود هههههههههههه (هي دايما على لساني كل ما بقولها بفرط ضحك ما بعرف ليش )
مو حابة سكر الكمبيوتر جاية على بالي احكي اكتر بس عندي شوية جلي بدي اجلي وشوف شو بدي اعمل قدام الفاصولية لاني طابخة فاصولية بلحمة والله شو طيبة مممممممممممم واللحمة مستوية اخر استوا وشي بديع
يلا حاجتي عم شوف اللي كتبتون والله اللي بدو يقرأ هالحكي بدو يصير معو جفاف بالحلق بس والله حاسة حالي ما حكيت متل اعالم والناس هههههههههههههههه يلا حاجتي خلوني خبي شوي للمسا مع انو جوزي صار كتير قليل ليحكي معي كنا نحكي اكتر بس هلق بيجي تعبان وبياكل وبيعدلو ساعة زمان وبينام وانا بعد عم اتقلب طوال الليل والله شي بيطقق الروح ييييييييييييي يلا حاج تخلوني احكي بدي روح السلام عليكم

بس نسيت قول شغلة ههههههههه يا بنات امانة بالله يلي بدها تعمل عمرة او حج تدعيلي والله قلبي ناطف على ما زور بيت الله الله يهنيكون عن جد بس ادعولي الله ييسرلي ويرزق زوجي ويهديني وييسرلي حفظ كتاب الله كامل ويسعدني امانة يلي بتقرأهالرد وبدها تعمل عمرة بس تدعيلي هالكم دعاء والله يجزيها الخير
وادعولي كمان الله يطعمني حجة او عمرة متلكون ههههههههههه يلا سلام

دندونة حبيبتي طولي بالك شو هالتشاؤم بعدين ياروحي والله كل الرجال هيك بالنسبة للمرض ...........يعني طالما لساتك عايشة مافي خوف عليك..................يلا روقي انا اليوم صايمة وباذن الله رح ادعيلك لا تاكلي هم ....................باقي البنات كيفكم.............عروس الشام ............وسما كيف عزيمتك................وسوسو وهيلين وحنين وام لين ولوليا ونور الدرب ليش ما عم تطلي ...................وهنودة لا تنسيني من الدعاء مانة

صباح الخير يا صبايا
كيف الجميع ان شاء الله الكل مرتاح
سامحوني ما عم أتفاعل معكم بس عم تابع أخباركم من بعيد لبعيد حاكم الحمل تاعبني كتير و الله ما بعرف شو صايرلي على طول تعبانة و ظهري و رجليي عم يجعوني:09:
و الكريب حدث و لا حرج>>>>>هلأ بتضحكوا عليي بس صدقوا الجو عنا بيبكي يوم برد زنطاري و يوم شوب حريقة و هاتك يا مرض....بس الحمدلله على كل حال

لوليا...الحمدلله على رجعتك بالسلامة و ان شاء الله تشوفي الخير على وجه السكن الجديد و لا يهمك معك معك بتتعودي
كيف البنوتات و كيف كانت انطباعاتهم عن الشام ان شاء الله انبسطوا؟

سوسو الغالية....رح نشتاقلك كتير:( ربي يوصلك بالسلامة و ترجعي تونسينا بحكياتك الحلوين

هنودة الحبوبة...الله يجبر بخاطرك و يهنيكي و يعطيكي على قد ما قلبك عالكل و ما بتنسي حدا:26:
انبسطي بالشام أد ما فيكي لأن هي الأيام مابتتعوض...الله يهنيكي و يسعدك

دانيا...سلامة قلبك و ان شاء الله ما على قلبك شر ...و بدي أنصحك نصيحة لوجه الله تعالى اهتمي بحالك أد ما فيكي لأنو بالنهاية الناس كلها رح تبقى تعمل اللي براسها و اللي على مزاجها و أنتي الوحيدة اللي عم تنقهري و تزعلي و كلو عم بيروح من صحتك ...يعني لما بتلاقي حالك انزعجتي من موقف من مين ما كان بهالدنيا ما رح أقولك لا تزعلي بس حاولي أد ما فيكي تختصري الوقت اللي رح يستهلكو الزعل لأنو بالنهاية هدا الوقت محسوب عليكي و ما في شي رح يتغير>>>> حاجتي فزلكة مو