رحبا حبيباتي كيفكن ......مزون لا تواخذيني ما رديت عليك والله شوي تعبانة ...........اسم تيمة حلو .....................هنودة كيفك حبيبتي روقي بالك وانبسطي والله انا عم اقرا كتاب لا تحزن بيجنن بنصح كل وحدة تقراه................دندونة الله يبسطك ويروق بالك

كيفكن بنات ان شاء الله بخير انا بخير الحمد لله
متل ما قلتلكون اطلعنا امبارح على المطعم واخدنا بنت حمايي معنا ياااااااااااااااااااي شو انبسطنا ومشينا جنب النهر واخدتلكون صور بس ماحدا رضيان يقلي انو اذا مسموح نزلهون بالموضوع نفسو ؟؟؟؟
المهم تعشينا وتمشينا هههههههههه وارجعنا على البيت شي الساعة 2ونص نمنا طب من كتر التعب وان شاء الله الاسبوع الجاية بدي اعمل هيك المهم ايمكون من البسط والرواق حاكم انا روح قلبي النكد ههههههههه والله بدنا ننقل وعم ندور على بيت وما كنا انلاقي ادعولي بكرة نازلة دور على بيوت وان شاء الله بلاقي انا محروقة بس بدي انقل مشان لحق تنظيف وتجهيز اموري مشان الولادة والله مالي عرفانة وين حط ابني وعندي مية هم بس ان شاء الله بتفرج
يلا بدي روح ساوي البيت واطبخ ونااااااااااااااااااااااااااااااااام لبين ما يجي جوزي
سلام

كيفكن حبيباتي إنشالله بخير :26:

أيوته الله يجبر بخاطرك كتير بحبه لهلكتاب ووقت بقراه بحس حالي بعالم تاني ما شالله عليه القرني والله أسلوبه غير شكل ،، الله يبعد عنا كل حزن :icon33:

دندونه الحمدلله يللي انبسطي وروقتي الله يديم عليك البسط والرواق يلا عم نستنى الصور ( طبعا حبيبتي فيك تنزليهن بنفس الموضوع ) بس لاتطولي علينا والله اشتقت شوف صور الصين!!!

وأنا كمان رح حاول ارفعلكن صور للشام وتركيا إذا صحلي وبالنسبه لصور الحرم لعيونكن بس اطلع عالعمرة ،، صحي هنن ما بيسمحو تصوري بقلب الحرم بس نحنا رايحين على فندق تقولي كأنك بقلب الحرم ورح آخدلكن صور من هنيك لأنو البابا قبل سنتين هيك عمل والصور بتجنن وكأنك آخدتين من جواة الحرم ,, شو رأيكن بهالفكرة هههههههههههههههه:22:

لوليا ونور وينكن انشغل بالي عليكن ؟؟ إنشالله بخير
نايس الحبابه شو يا حلوة وين غاطة طمنينا عنك

يلا بخاطركن لأنو طالعين هلأ ،، لا تنسوني حبيباتي بالدعاء:27:

صباح الخير يا حلوين..مين تجي تشرب قهوة معي؟
كيف الجميع ..صدقوني بنبسط كتير لما بقرأ أخباركم و بحس أنو سبحان الله صرتو جزء من حياتي اليومية يعني إذا مو كل يوم فتت عالموضوع و اطمنت على أخباركم بحس أنو في شي ناقص...الله يديم المحبة في الله

هنودة...الله لا يحرمني سؤالك عني يا رب ...أنا الحمدلله ماشي الحال..بس و الله الحمل تاعبني شوي و الجو عنا شوب كتير و شهودة صايرة عنيدة و عصبية و عم تعذبني كتير بس شو بدنا نعمل الحمدلله على كل حال
المهم أنتي تنبسطي و تستغلي كل دقيقة بتقضيها بالأجازة لأنها لحظات ما بتتفوت صدقيني
و بدي أطلب منك أنك تدعيلي إذا رحتي عالعمرة و خاصة أنو صرنا على أبواب شهر رمضان ان شاء الله ينعاد عالجميع بالخير

و بتعرفوا أنا بدي أوجه نداء مستعجل لساجدة و أقوللها أنو اشتقنالك طلي علينا و خبرينا عنك ان شاء الله تكوني مبسوطة بالشام

و باقي البنات وينكن ليش تراجع الموضوع؟؟؟؟؟؟؟؟؟؟؟؟؟

مرحبا يا بنات دخيلكن لا تتجاهلو سؤالي :icon33: :icon33: :icon33:
انا مقيمة بالمانيا وقررنا اننا ننزل على سوريا على حلب على طول المشكلة صار لنا سنة عم نفكر بمشروع صغير ويمكن يامن لنا عيشة معقولة الحمد الله البيت موجود وفيه شوية مساري بس شو هو المشروع اللي يمكن ينجح معنا؟؟؟؟؟؟؟؟؟؟؟؟؟؟؟؟؟؟؟؟؟؟؟ هذا هو السؤال
دخييييييييييييييييييييييييلكن الله يجعله في ميزان حسنات كل وحدة
اللي عندها اي فكرة تقولها بيجوز تكون هي حبل النجاة:icon28: :icon28: :icon28:
والله ملينا من الغربة وتعبنا بدنا نرتاح يقا ونكمل اللي باقي من العمر بين الاهل والاحباب