سلام للصبايا ماشاء الله هيك دايما اتنشطو ...........والله يا شام ما في منك انت طليتي والملف نور .............الحمدللع على السلامة ............هنودة سلامتك حبيبتي الله لا يضرك ابدا ويحفظك .........نور ومزون كيفكن سما ايجيبت الله يمضيلك هل كم يوم على خير ............بكرى احلى متل ما قالولك البنات الاستغفار .............نايس الله يقويك والله الحمل التاني بيكون صعب ..........مرمورة اهلا فيك .......فوفاية على ما اعتقد السبيل منطقة راقية بس الاسعار ما بعرف ما عندي خبرة بحلب بس اختي عايشة بحلب ........سلام للجميع عم اكتب بسرعة لانو بناتي ل2 عم يبكو سلام

السلام عليكم كيفكم يا أخواتي الغاليات إن شاء الله تكونوا بخير جميعا
أختي الغالية نور وينك يا حلوة مشتاقتلك كتير وكيف بنوتاتك الحلوين إن شاء الله تكونوا بألف خير ومبروك الولد والله يقومك بالسلامة أنت وكل يلي متلك

الأخت آيه ولوليا كيفكم إن شاء الله تكونوا بخير سامحوني مابقدر أدخل كتير عالنت لأني كتير بكون مشغوله بالصيف بروح على دروس دينية

الأخت هنوده سلامتك يا حبوبه طهور إن شاء الله

الأخت دانية في الصين كيفك يا حلوة تسلمي لسؤالك عني والله يقومك بالسلامة

كيفكم كلكم يا أحلى سوريات يا رب تكونوا بخير جميعا

مسا الخير تلسلميلي يا مزون معك حق لازم السي في عمري 29 وعندي بنت واحدة جبتها بعد علاج طووووووووووووووووويل تسع سنيين الحمد لله يلي فرحت وشفتها وانا من الشام نفسها متغربة من سنة99 ولحد الان بنتي مرمورة عمرها هلأ 3سنين الله يخليلي ياها اما بالنسبة لسيفي تبعكون لح حاول اقراه بالصفحات الماضية وتابع معكم كتير عجبني مجلس السوريات وبدايتوا كلها خير يا رب الله يوفقنا
حبيبتي فوفاية انا سمعانة عن السبيل انو كتير راقية وغاااااااااااااااالية

صباحووو بنات كيفكن يا تقبروني ،، إنشالله بخير ومبسوطين ومروقين
الله يجعل الإيام الجاية أحلى من الإيام يللي راحت وربي ينول كل وحده يللي ببالها ويجبر بخاطركن إلاهي

مزون يسلملي عمرك الله يجبر بخاطرك ويخليلك جوزك إلاهي،، والله أنا هيك قلي الدكتور هون ومن بعد ما قريت حكياتك عم فكر روح لواحد تاني حاكم نحنا هون ما منعرف إذا كان الدكتور منيح ولا لأ بس إنشالله يكون التاني أحسن وأعرف شو سبب يللي معي لأنو الله وكيلك صرلي يومين الوجع ماعم يتركني ولا لحظه وكتير أوقات مابحسن نام!! بس إنشالله خير
والله يا مزون عمدعيلك بكل وقت إنتي ونايس ودندونه ونوارة وكل حبله إنو الله يكتبلكن التمام علخير ويرزقكن ساعة مهونه ويفرحنا بقيامكن سالمين إنشالله

أم مرمورة الأمورة مية أهلا وسهلا فيكي بيناتنا وإنشالله تنبسطي معنا ( إنت وين بمصر؟؟)
أنا من الشام عمري 25 ،،متغربه بمصر من شي 9 سنين ،، عزابية ،، دارسه لغة عربية ودراسات إسلامية وعم اشتغل هنيك معلمة لغة عربية للناطقين بغيرها،، وهي كتبتلك قصة حياتي ههههههههه!!

فوفاية قلبي أي يا مية أهلين وسهلين طبعا منقبل إنك تكوني معنا بس بالأول بدنا السيفي تبعك (هاد قانون مهم بمجلسنا) هههههه
مشان نتعرف عليك أكتر يعني خبرينا أنت من أيا بلد ،، عمرك ،، متزوجه ولا لأ كل شي عنك
وإنشالله تنبسطي معنا

أيوته حبيبتي يسلملي قلبك شو حبابه الله يجبر بخاطرك ياحق

حنين وغربة يامية أهلين والله وتسلمي حبيبتي كلك ذوق وضلك دائما عم تطلي علينا والله يقويك ويباركلك ،، كتير حلو الواحد يشغل حاله بذكر رب العالمين وحضور مجالس الذكر الله يتقبل إنشالله

باقي البنات الحبابات شــــام ولوليا ونايس وسما وبكرى أحلى ونور ومين كمان؟؟ يلا عم نستناكن لتطمنونا عنكن والله بيتفرفح قلبي بهالجمعة الحلوة الله يديمها بجاه حبيبو محمد:26:

دندونه حبيبتي كيفك ،، وين غاطه يا حلوة ؟؟
إنشالله بخير وكيفو ابنك الله يحميه طمنينا عنك والله مشغول بالي عليك