أهلين والله بزنزون كيفك حبابه ،، وكيف الشام يقبرني ترابها
كيف الجو عندكن إنشالله رايق؟؟
ونحنا حبيبتي كتير اشتقنالك ،، والله برافو عليك ضلك عم تطلي علينا دائما
خبرينا إنشالله التقيتي إنت وسوسو ( نيالكن ) والله كنت بتمنى كون معكن بس إنشالله معوضه
الله يجمعنا عالخير يارب

أي عزيزتي أنا بفرنسا بس بمدينة ليون إلى الجنوب من باريس بحوالي 450 كم...و عندي بنوتة وحدة اسمها شهد و عمرها 3 سنين و 3 اشهر ...و صار لي 4 سنين بفرنسا بس بإذنه تعالى هي آخر سنة و رجعتنا نهائيا على سورية رح تكون بشهر 5 السنة الجاية
و هلأ حامل بأول التامن و معي بنوتة ان شاء الله و ناوية سميها حلا

طمنيني عنك أنتي كيف إجازتك بالشام ان شاء الله مبسوطة ؟؟ الله يهنيكي يا رب و يفرح قلبك


هنودة...ربي يسهلك العمرة و تتهني يا رب و أمانة لا تنسينا من الدعاء و أنتي عم تصلي بالحرم

السللللام عليكم كيفكن والله اشتقتلكن كتييييييييييييييييييييييييير راجعتلكن برد مفصل ان شاء الله انا بخير الحمد لله

أهلين لوليا كيفك ،، كتير اشتقنا لطلتك يلا عم نستنا ردك
كيفكن صبايا مين فايقه نقعد أنا وياها نحكي شوي حاكم ماعم يجيني نوم
وقلت لحالي بقوم بقعدلي شوي عالنت بركدن بلاقي حدا منكن منحكي سوا
بس بالظاهر الكل بسابع نومة(zzzzzz )ومافي غيري
يلا تصبحوا على خير ،، وأحلام سعيده
هههههههههههههه

صباح الخير على الحلوين.

يا عيني على هالجمعة شو صايرة حلوة و كتير عم بفرح لما أسمع أخبار كل واحدة فيكن.

راح إحكيلكن شوي عن إجازتي.

يا خوانم ملا إنتوا ، سافروا الأولاد مع إمي و إخواتي على حلب يوم 24/6 و أنا قعدت يومين هون رتب البيت و جهز لسفرة تركيا، و سافرت أنا و زوجي يوم 26/6 .

بصراحة السفرة كانت بتجنن ، راح معنا أخو زوجي و هو بيعرف تركيا منيح و داير اسطنبول و بعرفها قرنة قرنة و رحنا أول يوم زرنا الجوامع الإسلامية ( جامع السلطان أحمد ، و آيا صوفيا و جامع السلطان سليم ) و أكلنا أطيب أكلة كباب بتركيا عند مطعم إسمه مطعم السلطان أحمد و هو مطعم صغير بس كتير مشهور و الله فاتحها عليه و معلق ع الحيطان صور المشاهير اللي أكلوا بمطعمه و فعلا كانت أكلة كباب بتجنن.

و المسا انزلنا على البوسفور و اتمشينا بمنطقة اسمها آرتوكوي كلها قهاوي و كافتيريات على الرصيف و الناس عم تتمشى و تآكل بطاطا مشوية .

و تاني يوم رحنا على السوق الشعبي اللي إسمه ( Kapalo Charchu) و هو بيشبه الحميدية بس على أكبر و بتلاقوا فيه شغلات بتجنن.

و كمان زرنا جامع أبو أيوب الآنصاري الصحابي اللي رافق حملة فتح القسطنطينية و استشهد على أبوابها و أوصى إنو يندفن فيها و بعد ما فتحها محمد الفاتح بنا له هالجامع .

و لاحظت شغلة بتركيا إنو في موجة تدين كبيرة كتير ، يعني لما كنا نفوت عالجوامع وقت الصلاة نلاقيها مليانة و حتى بقسم النساء ما شاء الله الصبايا الصغار و البنات مع إمهاتهن عم بيصلوا.
و صلينا بجامع قريب من جامعة اسطنبول و شفت البنات سبور بس لما بيجي وقت الصلاة بيفوتوا على الجامع و بيكون معهن تياب الصلاة بكيس و بيلبسوها و بيصلوا جماعة.

و كمنا زرنا حديقة كتير حلوة اسمه ( Minia Turk) و عاملين فيها مجسماات لكل الآثار اللي ساهموا فيها العثمانيين داخل و خارج تركيا سواء بالبناء أو بالترميم ، و كان فيها من ضمن المجسمات المسجد الآقصى و المسجد الأموي بالشام و محطة الحجاز.

و بعدين رحنا على جزيرة يلوا و قضينا فيها 3 أيام بمصيف إسمه تيرمل و المناظر هونيك بتجنن و فبها حمامات المياه المعدنية اللي تستخدم للعلاج.



وبعدين رحت على سوريا ، و كنت متخيلة إنوا الأولاد راح يجنوا من الفرح لما يشوفوني ، بس كان استقبالهن ما في أبرد منه ، يا دوب عطوني كام بوسة و راحوا يكملوا لعب. بس الحمدلله انبسطوا كتير بهالإجازة و شموا هوا أحسن من خنقة الصيف بالإمارات.

بس أنا استقبلتني هونيك الشوبات و قطع الكهرباء ، و قلت ياعيني كيف راح انقضي هالأسبوعين ، بس الحمدلله ، الله هونها و شوفة الأهل بتخلي الواحد ينسى الشوبات و يتروحن معهن .

و هلق ارجعنا للشغل و التعتير و الركض طول النهار ورا الأولاد ، و الحمدلله على كل حال بس إن شاء الله ما يضيع هالتعب و نلاقيه بميزان حسناتنا يوم القيامة.

يالله حكيت كتير و لعيتلكن قلبكن ، بس قلت خليني سليكن شوي.

ناطرين كل اللي سافروا و رجعوا بالسلامة يحكولنا عن الإجازة اللي قضوها.

ســـــــــــــــــــــــــــــــــــلام.