صباح الخير يا احلى صحبة عن جد الواحد هون بيحكي يلي بقلبو وبدون ما ينحرج او يستحي انو حكيوا صار بيملل لانو كلو عن الغربة وضرائبها علينا والله يا بنات صار لي كم يوم ما في غير زعلانة على حالي انا دارسة بكلوريا علمي ونحجت فيها من اول سنة مع اني كنت مخطوبة وكلون بالعيلة كانو فرحانين فيني وبزوجي وزعلانين انو حرام ما كمل دراسة لحد هون ما زعلانة على شي لانو فعلا زوجي عندي الدنيا وما فيها والله لواحيانا بفكر انو لو خيروني بين بنتي وزوجي بختار زوجي لانو كتير اخلاق
لما كنا بالسعودية اشترينا كمبيوتر وما كان حدا عندو كمبيوتر بعيلتي هادا الحكي سنة 99وتعلمت عليه شوي وصرت ادخل علانترنت شغلات منسمعها بس ما كنت شايفتها بسوريا كنت حاسة حالي غير شكل متطورةومواكبة العصر وشايفة حالي شوي عما احكي عالانترنت وكلو بيسمعني شغلة جديدة بعدها باربع سنين كلو ما شاء الله عندو كمبيوترات ولما اجيت علىمصر ضليت سنتين بدون كمبيوتر
ولما نزلت انصدمت ما شاء الله انا صرت اخر العالم والكل ما شاء الله كبروا اخواتي وصايرة قدامون متل المتخلفة غصيت كتير ولما رجعت جبت كمبيوتر فورا واشتركنا بالانترنت ومبسوطة كتير وخصوصا بعالم حواء قديش بيريح وبيسلي ومن كم يوم قريت موضوع هل انت ضفدعة والله شاغلني من وقت ما قريتوا وما بعرف بدي اتغير وحسن حالي بس كلشي شبه مستحيل لاني ما بعرف حدا هون هلئ بلشت نق بدي اتعلم سواقة السيارة وجوزي موافق وعدني اااااااااااااااه بس ايمتى ومشان الكمبيوتر مو عرفانة ايمتى ظبت وضعي مع بنتي مشان شوف شلون اتعلم وصاير عندي مشكلة فعلا بتربط الايدين منسهر بالليل ومنام بالنهار يعني اليوم فايقة الساعة واحدة كتير متاخرةهادا غير بقى الوزن الزايد يلي صرلي سبع سنين عما عاني منو يعني لح طق ااااااااااه
وكمان لا تقولوا متغربة بمصر بس بحس انو انا فعلا غريبة وصايرة بحكي مصري ووين ما رحت بيقلولي انت مش مصرية صح (لعيت قلبكون سامحوني بس والله متضابقة كتير)وكل ما بفكر شلون بسوريا منروح ومنجي ومنيسر امورنا بغصهون اتفه العوائق بتصير مشكلة
يا ترى انتو متلي ولا فعلا بس انا متاخرة هيك كتيروعندي هالمشاكل

مرحبا يا حلوات...
معلشي ما عم يصحلي فوت كتير.. يللا هانت كلها اسبوع و برجع على الدوحة و بترجع ريما لعادتها القديمة...
ما صحلي اقرأ كل شي.. بس حبيت سلم و قلكم اشتقتلكم..
ديروا بالكم على حالكم و بس ارجع بدي العي ليوم اللعي و يا ويلها يللي بدها تسكتني.. صاير عندي عقدة من كتر ما عم اسكت (حاكم عم ضب تمي ببيت حماي مشان ما اعمل مشاكل... شو ما حكيت منيح و لا عاطل بدها تصير مشكلة.. قمت قفلتوا و كبيت المفتاح..)
يللا سلامات و استنوني :)

السلام عليكم كيفكم يا أخواتي الحبيبات ،،،
نور الدرب وينك ما عم تبيني إن شاء الله تكوني بخير أنت وبناتك الحلوين

هنوده لا تنسينا من الدعاء وأنت بالعمرة ويارب تروحي وترجعي بألف سلامة

دانية وينك يا أموره شكلك مشغوله بالنقلة ،، يارب تكوني توفقتي ببيت منيح

لوليا وينك يا حلوة صرلك زمان ما دخلتي على المجلس

الأخت المشرفه شام حمدا لله على سلامتك

عروس الشام با نتظارك وترجعي بالسلامة إن شاء الله

باقي الأخوات كيفكم إن شاء الله تكونوا بخير جميعا

شو القصة ياجماعة ليش الموضوع بالصفححة التانية طلو علينا وسمعونا أخباركون

عروس الشام بانتظارك وانتظار أخبارك بالشام بركي بينبل قلبنا بقصص الشام

أم مرمورة الأمورة كيفك حبيبتي طمنينا عنك وبالنسبة للتراجع الفكري أنا كمان بحس أنو الغربة بتخلي الوحدة تتراجع وما تعود متل الأول الله يعينا ويغنينا عن الغربة

حنين وغربة كيفك إن شاء الله تمام الله يهون علينا وعليكي الحنين والغربة

كيفكون صبايا ان شاء الله بخير ماتواخذوني طولت عليكنبس مو بايدي هاد التعزيل الله لا يوفقو لح موت عن جد من قلبي طالعة هالكلمة بديت بغرفة النوم يومين وبعدين غرفة الكرتين وبعدين المطبخ 8 ساعات انا والشغالة يا حرام هي لح تولد وانا ماكنت اولد حتموت من التعب قمت عطيتها كاسة عصير وتفاحة هون بالشركات ممنوع تقبل شي قام لما عطيتها عملت حالها مابدها بعد ما خلصت اكل صارت تنط نط من على الارض وتنظف قلت يا ريت ضيفتها من اول ما اجت المهم صفيانلي الصالون والحمام والبرندة طبعا الصالة ما بدو غير مسح الغبرة بس من كل زاوية وانا صالوني مليان وفرك الارض والبرندة بس تنظيف الغسالة والبسكليتة المنحوسة بعدين بقلكون ليش والحمام صغير بس تلييف الحيطان والارض والمرايا وبسسسسسسسسسسسسسسسسسسس وهيك بخلص البيت وببلش بحالي
الله وكيلكن ايديي متل ايدين قتالين القتلا من كتر ما انظربو وتشوهو من الكيماويات جورة هون وحفرة هونيك وضربة سكينة هههههههههه والله حموت
المهم بس خلص تعزيل بدي اهتم بحالي لانو طول ما عم عزل ما في عناية لا كريمات ولا شي بس عم مشي حالي لبين ما اخلص
اي لقلكن ليش البسكليتة منحوسة (يعلى امتي شو لعاية هي تعبانة وهيككيف ما كون مرتاحة هههههههه))
اي هاد يا حلوات قبل ما احبل اشترى جوزي بسكليتة وقلتلو امشي نروح عليها نتمشى جنب النهر قام قلي يلا البسي قام انزلنا وعجبتني البسكليتة لانو فيطكي تمشيها على الدواسات وفيكي على الميتور بس كتير مريحة وحلوة المهم ضلين نق عليه مشان اركب مع اني ما بعرف اتوازن هههههههههه
قام قلي يلاوقلي لا تشغلي الميتور انتي امشي بالدواسات وكانو قلي شغلي الميتور طبعا شغلتو وخفت قام اتمسكت بكل قوتي بالمساكات طلع من هون منحدد السرعة وانا تمسكت بكل قوتي والبسكليتة مشيت باسرع سرعة وجوزي يركض ورايي ويقلي تركي المساكات بتوقف وانا خايفة ومو فهمانة عليه وشادة وضل يركض وراي لحتى صرت عيط وزعوط كتير بعدين فلتت ايديي ورجليي ومشيت البسكليتة لحالها وانصدمت بالشجرة طبعا ان كنت على متن البسكليتة ولما انطرقت بالشجرة انا طرت ووقعت على رجلي يا لطيف لهلق بتزكر وجع الركب اللي صابني وجوزي وصل لعندي عم يلهت من الركض يا حرام وهو خايف كون انكسرت او شي (( ملاحظة لو البسكليتة كانت مايلة على اليسار كنت وقعت بالنهر وماكان بيطلعني منو غير قدرة ربكون لانو هون النهر كتيييييييييييير غميق ))) المهم جوزي اطمن عليي وصار يهديني لانو عم ابكي كنت وبعدين اتذكر اني شغلت الميتور وبلش خناق انا ما قلتلك لا تشغليه طبعا ان لساتني بالمناحة تبعي لازلت وبسء خلص قلي قومي قومي ويا ويلك اذا بتجيبي سيرة الركبة على البسكليت مرة تانية واشترالي عصير مشان يروقني ههههههههه طبعا هالحادثة كانت بنص الليل ومافي الدومري بالشارع يعني لو كانت بالنهار كانت عن جد فضيحة وكل ما بشوف البسكليتة بدعي عليها ههههههههههه بس عن جد شو حلوة هالحظات ومن جديد عم قلو لجوزي ركبني على البسكليتة تبع اللي بيعدو فيها 2 قلي اي مشان تروحيني معك هههههههههههههههههههههههههههههه
المهم نرجع لسيرة التعزيل بقا ادعولي خلص بخير وسلامة على فكرة نحنا ما انتقلنا لانو مافي بيوتمتل العالم والناس والاسعار ناااااااااااااااار لانو في معرض هون بكوانزو بقا قلت خليني اتركن على حالي واولد بهالبيت احسن ما اطشنطط والحمد لله ليكني لح خلص وان شاء الله كلو سهل بس المشكلة انو المشفى بعيدة عن بيتي يعني بخاف اولد بالتاكسي لبين ما اوصل ههههههههههههههه تخيلو ولي على امتي والله شي بيخوف المهم مالكون بالطويل خلوني روح وبرجع بكمل حكي بس تعبانة وبدي ناممممممممممممممممم يلا تصبحو على خير ولا تنسو كاسة المي تشربوها بعد ما تقرأو ردي هههههههههههههه
واسفة اني ما رديت على البنات بس والله تعبت ان شاء اللع غير يوم
سلام
ولا تواخذوني على الحكي الطويل بس صرلي شي 3-4 ايام ماحكيت لانو اخلص تعزيل اكل وناااااااااااااااااااااااااام وما احكي مع حدا بقا تحملو هههههه
السلام عليكم