شام :

السلام عليكن غالياتي أكيد عتبانين عليي يا ستي الحق معكن ..مقصرة معكن والله بس دائما بالبال لوليا مبارك نجاح بنت اختك وعقبال الشهادات العالية يا رب بس السؤال انو شو مقدمة بنت اختك أكيد يا بكالوريا يا تاسع مهيك ؟؟ يعني انا هيك فمهت من حكي البنات ومالي عرفانة شو دراستها ... كيف تأقلمت ان شاءا لله على وضعك الجديد الله يهدي بالك دانية ... شو قصتك مأفعة معك الله يعينك ويبعتلك ملائكة من عنده بنصحك والله لما توصل الاحوال لهيك مواصيل قومي وتوضي والتجئي لربك واقرئي كل يوم سورة البقرة أو جزء أو أدعية أي شي وكل ما بتعدي احملي هالمسبحة وسبحي واستغفري صدقيني بصير عندك بركة بوقتك وبصحتك وببيتك وبكل شيء بتلاقي حالكم انقلبت قلب الله يحميك ويقومك بالسلامة فتاة شو اخبارك ان شاءا لله تمام وكيف هالمنظيم عندك ان شاءا لله اوادم الله يخليك ياهم هنودة طمنينا عنك يا حلوة نور طمنينا عنك كمانة ما عاد سمعنا عنك هيلين روحي الله يهنيك يا رب ما في احلى من هيك جو لما قريت كلامك تذكرت ايام الصيفية بالزبداني وحاليا ونسمات الصبح اللي عم تلسع لسع والجو اللي بيمزع العقل والخشوع اللي بتحسيه بتحسي حالك مقبلة على العبادة بشكل مو طبيعي ... سبحان الله الله يهنيك يا رب شام ياذا السيف الحمد لله فرحتلك بهالجولة يلى غيرتي شكل عن النظام الروتيني وان شاء الله دائما سفراتك موفقة حنين وغربة ميت اهلين يمكن انا جديدة عليك أو انت جديدة على القسم بس ميت اهلا وسهلا فيك وبكل سورية معنا بالملف ... تشرفنا بمعرفتك محسوبتك الي 9 سنين بامريكا وعندي 3 ولاد ... ودارسة ليسانس لغة عربية ودراسات اسلامية ممكن تعرفيني عنك اكتر ... مرحبا اختي جرح لم يندمل ان شاءا لله مبارك لأختك بإذن الله شوفي اسواقنا الحلوة بتلاقيها بالجسر الأبيض والحمرا والصالحية وباب توما فبتلاقي كل شي من لانجري لبناطي لبلوزات وتوينزات وكل شي بس هالسنة ما عجبني السوق أبدا وخصوصا الحمرا عدمانة صايرة كلها موضة اجنبية القماش المكسر والمطعج والقصير والمبروم والطالع والنازل والمقصقص يعني موضة غربية .. المولات الجديدة عم يقولوا عليها حلوة انا شفت بس المول بكفر سوسة حلو كتير وبضاعته مرتبة بس غالي شوي يعني بالطابق الأول فيه كم محل عندهم طقومة رسمية وبدلات شي حلو كتير والطوابق الفوقانيات شغل صرعات ... لو بدك اسواق شعبية فروحوا على الحميدية وسوق تفضلي يا ست وهالأراني هي حلو ة وأرخص من السوق فوق بس بدك تتحملي العجقة والزلم أمواج أمواج ...بس فيك تاخدي استراحة عند شي محل بوظة عند الصالون الدمشقي والبوظة العربية مع القشطة المدقوقة بالفستق اللي بتاخد العقل يمممممممممم او بدوقي كشك الفقرا عنده يا سلام وفي محل تاني ....... مدري شو اسمه ما عم اتذكر كمان مشهور وبتلاقيهم عم يدقوا البوظة هيك بطريقة كتير حلوة اما الاكل فما في اطيب من أكل الشام يا عيني لو بقدر لطالع كل الاكل من الشام ما بقصر بس اكيد انت ما فيك تاخدي إلا الحلو والحلو مشهور كتير عندك سمير اميس بالبحصة وحلويات السلطان بشارع بغداد وحلويات داوود اخوان يمكن بميدان جزماتية لو بتحبوا الاكلات السورية متل الزعتر فما في اطيب من الزعتر الحلبي (( الناصر )) هادا اطيب زعتر بدوقه ممكن تلاقيه من محلات مرتبة بالشام بس انتبهي يكون اصلي وأنا عن نفسي بحب الكشك البيتي من معدنلي يعني هي مسألة راجعة إلك وإن شاءا لله موفقة يا رب سامحيني على استرسالي بس عم اتذكر هالأيام الحلوة اللي قضيتها بالشام ....... في موقع بيعطيك كل تفاصيل المحلات http://forum.hawaaworld.com/showthread.php?t=859892 مزون شو اخبارك وأديش باقي للإجازة معلش طولي بالك بكرة بيمضوا بلحظة عين ان شاءا لله بتقضي اجازة حلوة وبتنبسطي يلى معلش بركي قطع الكهربا بخف وهالشوبات القوايا بخفوا شوي سما ايجبت طمنينا عنك شو عاملة بسفر زوجك الله يهدي بالك يا رب أم مرمورة الحلوة ميت اهلا وسهلا فيكي معنا تشرفنا يا ستي

السلام عليكن غالياتي أكيد عتبانين عليي يا ستي الحق معكن ..مقصرة معكن والله بس دائما...