السلام عليكم.. عدت اليكم من جديد :)
أول شي حمدلله على السلامة لشام و شام يا ذا السيف..
و مبروك لبنت اختك يا أيوش..
و الله يطعمنا العمرة متلك يا هنودة.. عمرة مقبولة ان شاء الله..
و أهلين و سهلين بكل وحدة جديدة انضمت لنا.. و الصراحة ما لحقت اقرأ كل شي.. بس اشتقتلكم كتير...

أول شي اتفرجوا على الصور.. حطيت صورة للطريق على بلودان.. واضح سهل الزبداني..
و كمان صورة لمغارة موسى و نحت من داخل المغارة..







للأسف معظم الصور الباقية طالع فيها ابني و جوزي.. حاكم أنا المصورة الرسمية للعيلة و دائماً أنا عم صور و ما بطلع بالصور.. و بس ارجع من السفر و اتفرج على الصور بزعل على حالي, انو مالي صور كتير مع ابني..

الشام يا بنات صحي شوب بس ماشي الحال أحسن من الخليج على الأقل ما في رطوبة و بالليل الجو حلو اذا بتطلعوا على طريق المطار و الله الواحد بيزنطر هونيك..
صايرة في مشاريع كتير بالشام.. أنا حاسة أنو هلأ أحسن وقت للاستثمار بسوريا لأن بعد كم سنة رح تقب الشام قبة مو طبيعية...
في شركات قطرية و سعودية و كويتية عاملة مشاريع بشي عشرة مليار دولار.. معظمها مشاريع عقارية و مواصلات.. على سيرة المواصلات, حيعملوا مترو دمشق و سكة الحجاز القديمة حيجددوها, و حيعملوا متل دبي تجي شركة تستلم التكاسي و الباصات و تزبطهم.. صحي هالحكي بدو وقت بس أنا بقول شوفوا الشام بعد عشر سنين حتصير شغلة..
و سمعت انهم فتحوا خط قطارات من دمشق لحمص للاذقية و جايبين قطارات من فرنسا سوبر ديلوكس فيها فرست كلاس و مطعم و شي غير شكل.. المرة الجاية بدي جربها...
و رحت شفت مشروع اعمار بيعفور.. و الله يعفور بكرة حتصير مركز الشام.. كتير عم يزبطوها.. و فتحولها طريق من قدسيا مباشرة على يعفور.. و كتير شركات بلشت تبني مشاريع ضخمة..
اعمار مثلاً حتعمل مركز تجاري فيه مول كبير و مكاتب و فندق.. و أهم شي سوق الأوراق المالية الرسمي لسوريا حتبنيه اعمار بيعفور... يعني المكان حيصير مكان تجاري و عليه رجل..بس الأسعار طبعاً نار.. عم يبيعوا المتر المربع من 3800 دولار ل 4300 دولار تقريباً... يعني مكتب صغير 100 متر سعره شي 11 مليون سوري..
و الأراضي حواليهم غليانة.. الدنم صار يوصل 15 مليون..و طبعاً هنيك ما بيعطوا ترخيص بناء لأقل من أربعة دنم.. يعني بدو الواحد يدفع شي 60 مليون ليرة ليبني!! هدا غير حق البناء.. المشكلة عنا بالشام التضخم بالأسعار مع ان الرواتب محلك سر.. الله يعين العالم...
ايه لعيت كتير.. و سلامي للكل ما بدي بلش اذكر اسماء مشان ما انسى حدا..
سلامات..

شامو حبيبتي الله يجبر بخاطرك.........زهنودة وينك يا قمر اشتقنالك وحلمانة فيك هداك اليوم ادعيلي امانة .............عروس الحمدلله على السلامة بس مو بنت اختي بنت اخت لوليا بنت اختي لساتها صف تاني ..............يلا قالو خير .............

له له... العتب على النعس و الله.. حاكم ما عم يصحلي فوت الا بعد نص الليل و عيوني نص مغمضة.. فكرت بنت اختك يا آية.. يللا مو مشكلة فال حلو :)
و مبروك يا لوليا :) سامحينا على الغلطة..

بنات بدي اسالكم على السريع مين عايشه هلى باابوظبي في اشي اكتير بدي مساعده

هلا بنات ،، آية أفشتني ,,, خخخخخخخخخخخخخخ
والله بالبال وعم تابعكن باستمرار ،، والمهم أنه كلكن بخير والحمد لله
شام
مية أهلين برجعتك ويسلمو ع سؤالك ,,, اشتقناالك
عروس الشام
الحمد لله ع سلامتك يا حلوة ويسلمو ع الصور كتير فرحت فيهن ,,,
آية
أهلين فيكي ،، بوسيلنا البنات الحلوة ،، ويسلمو ع سؤالك عزيزتي
هنودة
الله يتقبل منك ولا تنسينا من دعائك غاليتي ،، وعقبالنا يا رب
جرح لم يندمل >> ليش يا قلبي
هلا فيكي متل ما بتعرفي كلنا مغتربات وما عنا خبرة بالسوق ،، بس متل ما قالتلك شام الحمرا والجسر الأبيض والله ييسرلكن
حنين وغربة
يسلمو يا حلوة ع سؤالك دائما مقصرة معك سلامي لأختك ,,,
لوليا
شو أخبارك وكيف البنات الله يحميهن والله كلامك كتير عم يشجعني وكل مالو الواحد بينشغل أكتر ،، الله يعفو عنا
فتاة سورية
شو اخبارك الله يقويكي ،،، بوسيلنا الولاد الله يحميهن
هيلين
شو فرحت بطلتك يا حلوة والله اشتقنالك،، ويا رب تنبسطي ,,

باقي الصبايا كلكن ببالي والله ييسرلكن جميعاً
بنات لا تقلقو عليي هالأسبوع زوجي آخد اجازة بقى إذا ما طليت عليكن مشغولة بكوووون ولا تنسونا من دعائكن ,,,
سلام يا حلوين
وين ساجدة؟؟ ما طلت علينا طمنينا عنك ,,,