كل عام وانتو بخير كيفكن يا بنات
اكيد كل وحدة فرحانة انو رمضان اجا وعم تجهز هون بالصين مافي اي مطهر من مظاهر رمضان او العيد او اي شي كلو متل العادة مشان هيك انا مكتئبة حتى كمان حاسة انو حياتي على وشك الانهيار عم ادعي انزل ع سوريا لانو ما عد فيني اتحمل وصلت حدي
وتعب الحمل لح موت امبارح ما نمت لل6 الصبح ولما نمت ابني فاق بدو حليب واول ما غفي كانو حدا حطلي كهربا بضهري والله لا يدوقكون الوجع لح موت ما اعرفت ابكي ولا اتحمل ولا شو اعمل
صايرة حياتي ملخبطة كتير ما عم نام لل6 كل يوم ونام بالنهار عم يضيع نصو وصرلي شي اسبوع بالبيت امبارح انزلت اتمشيت بس مو مبسوطة لانو بتقرف التمشاية
شو بتعملو حتى تضلو مبسوطين والله لو فيي انزل اليوم قبل بكرة على سورية ما بنتظر بس شو بدي قول على الله لى كل قررت اول يوم رمضان اعمل سمبوسك وسلطة وشوربة عدس لانو هون مافي شعيرية
وبدي اعمل سلطة بيتنجان لانو بحبها
بنات جاية ع بالي محاشي بس ما بعرف ساويها وجاية ع بالي يبرق كيف بدي ساويه وما بعرف لفو بخاف يفرط وتنتزع الطبخة وبدي ساوي يخنة بس ما عم تزبط دايما ما بتكون مستوية منيح
ساعدوني امانة داق خلقي بدي اعملي شي اكلة متل العالم والناس
يلا سلام

kol 3am wa antom b alf kher Ramadan ll be tomorrow inshalah

كل عام و انتم بخير
ان شاء الله بينعاد عليكم و انتو بالصحة و السلامة
و الله يقوم الحوامل بهالشهر بالسلامة

يللا ديروا بالكم على حالكم, ما حيصيحلي فوت أون لاين كتير برمضان.. دوبني لحق..
سلامات يا حلوين

و دانية.. كوسا محشي كتير سهل.. اذا الله راد ححطلك طريقته.. و اليلنجي بتصور قريت طريقته مكتوبة بمنتدى الطبخ بس اليبرق بما اني ما بحبه فما بعرف كيف بيتساوا..

بس خدي هي طريقة شيخ المحشي على السريع
احفري الكوسا و قلي شوية لحمة مفرومة.. بعدين احشي الكوسايات باللحمة منيح.. أنا بعبيهم للطفة هيك بحبها.. و في ناس بتحط مع اللحمة صنوبر مقلى..
بعدين قلي الكوسايات بزيت القلي شوي لبين ما يدبلوا..
و صفيهم منيح من الزيت و بعدين اسلقيهم بالماء بس و ملح... أنا بخليهم على نار هادية شي نص ساعة مشان ما يقرشوا.. بحبهم مستويين..
و بس بقيان اللبن.. جيبي الللبن و حطي فوقه ملح و معلقتين نشاء كبار و حطيه على النار بس خليكي عم تحركيه.. اصحك توقفي تحريك و الا بيفرط.. و حماتي مشان تضمن اللبن ما يفرط بتكسر فيه بيضة.. بس أنا ما بحب حط بيض مع اللبن..
و بس يغلي اللبن اطفي النار تحته و بتكوني صفيتي الكوسا من ماء السلق و بتحطي الكوسا باللبن.. و صحتين و عافية..

و ان شاء بس فوت المرة الجاية بكتبلك الكوسا محشي..
سلامات

مرحبا صبايا اشتقلكن كتيييييييييييييييييييييييييييير
كل عام وأنتو بخير وشهر مبارك
الي رجعة بس حبيت باركلكن بالشهر

كل رمضان وانتو بخير هيلين والله فايتة عالنت وعم قول وينها هيلين ما عادت طلت علينا