اهلا وسهلا هيلين .. فعلا العزيمة بتهد الحيل بس الحلو بعدها ان بتضلي فترة ما بتطبخي ...يلا صحتين وهنا

بطة سلامتك يارب والله ييسر لك الخير ويقومك بالسلامة

يا جماعة متل كل سنة بنتي راحت على رحلة وجابت لي معها يقطين ..هذا الي بيعملوا منه شكل الشبح بالهلوين ....وزوجي طالع على باله اعمله ياه مربى .. وانا عمري ما عملت مربى ..فمين عندها طريقة سهلة وحلوة وناجحة ياريت تفيدني فيها ..

بذكر ان وحدة كتبت لي طريقة من قبل بس والله نسيتها

السلام عليكم :icon28::boom:

أكد تزكرتوني :09:

حبيت سلم عليكن ياحلوين

وخبركن شو رح نفطر اليوم

رز بشعيرية + شوربة خضار + سمك مقلي + شوربة شعيرية + عجة

وبس

اشتفتلكن كتير

يا الله السلام عليكم

السلام عليكم كيفكون بنات حبيت سلم عليكون والله كلامكون بيفرح وما بخلي هم ع القلب
الله يمضي هالرمضان ع خير كتير عم اتعب بالصيام وموت لبين ما يأذن كل ما وقف بدوخ
بنات ان شاء الله الي رجعة لحتى اكتبلكن باللي صار معي بالتفصيل بهالاربع تيام اللي غبتون \
لاتنسوني من دعائكم امانة
يلا سلام يا حلوات

مرحبا بالحلوين :)
اشتقتلكم.. و الله مدري شو صايرلي, تقولوا عين و صابتني.. صرلي يومين ما نمت, ابني مريض يقبرني.. لهلأ ما نزلت حرارته.. و طول الليل استفراغ و امسحي هون و غسلي و نظفي الكنبايات و السجاد.. ما ضل شي نظيف بالبيت.. يقبرني كل شي عم يستفرغه حتى المي..
المهم أخذناه على الدكتور و تحسن شوي بس ما عم يرضى ياكل و حرارته ما عم تنزل..
و الله انقهرت عليه حبيبي حتى المي قالي الدكتور ما تشربيه غير 40 مل كل ربع ساعة.. و هو عطشان و يبكي و يقلي مي.. ماما مي بليز..
فصرلي يومين ما نمت غير شي أربع ساعات مو متواصلة..
لك كل ما فكر اني بدي احبل بيصير شي بخليني خاف و قول شلون بدي اتحمل مسؤولية ولدين سوا؟؟ و الله بنتحر.. أنا هلأ كل ما صار شي و ما عاد عرفت شو أعمل بصير ببكي و بدق لماما...
يللي عندها أكتر من ولد شلون الأمور عندكم؟؟ عم تشدوا شعر راسكم شي؟؟ شو رأيكم انطر كمان ولا خلص حلي احبل بقى؟

المهم.. شو أخباركم برمضان؟؟ الله يهونها علينا.. و بما انكم عم تحكوا شو عم تطبخوا.. فأنا صايرة عم أعمل تسقية يا على السحور يا على الفطور.. حبيتها انو سهلة و سريعة و بتشبع.. و اليوم كنت عاملة تشيكن سترايجنوف.. جوزي بيحبها كتير.. جاج بالفطر و الكريمة يعني..
و بما انو بس أنا و جوزي ما عم كتر أكل.. بلا ما ينكب شي و صير ابكي من احساسي بالذنب و أنا عم كب الزبالة..

و الله هداك النهار كنا سهرانين مع أهلي و بابا حكالي شغلة قهرتني كتير و حسيت اني مقصرة كتير.. بابا مهندس فشغله كله مع العمال.. عم يحكيلي انو شايفة هالعالم السهرانة كل واحد بياكل طول الليل و بينام طول النهار و مبسوط على الآخر.. تعي شوفي العمال المساكين, عم يفيقوا الساعة خمسة الصبح على الشغل و بيشتغلوا بعز الشمس و عطشانين من الصيام و هداك النهار واحد غوطن و مرة من كم سنة في عامل عند بابا توفى بضربة شمس.. و المساكين فوق كل هاد بيرجعوا على سكن العمال يللي كل أوضة فيها شي عشرة متل القاووش و بيشتروا سوا رز و خضرة و لحمة و بيطبخوا و بياكلوا.. و كل راتبوا هالعامل المسكين 800 ريال.. يعني شي 220 دولار..بدوا يعيش فيها و يبعت لأهله بالهند.. و بتلاقيهم مو شايفين ولادهم كذا سنة..
يا الله شو بنقهر بس اسمع هيك شي و ما بعرف شو ممكن اعمل.. بدي أعمل شي و ما بعرف شو.. أنا أساساً ما جبت خدامة مع ان جوزي عم ينق علي لأني ما بقدر احرم انسانة من أهلها و أعطيها راتب بنظري قليل.. ما حاقدر نام من تأنيب الضمير لو جبت خدامة.. مشان هيك اختصرت الموضوع و ما جبتها..

و الله لو بحكيلكم كل القصص يللي بابا بيحكيلي ياها عن العمال يللي بيشتغلوا معه, كنتوا بكيتوا عليهم.. حياتهم صعبة كتير لدرجة انه في منهم بينتحروا.. الله يعينهم..

ما بعرف ليش عم وجعلكم راسكم بهالقصص.. بس حسيت اني بنعمة كبيرة مو مقدرتها و حبيت اني ذكركم بشكر النعمة و لو كانت قليلة, لأن في غيرنا مو لاقي شي..

يللا ديروا بالكم على حالكم و أمانة لو حدا بيعرف شي عن هنودة يطمنا..

سوسو و فتاة و هيلين و لوليا و شام و بطة و نور و امبراترايث و نور عيني جنان و آية و سما و بنت الشيشان و دانية و ميس.. كل عام و انتم بخير و لكل وحدة مرت و عايدتنا, كل عام و أنتم بخير و ينعاد علينا و عليكم بالخير..

اهلين يا بنات كيفكن وشو اخباركن كيف الهمة برمضان يا بنات خلونا نتفق انو ندعي لبعض برمضان فلا يخفى علينا انو الدعوة في ظهر الغيب مستجابة ان شاء الله

عروس سلامة ابنك ماعاقلبو شر هو اديش عمرو هلا وعنجد الحمد لله انو في لسا ناس متلك بتفكر بغيرها

اهلين بنت الشيشان طولتي علينا الغيبة

سما ايجيبت برافو عليكي الله يعطيك العافية

فتاة اعذريني مالي خبرة بالمربي منوب بحاول دورلك عا شي طريقة

دانية طمنينا عن ابنك شو صار معو باقي البنات سلام لكل وحدة فيكن