للف الحمد لله على سلامتك يا هنودة

والله شغلتي بالنا

الله يحميك ويقويك ويشفيك بشفاؤه يا رب

والله يتقبل منا ومنكم

هلا نور .... انا كمان ابني بجن بس شاف الاكل بس غير عن بنتك لانه صحة ماشاء الله دبدوب

وماشاء الله تبارك الله على بنتك ...لا والله معتز لسا ما وقف كل ما بحاول وقفه بوقف على روس اصابيعه واذا حاولت صلح له وقفته ثواني وبيتعب وبيجلس ..يمكن لانه ماشاء الله سمين.. رجله ما عم تتحمل تقله ..غير هيك المسكين ما حدا فاضي يلحقه ويدير باله عليه اذا حطيته على الارض لذلك طول الوقت بالكراجة ..ما عم يتعلم يوقف ...واحلى شي بيكون بالكراجه بلاقي شي قدامه ما عم يخليه يمشي بقوم بيحمل الكراجة كلها بايده وبعدي من فوق الشغلة وبعدين بنزلها وبيكمل ههههه ..مافي شي عم يوقف بوجه ماشاء الله


انا هلا خلصت تركين غرفة الالعاب والتلوين للاولاد ويالله شو طلعت منها بلاوي للكب ...وحاسة حالي تعبت ومالي نفس كمل باقي البيت ....ألله يعيننا

هلا شام ....لاحظت باسمك من اوائل المشرفات ... فعلا بتذكرك من لما طلع عالم حواء كان لساته دليل الطبخ العربي ...من شي 7 سنين ..ما هيك ...كيف الايام بتمر سبحان الله ...الله يجمعنا على طاعته ويجمعنا في الفردوس وجميع بنات الملتقى يارب

هنودة حبيبتي الف الحمدلله على سلامتك والله انشغل بالي عليك كتير يلا عرضية انشالله ........الله يقويك وترجعي تنوريلنا الموضوع والله مو حلوين بدونك

كيفكون بنات هنودة الحمد لله ع السلامة وان شاءالله ربي بيعافيكي شام واية ولوليا ونور الدرب وفتاة والبقايا كيفكون طمنوني عن خباركون
يلا بدي روح ابني لح يموتني من اللي ببطني اللي براتو بيعد مفكر بطني بالون وبيتمايل عليه او بيرفسو والله امر من الجنين
يلا سلام

مرحبا يا صبايا
هنودة الحمدلله على السلامة.. ان شاء الله مانك موجوعة؟؟ و الله العمليات قصتها قصة.. الفيقة من البنج لحالها بتهد الحيل.. الله يعينك و يقويكي..
و المشكلة ما اجتك إلا برمضان.. ان شاء الله بتنكتبلك بميزان حسناتك..
فتاة, بتصدقي هلأ انتبهت انك من أقدم العضوات! لك أنا مفكرة حالي قديمة اني كنت تابع المنتدى بال 2003 و سجلت بال 2004
بس ما كنت بعرف ان المنتدى بدأ بالطبخ بس و بعدين تطور.. و شام معلشي عندي سؤال.. كيف بيختاروا المشرفات بالمنتدى؟ و مين يللي عم يراقب كل شي و ينسق كلشي.. أكيد في مقر معين للمنتدى فيه حدا بيراقب كل شي و بيختار المشرفات .. ما هيك؟؟