سلام عليكم يا حلوات كيفكم كلكم

الف الف الحمد لله على سلامتك يا هنودة ... والله يعينك ويشفيك ويعافيك باسرع وقت يارب...هلا ليش عم تتوجعي ما فينك تاخذي حبوب مسكن ؟؟ الله ييسرها عليكي ويعينك يارب

شام ...فعلا ذكرتيني بالذي مضى سبحان الله بتذكر كمان كان معنا وحدة اسمها بيكاتشو عطتنا موقع فيه بيكاتشو عم يرقص ...سبحان الله ولادي كلهم عجبهم الموقع وهنن صغار وكل ما اجا ولد جديد بحط له الموقع وبطير عقله وانا بتذكر بيكاتشو الله يذكرها بالخير وكان معنا كمان ام جهاد ومعاذ الله يذكرها بالخير

مشان المطبخ بعد الفطور ..حدث ولا حرج ... انا نفس الشي بهلك هلكان مع ان الاذان على الساعة 7 بتلاقيني في المطبخ من 4 ونص ... الله يكون بعوننا يارب ..هذا وما عم اعمل لا سمبوسك ولا شوربات بس الشغل بيطلع لحاله مدري شلون ..على كل حال انا بس خلصت اكل بشيل كام شغلة من الصفرة وبقول لكل واحد يشيل صحنه وبترك الباقي وبروح بتفرج على باب الحارة " صحي ضحكتيني بانك العقيد ابو شهاب هههههه" وانا عم اتفرج يار بكون عندي تطبيق غسيل يا كوي يعني ما برتاح بضل الشغل ... وبس خلصت بقوم كمل لم الصفرة وبساوي المطبخ بس بحط الجلي بالمجلي وبرجع اشوف باقي البيت والاولاد الي عنده واجب والي مدري شو قصته وبعدين برجع لحط الجليات بالجلاية ...اااااخ رغيت كتير ولسا في كتير شغلات بدي اكتبها .... الله يعينك يا ايدي هههههه

دانية اللهي عينك ذكرتيني مرة باول ولد ضل فترة ما يتحرك فكنت متمددة وحطيت ايدي على بطني وقلت له حبيبي اتحرك شوي خليني اطمن عليك راح والله بنفس اللحظة رفس 3 رفسات خلاني قوم واصرخ من قوتهم ....ههههه كل ما حكيتها له هلا بيفرط ضحك ...انتي حاولي تضغطي على بطنك على الخفيف بركي بيغير محله البيبي


ولي اجا زوجي وانا ما خلصت شغل برجع كمل كتابة بعدين سلااااام

هاي رجعت كمل رغي ... نور صحي الكراجة بتريح بس صدقيني بلاها احسن هلا ما بقي شي لبنتك وبتمشي ان شاء الله ... بالنسبة للاكل شوفي انا اول ما بيصحى ابني بكونوا اخوانه عم يتجهزوا للمدرسة فما بكون فاضية له بعطيه قطعه بسكويت وبعمل له انينة حليب ..وبعد كام ساعة يا بطعميه صحن من اكل الاطفال البودرة الي بحط له مي بس او احيانا من كل عقلي بعمل له سندويشة جبنة صغيرة وبعطي ياها ... وبعد كام ساعة بياخذ حليب مرة تاني وبنام كام ساعة للعصر ... وبعدها في اكل جاهز بجيبه له فواكه مريئة شي على موز او تفاح او توت ..اي شي بطعميه منه واذا صار ينق يا بعطيه بسكويت يا خبز يا اي شي يسليه ويخليه يحل عني لاني بدي اطبخ ووقت يصير وقت الفطور بعد ما افطر بطعميه صحن من الي بكون طابخته وبشربه عصير ...وبعدها بكون ماشاء الله شبع تمام فما عاد ياخذ شي لوقت النوم بيشرب حليب وبيفيق مرة بالليل ليشرب حليب

يعين باختصار بحاول 4 مرات حليب صبح وعصر ومسا وبالليل و3 وجبات رئيسية فطور وغدا وعشا "بس برمضان صارت فطور وعشا وبعدين غدا " وباقي اليوم بسكويت وخبز وهيك شي

اما على الحكي اي ببربر كتير بس طبعا ما حدا فهمان عليه ..مرة شاف ابوه عم يشرب سوس وطار عقله وصار ينط بالكراجة وما عاد يهدا فقال له ابوه بدك فقال بدي .... مدري شلون طلعت معه هههه ومرة فاق بالليل وصار يبكي بده حليب وصار يقول نيييينة "يعني انينة "

واي صحي طلع سنه التحتاني


مدري شو قصتي عم ارغي كتير اليوم

اخر شي بدي قوله هذا زوجي من غير شر ان شاء الله.. ما رح يفطر يوم الاثنين بالبيت ففكرت اطلب اكل من برا بس ما بدي بيتزا بدي غير عنها شوي ...حدا عنده شي فكرة عن شي محل اطلب منه الاكل على النت ويوصل للبيت

مطعم البيتزا الي بعرفه رووووووعة وبيطلب من النت وبوصل للبيت وعندهم تشيز ستيكز متل مناقيش الجبنة الي متعودين عليها فرد شكل بس عم تنقط زيت ..الي حابب يجربه هو

http://papajohns.com/

بتدخلي على الموقع وبتختاري وين انتي وباي شارع وهو بقول لك اذا في محل جنبك فينو يوصل لك ولا لا

بس ديروا بالكم البيتزا بتاعتهم معظمها فيها خنزير بدكم تختاروا البيتزا الي انتو بتنقوا على كيفكم شو تضيفوا لها مو العروض يلي حاطينها ...وشغلة تانية الحلو الي عندهم متل السينامون رولز بس على شكل بيتزا كمان جربته وطيب كتير

حاجتي خليني قوم كمل شغل قبل لا يجوا الاولاد ...

نسيت اقول لكم في كام شغلة كتبتهم بموضوع ام حاتم الي عن اشياء عجبتني في الاسواق الامريكية ..شوفوهم بركي بريحوكم وقت الطبخ ..... سلام

مرحبا دخلت عرض عليكم

بس حبيت اسئل في احد منكم من ريف دمشق (( قطنا ))او تعرفها

قلت فرصه اسئل في مجلس السوريات

http://www.youtube.com/watch?v=UTn4OIaYiJc&NR=1

مرحبا صبايا كيفكن حبيبات قلبي
إنشالله بخير وكيف الصيامات معكن إنشالله شادين الهمة هالسنة
والله يا بنات مابعرف شبني هالسنة منوب مو حاسه حالي إني برمضان صحيح كل يللي حواليي عم يحاولوا يخلوني حس برمضان بس يمكن لأني لهلأ ماصمت ولا يوم تخيلوا !!!
أولا مشان العملية تانيا الخانم شرفت لعندي من شي 4 إيام وكتير مدايقه ومهمومه بس بضل صبر حالي وقول إنشالله رح أخاد الأجر لأني مرضانه ومو بإيدي وعم حاول ادعي واستغفر وكتر من الذكر بس كمان ماعم حس حالي برمضان مشتهية روح عالجامع وصلي هنيك وحس بجو رمضان بالشارع وبالحارات وبكل مكان بالشام
والله دايقه خلاقي ومالي عرفانه شبدي ساوي!!