هلا عزيزتي الله ييسرلك
بالنسبة للموبايل لازم يكون نظامه gsm حتى يشتغل بالشام وما بظن ينفع إذا كان غير هيك ,,, بمعنى إذا كان من النوع يللي بينحطله شريحة صغيرة ما بعرف إذا فهمتي عليي ,,
الأفضل أنك تستخدمي موبايل من هنيك أسهلك ورخاص وكتااااااااااار حتى يمكن فيكي تستأجري كماااان
أما بالنسبة للوزن ما عندي أي علم اسألي المكتب يللي حجزلك والله يخترلك الخير وييسرلك يا رب ,,,,

سلام للغاليات كيفكن حبيبات قلبي لا تاخذوني صرلي فترة ما عم طل عليكن بس ماكان فيني اكتب بالعربي وهلا فرجت مشي الحال طمنوني عنكن شو اخباركن وكيف رمضان معكن يا بنات بدي انصحكن تشوفو قناة الرسالة ما بعرف اذا بتطلع عالدش ولا لاء وخاصة برنامج النبا العظيم برنامج روعة الله يجزيه الخير يلي عم يقدمو وحاعطيكن موقع القناة عالنت بتبث مباشر اسفة شام بعرف انو ما بيصير حط موقع بس والله كتييير مفيد وحابة كل الينات يشوفو
www.el-khalifa.net
وبيطلع بهالموقع قناة اقرا والجزيرة ودبي الرياضية يمكن بتمنى انو تشوفوه وهلا حرد عليكن وحدة وحدة ان شاء الله
نبدا بمشرفتنا شام كيفك وكيف الشباب الله يسلمهن وبالنسبة لمشكلة الجلي صرت ما خلي ولا معلقة قبل الفطور وبعد الفطور بيبقى عندي الصحون والمعالق والكاسات بقيمهن عااسريع وبرتاح من هالهم والله الجلي ما بيخلص الله يعيننا بس ويعطينا الاجر:3_13_12: وبالنسبة للولاد انا ام دكتاتورية بحط الاكل وبقول هاد الموجود يلي عجبو ياكل ويلي ما عجبو يظل بدون اكل يعني بيكفي طلبات ابو الشباب كمان الصغار بدن ينقو:D وهلا فرحانة عااذان المغرب انو عم يبكر لانو بتعتم الدنيا عابكير فغالبا عا وقت المغرب او بعد شوي ببعت البنات عالنوم وخلصنا

عروس الشام كيفك حبيبتي وشو اخبارك ما عدتي طليتي متل اول رجعيلنا وانسينا بحكياتك الحلوين

هنودة هلا حقلك الحمد لله عاسلامتك بالعربي لانو ماانفش قلبي وقت كتبتلك بالانكليزي يا ستي العربي غير طمنينا عنك ان شاء الله صرتي احسن ولا تزعلي انو ما قدرتي تصومي كان عندك عذر وان شاء الله الله ما بيروحلك ثوابك والله يجزيك الخير عا مواضيعك الحلوة يلي بتتحفينا فيها

نور كيف وكيف البنوتات الله يسلمهن تقبشني هالشام مبينة زعرونة الله يسلمها وكيفها لين بالمدرسة صحي انت بتبعتيها وقت الهلوين ولا شو بتعملي لانو انا عم فكر ماابعتها بهاليوم عالمدرسة

فتاة هلا انت ماشاء الله عندك 4 ولا5 الله يعطيك العافية ويقويك والله بدن ركض الدنيا خليك معنا عاطول منونس فيكي ياحلوة

بطة كيفك حبيبتي طمنينا عنك ان شاء الله خف عليك الوحام واكيد شعور حلو لما حسيتي باول حركة للبيبي ان شاء الله بتقومي بالسلامة انت وكل الحوامل يارب والحمد لله انك غيرتي جو ان شاء الله دائما مبسوطة

هيلين كيفك حبيبتي وشو اخبارك حكيلنا عن جو رمضان بالسعودية وهلا انت بالسعودية فيكي تعملي عمرة امتة ما بدك ولا شلون النظام عنكن

سوسو خانم كيفك ياقلبي والله انا بالنسبة الي ما عم تابع لا باب الحارة ولا غيرو يعني مو تفكرو خزيت العين شي تحفة الله يعفو عنا بس قلت لحالي فيني نزلو بعد رمضان من النت ومع دورة الانكليزي ما عم يزيد وقت معي طمنينا كيفها ماسة ان شاء الله صارت امورها تمام

كليوباترا وينك ما عدتي طليتي علينا بس لا تحكي احداث المسلسل لانو انا بدي شوفو ان شاء الله بعد رمضان طلي علينا دائما وطمنينا عنك

مزون الله ييسرلك سفرتك يارب ويهونها عليكي وادعيلنا بالسفر بيقولو دعاء لبمسافر مستجااااااااب

نايس سميل ما عادت طلت علينا لتكون ولدت ياريت يلي عندو خبر عنها يطمننا عليها

دانية الحمد لله يلي عجبو لجوزك الاكل ومتل ماقالتلك ساجدة انت حببي حالك بالطبخ بتلاقي مافي اسهل منو وياريت تحكيلنا عن القوانين عنكن بالصين بالنسبة لتعلم اللغة السواقة تجمع المسلمين طمنينا عن ابنك شو صار معو مشان العملية ان شاء الله كل خير وان شاء الله بتقومي بالسلامة وبتتحسن نفسيتك

يا بنات زنزون وشام ياذا السيف وعاشقة الحب وسما ما عادو بينو يلي بيعرف عنن شي يطمننا عليهن

واخر شي يا بنات بدي خبركن انو اختي الحمد لله ولدت وجابت بنوتة وانا قاعدة هون ناطف قلبي عاماشوفها الله يعيننا احسن شي لا تنسونا من الدعاء ادعولي انو تخف عصبيتي عا ولادي ويلي عندها طريقة تخفف العصبية تلحقني فيها

في امان الله

اختي كل شنطه زيادة راح تدفعي عليها 150 دولار اذا كان وزنها 50 باوند

هذا في حالت انك راح تسافرين مباشر يعني مش تسافرين الى ولاية ثانية وبعدين تنزلين و تغيرين رحالة ثانية وتطلعين الشناط معاك من رحلة الى رحلة راح يدفعونك عن الاضافيات مرتين
لكن اذا راح تسافرين مباشر ما راح يدفعونك غير مرة وحدة




راح اعطيك طريقة توفرين فيها شوي

كما قلتي مسموح لك شنطتين كل وحدة 50 باوند
ومسموح لك تضيفين 25 باوند فوق ال 50 يعني يصرو 75 باوند وتدفعين الفرقية 25 دولار

يعني اذا اضفتي 25 باوند للشنطه راح تدفين حق فارق الوزن 25 دولار

وبكذا اذا فتحتي شنطه من الاضافيات ووزعتيها على الشنطتين الي مسموحين لك وصارو من 75 باوند راح تدفعين عليهم الثنتين زيادة فرق بالوزن 50 دولار فقط وتوفرين 100 دولار

إن شاء الله ألف مبروك يا لوليا وألف الحمد لله ع سلامتها لأختك وعقبال العايزين وعقبال الحوامل كلهن يقومو بالسلامة هنن ووالبيبي مجبورين الخاطر ,,,
أنا يوم الهالوين السنة الماضية ما بعتتها ,, وطبعا هالسنة ناوية ما أبعتها بإذن الله ،،،

لك اي والله لا يكون نايس سميل ولدت ،،، ساجدة مراسلتنا من بلد ساركوزي الــ.......... شو وينك؟؟؟ خبرينا عنها وطمنينا ,,,

حبيت سلم على هنودة وقلها نور الملف بوجودك من جديد يا حلوة ,,,,

ولمزون إن شاء الله بتروحي وبترجعي بالسلامة وبتقومي بالسلامة انتي والبيبي مجبورة الخاطر ولا تنسينا من دعائك يا حلوة ,,,

هيلين شو أخبارك تسلملي طلات القمر ,,, ما بتوقعك أكبر وحدة أكيد أنا خخخخخخخخخخخخخ لأن صايرة عجوزة الله وكيلك والنفسية بالحمل بتعرفي شو بتكون بقى يعني كبرتلي شي 10 سنين :) ،، انتي قليلنا أديش عمرك ولا يهمك ما رح نحكي لحدا :26:

دانية لك والله كلنا محبوسين مو بس انتي ،، أنا زوجي حتى بالويك إند إذا ما قلتلو امشي نطلع ولا بيطلع مساكين بدهن يرتاحو بيكفي طول الأسبوع ما عم يهدو ,,, وادعيلي جيب أنا ستالايت شنو ناطف قلبي ،، بس الحمد عم تابع قناة الرسالة على الانترنت كتير بحبها ,,, وخصوصا أنها بتذكرني بالكويت ,,,, بكرى ما لي عرفانة شو بدي أطبخ ،، بس اليوم كان عندي شوربة بطاطا وصينية خضرة بالفرن مع الدجاج بصوص الترياكي وجنبهن رز أبيض ،، وكمان فتة مكدوس وما بعرف بكرى شو بيطلع معي أنا مشكلتي بنفس اللحظة بتخطر ببالي الأكلة ,,,,

كيلوباترا وينك يا حلوة شو أخبارك وكيف القطاقيط ؟؟؟ شو صار معك مشان سفرتك ؟؟؟ وبالنسبة للمسلسل لا تقولي أحداثه بدي تابعه بعدين ,,,,

فتاة سورية والله شجعتيني بلش راجع يلي حافظته يا الله شو صاير ما عندي همة لشي الله يعفو عنا ،، وكتير متضايقة لأني عرفانة بعدين ما لح أفضى حك راسي مشان هيك بدي قص شعري خخخخخخخخخخخخخخخخخخخخخخ شنو كتير طولان :) ،، وصحيح عمرو خالد مطلع برنامج كتير حلو على الرسالة نسيت شو اسمه ،،، يا الله شو صايرة نساية بس اتذكره رح اكتبه ,,,

شام وينك ؟؟ قلتلينا في مفاجأة وما عدتي طليتي ،،، شو أخبارك وكيف مع رمضان ؟؟؟ طمنينا عنك وعن الولاد الله يحميهن ,,, وإذا عندك شي بيقوي هالهمة النايمة اقترحيه يا حلوة ,,,, لأن جد كتير مقصرييييييييييييين

ولي شكلي لعيت كتير ولسة ما جبت سيرة الجلي ،،، يللي آخخخخخخخخخخخخخخخخخخخ رح جن منه ما عم يخلص لذلك اخترعت مثل جديد العمر بيخلص والجلي ما بيخلص هههههههههههه
سلام يا حلوات ولا تنسونا من دعائكن
صحيح بنات مين عندها طريقة ظريفة للسوكسيه ؟؟؟ ما بعرف ليش جاية ع بالي هاليومين؟؟؟

آخ يا هنودة قلبت علي المواجع بحكيك عن عمليتك.. احزري شو؟ أنا بس فيق من البنج بتجيني بردية بصيروا سناني يضربوا ببعض بقوة لحتى الغرف التانية بتسمع صوت سناني.. و بيصير حلقي يجعني كأنه مجروح.. و طبعاً ممنوع المي بعد البنج, بدك تنطري شي ساعة لتقدري يا دوب تاخدي شرقة.. فأنا بكل حياتي تبنجت مرتين, بس عن جد ما بتمناها لمخلوق.. يعني العملية كوم و البنج كوم..
الله يقومك بالسلامة.. شلون صرتي هلأ؟ ان شاء الله أحسن..و لا يديق خلقك من قعدة البيت ولا شي.. خلي كل رفقاتك و قرايبينك يجو لعندك كل يوم بعد الفطور يسلوكي.. و على فكرة لاحظت ان الوحدة بعد أي عملية بتصير خلاقها براس مناخيرها.. فإذا بتقومي بتلبسي شي شغلة حلوة و بتمشطي شعرك و بتحطي شوية مكياج ممكن تحسي بتغيير.. سبحان الله عن جد المرأة مفطورة على حب التزين.. انو بس اطلع على حالي بالمراية و شوف حالي متزبطة كل نفسيتي بتختلف.. بتعرفي شو؟ بعد هالمرضة قومي روحي على الصالون و قصي شعرك و اصبغيه.. صدقيني بتنبسطي.. بتحسي انك وحدة جديدة :)

و ان شاء الله رب العالمين يشافيكي ويعافيكي ويرضى عليكي ويرضيكي ويجبر بخاطرك ويبعتلك كل يلي بيسر قلبك وخاطرك :) و بزيد من عندي انو يجمعنا بالجنة على سرر متقابلين مع الأنبياء و الصالحين..

نور الدرب.. تسلميلي يا رب.. يا ستي خلصت من شي 3 عزايم.. بس لسه بدي اعزم أهلي على بيتي.. لأني عزمتهم برا البيت بس لسه ما طبختلهم شي.. بتعرفي الوحدة بتحب تورجي أهلها انو أكلها طيب :) و مشان أكل الصغير.. ما بعرف قديش عمر بنتك بس الهيئة يا 10 يا 11 شهر ما هيك؟؟ أنا رأيي ما تطعميها شي معلب.. المواد الحافظة بالمعلبات بتتراكم بالجسم و على المدى الطويل بتعمل كتير مشاكل.. و بعدين بتلاقي كل الفوائد يللي بالخضرة رايحة من التعليب و الفيتامينات متأكسدة.. مشان هيك عملي متل ما كنت أعمل.. قطعي كوسا و جزر و بطاطا و شوية بصل و لحمة مفرومة و بازاليا و رز و اسلقيهم و بعدين اطحنيهم بالخلاط و خليها هي وجبة الغداء الرئيسية لحد ما تطبق السنة.. بعد السنة أنا صرت طعمي ابني طبخ.. يعني مثلاً بامية و رز, فاصوليا و رز.. و هيك..مشان يصير يحب الطبخ.. و الحمد الله ابني ما بيطيق أكل السوق و روح قلبه الخضرة و الفواكه.. يعني حطي قدامه شوكولا و جزرة, بتلاقيه كب الشوكولا و أكل الجزرة.. لأني من وقت ما كان عمره 4 شهور عودته على الخضرة فطعمتها عششت فيه :)


دانية الحمدلله جوزك حب التسقية :) على قولة جوزي كان لازم أنا اطلع حمصانية..
و يا ستي ليش دايقة خلاقك هالقد.. على الأقل جوزك جنبك.. الله وكيلك أنا ما عم شوف جوزي برمضان.. دوامه بيهوي.. قبل الافطار دوام و بعد الافطار دوام لنص الليل.. و مسكين ما عم يلحق ينام.. هلك من هالدوام..
و مشان الرفقات, ليش ما تشوفي شي جامع قريب و تروحي تصلي التراويح و تتعرفي على النسوان هنيك؟ و مشان ابنك اعمليها منوابة, مرة جوزك بيقعد معه و مرة انتي بتقعدي معه.. أو عملي متل ما شام قالت بموضوعها عن الغربة, جيبي دليل التليفون و شوفي أسماء شكلها سورية دقيلهم.. يعني شوفي العيلة, بتلاقيها عيلة سورية دقي و اتعرفي.. و شكلك انتي أصلاً جريئة يعني هالطريقة بتنفع معك..
و مشان جوزك يساعدك بالمطبخ, اسمعي من هالدقن بلالك ياها.. مرة وحدة جوزي قالي حاعمل مسبحة و ساعدك.. فات وسخ الخلاط و طرش المسبحة بكل المطبخ و السمنة شرشرت هون و هون.. ضليت نظف بعده طول النهار و أنا قول مستحيل خليه يساعدني مرة تانية.. المشكلة ان الرجال طوشة و ما بينتبهوا على التوسيخ.. أنو أنا كل شي بعملوا شوي شوي مشان ما وسخ لحالي..بس الرجال ما بينتبهوا.. فبلالك ياها اسمعني مني.. خليه يحط السفرة.. حده هالشغلة.. و أنا بس بخليه ينتبه على ابنه و أنا بالمطبخ.. ما بدي أكتر من هيك.. يقعد يلعب معه و بس..

فتاة ما شاء الله عليكي.. الله يقويك على هالمسؤولية.. البركة قديش عمر بنتك الكبيرة؟ أكيد بتساعدك باخواتها ما هيك؟ بتذكر كان عمري سبع سنين لما كانت ماما تترك أخي عندي و شربه حليب و غيرله بامبرز.. و كلنوا خالاتي يتركوا ولادهم عندي كمان لأني معروفة اني بهدي الاولاد ماني طايشة يعني و ضغري بيناموا معي..

منتديات, بتصور ما في حدا هون من قطنا.. بس اذا بدك شي معين اسألي يمكن نفيدك..

بطة الله يقومك بالسلامة..
هيلين اذا انت عايشة بالسعودية معناها متل ما قالوا البنات العمرة بالنسبة الك سهلة ما هيك؟؟ بس ما شاء الله عم اتفرج على صلاة المغرب بالحرم.. العجقة أكتر من وقت الحج.. الله يديمها يا رب..

سوسو.. ما انتبهت انو مرقوا عشر تيام الا منك.. يا حسرة على هالعمر كيف عم يركض.. اليوم عم قول لجوزي تخيل حيجي يوم و يطلعوا عظامنا من الأرض و يدرسوها مشان يتعرفوا على حضارتنا متل ما هلأ نحن عم نطلع عظام الفراعنة مثلاً.. هالدنيا مو دايمة لحدا..
و مشان المسلسلات, و الله ما عم شوف شي.. طايش حجر راسي و كرهانة التلفزيون.. يا دوب بسمع نص حلقة باب الحارة و أنا عم اشتغل بيكون جوزي عم يتفرج عليها و بعدين بشوف النص التاني.. و شفت يمكن حلقة وحدة من نعم و لا و داق خلقي لأن وداد الكواري مصختها على قولتهم.. لسه بتعمل عبد العزيز جاسم راس الشر.. شي بيديق الخلق.. و قضية رأي عام شفت بس رجعت البنت يللي اغتصبوها و انقهرت لما امها قالتلها ما تقولي لحدا و البنت صارت تبكي و تقول أنا ما عملت شي.. يعني شفت شي ربع ساعة من هالحلقة و بعدين قلت لحالي ناقصني هم و غم.. و ما عدت شفته..
بس يوم ما طلق أبو عصام مرته ما لقيت حالي غير عم ابكي.. جوزي ارتعب, قالي شو في شو صار.. قلتله انتو الرجال هيك مالكم أمان, الوحدة بتفني حالها و بتتحمل كل عيوبكم و انتو بتبيعوها بثانية.. الله لا يوفق كل واحد بيطلق مرته ظلم..

كليوبترا بلاها, بلا ما تنحرق اعصابنا.. بعدين ما في غيره عم تابعه خلي فيه شوية غموض..

مزون تروحي و ترجعي بالسلامة.. ديري بالك على حالك و طمنينا عنك..

لوليا أول شي مبروك لاختك.. شو سمته؟ بحب جمع أسماء مشان التاني يلاقي اسمه جاهز :) بس على فكرة مدري ليش خارط مشطي اسم تميم.. حاسسته اسم عربي أصيل لأن بنو تميم حكموا الجزيرة العربية.. متل غسونة اسمه عربي قديم و الغساسنة حكموا العراق.. بحب سمي ابني على اسماء ناس كانوا شغلة بزمناتهم :)
و يا ستي انتي أحسن وحدة عم تشوفي برامج دينية.. و الله مدري شلون ما عم يصحلي غير أحياناً شوف على قناة قطر البرنامج الديني بعد الافطار.. و معظم الوقت ما بنتبه شو عم يحكوا و أنا عم اركض ورا غسان مشان يكمل صحنه..