هلا يا صبايا

سامحوني ما بيطلع بإيدي اكتب بالتفصيل متلكم

يخزي العين حولكم وحواليكم ما بدي صيبكم بالعين

عروس تسلميلي إلاهي

الله يجبر بخاطرك ويكرمك ان شاءا لله بأحلى فيلا وبيت بالشام

حلوة هالدعوة مهيك وإن شاءا لله كل البنات اللي معنا

هنودة الحمد لله أنك احسن بإذن المولى بتقومي متل الغزال إن شاء الله
وأنا متلك وصلت للجزء 19 أو 18 ما بتذكر

بس هالسنة مخفسة كنت احسن من هيك بكتير لحق شي 3 ختم

بس الله يتقبل يا رب

دانية يلى ان شاءا لله بتروحي وبتنبسطي إلاهي

بدي قلك في وحدة كاتبة موضوع بتسأل عن الصين يا ريت تجاوبيها
نسيت جيب الرابط معي ومتكسلنة ارجع وجيبه

اليوم عاملة يبرق ....لولولولوولوليش

حاكم الي زماااااااااااااااااااااااااان كتير ما عملته وبهكل هم لفه مع انو كنت كل اسبوعين والتالت بعمل يبرق بس يظهر مليت وزهقت وما عاد لحقت على البيت والولاد

تفضلوا كلوا معنا وعاملة تسقية ببدوة

يا سلام ميتة من جوعي

وعل ىقصة النوم .....آخخخخخ لو بنام عشر تيام متواصلين ما بشبع نوم يمكن

بس شو بدنا نعمل الله يديم العافية يا رب

تسلم ايديك مايا على الرابط كتير حلو ومهم بدي ارجع اقراه

هالكم يوم اللي مضوا أ عمرو خالد حكى عن تربية الاولاد ومعاملتهم وحكى قواعد مهمة جدا واخدنا منه أفكار رهيبة الله يجزيه الخير

ان شاءا لله بجبلكم مقتطفات من المحاضرة

يلى خليني شوف المطبخ اللي قايم قاعد

سلام

مرحبا شامو.. يا ستي بعد ما انحولت لقيتلك موقع جمعية الرخاء.. هدا كنت عم دور عليه من زمان لأن مشروعهم قريب كتير على دمر.. شوفيه و احكمي
http://www.alrakhaa.com/

مرحبا صبايا
فايته سلم عليكن عالسريع لأن قايمة حط السحور ومشغول بالي على هنودة الله يعافيها ويجبر بخاطرها
وبدي سلم على سارة ونجاح نورتوا حبيبات قلبي الله يديم علينا هالجمعة بس مو يصير فيكن متلي الله وكيلكن بكون عم بشتغل بالبيت أو بدي نام بفكر بكل وحدة فيكن وبحاكي حالي وبقول بدي أطمن على فلانة وفلانة مالها بالعادة طول علينا وهيك طوال مالي قاعدة وأنتو ببالي
ونسيت عرفكن عن حالي أنا من الشام من البرامكة ومقيمة بالسعودية من 24سنة
ساجدة الله يبارك فيكي وان شاء الله عقبال عندك وعلى فكرة شوفي موقع درة الشام باين عليه حلو
وان شاء الله ألف مبروك صرتي محررة

شكرا ياهيلين لك تسلميلي يارب كلك ذوق وبالحقيقة هدا اللي صاير فيني على قولة المتل عديم ووقع بسلة تين طول النهار فاتحة على الموق كل ما أخدت بريك من الشغل بفتفقد..ههههههههه
بس يبدو لسا ماصار لي شعبية
قال ماصار لي بالقصر غير مبارح العصر بس مع هيك حاسة حالي بعرفكم من زمان وشكرا على الملاحظة يا عروس محسوبتك قول مرة بتشارك بمنتدى وأنت باين عليك خبيرةأما شو حضرت اليوم أكل هلكت طول النهار بالمطبخ جوزي مابيمشي الحال معه كيف ماكان
شوفواوزعلوا علي عملت خبز على أيدي قال جوزي بيحب الخبز برمضان من تحت دياتي
والله وكيلكم قبل سنة ونصف كنت ما
أعرف قلي بيضين متل العالم والخلق ياما حرقت أكل وكبيتوا أو طلع مالو مستوي أو طلع منظروا الله أعلم شو
وهلأ خزيت العين في تطور
نكمل الليستا شوربة مغربية طيبة مممم
وعملت طبق ستيك كريكرة نقلته من الموقع بس ولي علي شو بياخد شغل ماعاد عيده بإذن الله مع بطاطا بيوريه وهي الرابط للي بتحب تشوفه
http://forum.hawaaworld.com/showthread.php?t=742970#Scene_1
وعملت رز بالربيان وسلطة فرنسية
وسلطة مشوية
وطبق حلو الباف باستري بالجوز والتفاح والقرفة والبسكويت
أي هلكت الله العليم
وفوق منها بنتي الله يسلمها عم تفعي بين أيدي
ولك وصدقوني ليكوا الأكل قاعد بوشي مالي عارفة وين بدي روح فيه
ادعولي الله يهديلي جوزي
وعلى كل حرام مو دائما هو هيك بس برمضان
بغير رمضان بحضر الأكل مرتين باليوم بس صنف واحد مع سلطة أو شوربة
والله كترت حكي سامحوني
أختي قالتلي لك شو صايرلك صفيانة ماعندك سيرة غير الأكل والله ماكنت هيك
لك أيه سقى الله أياما
لكن الحمد لله منظمة وقتي وبحاول كل وقت صلاة بفضي حالي حتى لو كنت مشغولة بترك كل شي وبروح على القرآن أو أسمع لي شي كلمتين عن اللله ..الله يعفو عنا ويسامحنا ويبارك لنا بوقتنا وبأزواجنا وذرياتنا
وشو كمان
حاجتكم وهي النعس كبس على راسي رح قلكم سلام صباح الخير وتصبحوا على خير حاكم بعرف كل مين بديرة
نحنا هلأ عنا 2 ونصف صباحا
سلامات للحلوين

السلام عليكم ياحلوات كيف الأخبار اليوم طمنونا واقترحوا علي شي إفطار خفيف والله طقيت من الرز والفريكة واللحوم كل يوم على بالي أعمل أطباق خفيفة اليوم بانتظار افكاركم حبيباتي