مرحبا عروس
اولا حبيبتي لا تزعلي من زوجك او تتدايقي من غيرته عليك والله هالايام الواحد ما يامن لرموش عيونه الدنيا صايره بتخوف وماعد في امان متل اول وياستي هي دلاله انه بحبك ان شاء الله ع طول يارب بالسعاده والهنا
ثانيا بجوز لان انت غربتك ببلد عربي وخصوصا بالخليج وما تغير عليك كتير الجو بين لما كنت عند اهلك وبعد الزواج فما نك حاسه بهالاختلاف
بينما انا طفولتي بالرياض ومراهقتي بحماه وشبابي وبجوز شيبتي بتركيا فاختلفت عليي كتير امور وعادات وبجد واجهت شغلات كانت نقط تحول بحياتي واحيانا وقف فاتحه تمي من بعض شغلات شفتها وقول معقول في هيك شي بهالدنيا
والله المستعان على كل حال

صباح الخير بنات كيفكن ان شاء الله تمام شام الحمد لله عاسلامتك يا حلوة وبالنسبة الي انا مسجلة كورس بمعهد مو جامعة او كوليج فما بنعمل فحوص اصلا لانو هلا الانسة بس عم تعطينا النكشات الصغيرة بالغرامر ونكشات التوفل وممكن نعمل برزنتيشن بس مو اكتر من هيل لافي وظايف ولاهم يحزنون ونصيحة لا تمسكي المترجم وخاصة اذا عربي انكليزي لانو ما حيفيدك بالعكس بيضيعلك وقتك اذا خليتي المترجم انكليزي انكليزي بتستفادي كتير ولا تزعلي ولا على بالك 75 منيحة وهاد اول فحص الك باللغة بكرى بتصيري متازة ان شاء الله ومشان الولاد طولي بالك ما حقدر انصحك خاصة انا صايرة عصبية كتييييييييييير وعم جن عليهن الله يسامحني


عروس ولا يهمك حبيبتي انت كم سنة صرلك متجوزة؟3 اظن فبدك تستني شي سنتين تانيات لحتى تخف الغيرة تخيلي انا جوزي اول ما تجوزنا بدو يحططني نقاب بهالبلاد قال العالم عم تطلع عليي قلتلو منشان الله تركو العالم الشالحين بالزلط ولحقوني انا ما عندي مشكلة كان ممكن حطو بس مو بهالبلد لانو بدي صير ملفتة اكتر والله يعفو عنا وبعدين انت ست العارفين اهل الخليج اديش بيحبو السوريات وخاصة اذا بيضا فبالعكس افرحي انو جوك بيخاف عليكي وشوي شوي بتلاقيها خفت لك اهلين ب احلى مايا

بطة كيفك حبيتي وكيف حملك ومعك حق الغربة قلبتلي شخصيتي قلب كنت اذا حدا سلم عليي من النسوان او اذا اول مرة بعرف شي بنت وشي يصير احمر متل الدم من الحيا وماعاد اعرف احكي تعي شوفيني هلا لازلت بستحي بس مفرودة مية طاق وبعرف اهل وسهل هاد غير الشغلات يلي شفتها والتوئ بوجود هيك ناس بهالدنيا الله بيعين

زنزون الف الحمد لله عاسلامتك خبرينا كيف كانت سفرتك ان شاء الله انبسطي هنيك


باقي البنات ملتهيين ما شاء الله بالعشر الاخير الله يتقبل منا ومنكن يارب سامحوني بس بدي قوم حضر السحور

أهلين بنات
شام الله يعافيكي وتطلعي من الأوائل
لوليا وبطة بالنسبة إلي أنا من رأي وعروس الغربة خلتني قليلة خبرة اجتماعيا نسيت المجاملات من الحبسة بالبيت والقعدة فترات طويلة لحالي وقلة الخلطة مع الناس أهلي لاحظوا هالشي وقالوا لي شو صرلك نسيانة الحكي وحتى الشرا والمفاصلة نزعوكي هالأجانب ههههههههههه
بطة ودانية وساجدةوهيلين وسما ونور وآية وزنزون ومزون وفتاة وهنودة الشطورة--كمان أناغيرت الاسم معش هههههههههه--ولكل البنات اللي وقعت اسمائهم سهوا لموا أسماؤكم الله يرضى عليكم وتعالوا شاركونا هههههههههه

اهلا يا بنات
انا داخله اشكر هنوده الحبوبه ( اسم علي مسمي)
ميرسي يا قلبو علي كلامك الجميل و انا كمان اشتقتيليك كتير و يعلم الله اني احبك فيه
انا رديت علي الاخت اللي قلتيلي علي موضوعها و ان شاء الله اساعدها علي اد ما اقدر
صحيح هي شام فين مختفيه بقالها فتره لو بتجي عندكم سلمولي عليها لاني اشتقتيليها كتييير
كل عام و انتوا بخير
اختك رانيا

مرحبا صبايا كيفكن حبيباتي
إنشالله بتقبشوني وحده وحده إلاهي
كيف همتكن حبيباتي بالعشر الأخير ،، الله يتقبل من الجميع

حبيبة قلبي الزهرة الأسبانية كيفك حبيبتي إنشالله بخير ( أحبك الذي أحببتي لأجله ) وأنا كمان كتير بحبك الله يرضى عليك وتسلمي لأنك رديتي عالبنت ( الله يجزيك ألف خير)
وإن شالله كل سنة وأنت بألف خير

شامو الله يشافيك ويعافيك حبيبة قلبي ديري بالك على حالك حبيبتي
ولا تدايقي مشان الدراسة إنشالله بكرة بتصيري الأولى ،، الله يقويك ويجبر بخاطرك

مايا يا أحلى مايا ما شالله حولك وحواليك ملاحقه عالكل والله أنت أشطر وحده فينا الله يباركلك يارب
كيفو غسون أفندي يقبش قلبي إلاهي شو حباب ،، لكن عم يحكي عالتليفون مع خالته أي إنشالله الله يباركلك فيه وتشوفيه شب مشورب

لوليا حبيبتي كيفك ياعمري وكيفن بناتك الله يحميهن ،، تسلمي لأنك طمنتينا على نوارة والله كتير استفقدتلها لهبنت الحلال
سلملينا عليها أمانه وقليلها هنوده بتقلك كتير اشتاقتلك ،، الله يفرحنا بقيامها سالمة

دندونه حبيبتي وينك ولدتي ولا لساتك ماكنه،، أي إنشالله ربي يهونها عليك أنت ونايس وتقوموا بالسلامة مجبورين القلب والخاطر

شاي حبيبتي يا مية أهلين والله ،، ولايهمك الشطورة ،، الحبوبه ،، الأموره كلو متل بعضو
الله يجبر بخاطركن إلاهي
طمنينا عنك حبيبتي كيف صرتي هلأ ؟؟ أي ربي يبعتلك كل يللي بيسر قلبك وخاطرك ويبعد عنك كل الهموم والأحزان

بطوط الحبابه كيفك ياعمري وكيف صايره صحتك هلأ ؟؟ الله يهون عليك ويكتبلك التمام علخير
كيف صاير الجو عندكن ؟؟ صحي أنت وين بتركيا

باقي البنات الحبابات كيفكن حبيبات قلبي مزون و هلين وفتاة وسوسو وسما وأيوش وزنزون وميس وسارة ونجاح ومين كمان ؟؟ممممممممم
ماعم أتذكر إن شالله ماكون نسيت حدا وإذا نسيت مشان الله ما تواخذوني ،، ما شالله حولكن كترانين