أهل اأخواتي

الله يجزيكم الخير على دعواتكم ....

الحمد لله تحسنت كتير بعد ما أخدت تامي فلو ...... دواء الفلو عنا .....

لكن كانت فلو غير شكل يا رب يجيرنا ما صفي فيني شي إلا شكيت منه

الحمد لله على العافية والله يجزيكم الخير يا رب


مامازوزو أهلا وسهلا فيكي ......

اللبن تبع الكوسا واللبنية هو اللبن العادي اللي منشربه يعني لا هو الزبادي السميك ولا اللبنة اللي مناكلها بالخبزة ...اللبن العادي المريق شوي

ويكون دسم او بلا دسم يعني ما بتفرق

انا من امريكا بساويه على ايدي يعني انا بروب اللبن لأن لبن امريكا مو طيب إلا إذا جبتيه من المحلات العربي ...... اسمه لبن .....يعني ماله اسم معين

أما طريقة الكوسا واللبنية فهي بدها قعدة طويلة

طيب طريقة الكوسا بلبن سهلة ما بدها شغل كتير

جيبي كوسا عربي صغير

احفريه نص حفرة يعني مو متل الكوسا المحشي ينحفر كامل لا نص حفر

بعدين بتكوني قليت لحمة ناعمة مع سمنة
بتحشي اللحمة بقلب هالكوسايات وبعدين بتقليهم بطنجرة مع شوية سمنة او زيت او زبدة ما بتفرق

وبس لينقلوا شوي صغيرة بتحكي مي للطنجرة وملح لحتى يستوي الكوسا .وبياخدله شي ربع ساعة

وبس ليستووا صفيهم من المرقة وحطيهم على جنب ....

بنجي للبن ......

بتجيبي طنجرة وبتحكي فوقها مصفاة منخل سلك عرفتيها هي ناعمة كتير كتير ومنستعملها لغسيل البقدونس

المهم بتجيبي اللبن وبتحطيهم فوق المصفاية وبتحركي بقوم اللبن بينزل على الطنجرة من تحت وبس لتخلص المقدار اللي بدك ياه بتجيبي نشاء وبتخلطيه مع شوية مي وبس ليدوب نزليهم فوق اللبنات بالطنجرة .....

وخلص قيمي المصفاية وحطي الطنجرة على النار وحركي اللبن على نار وسط وحركي باتجاه واحد يعني مع عقارب الساعة بس مو ساعة يمين وساعة شمال بينتزع اللبن

وطبعا حطيله ملح بس ما تكتري لأن الكوسا فيه ملح

وبس ليقرب يغلي نوصي الغاز لو كان قوي على الوسط وحطي الكوسا فوقهم واتركيهم على النار شي عشر دقائق وخلص
اسكبيهم بجاط كبير وقدميهم مع رز مفلفل مع شعيرية

يميميميميم

هي أكلتي المفضلة
وللأسف ما عندي كوسا عربي

الكوسا الأميركي مو طيب بنوب فيها

إذا عندك اي سؤال لا تترددي

السلام عليكم بنات سوريه القمامير الله يجمعكم دوم على الخير يارب بس حبيت اسلم عليكم اختكم من مصر

كلابيزووووووو

شام
الله يسعدك ويهنيك
مشكوره عالاجابه لان جاي على بالي اكل هالاكلتين
والحمد لله في كوسه في المحل العربي وطيبه كثير
وبالنسبه للبن يمكن اعملها بايدي اذا تقولي ان الي بالمحلات موطيبه
لاني ردت نوعيتها بالمحلات وانتي تقولي موطيبه
اجرب واذا بدك شوي اعملي انتي وابعثيلي على عنواني


تمنياتي لكم بالموفقيه بموضوعكم

يا بنات حبيت سلم عليكم وودعكم لاني مسافرة باذن الله عالشام بكرة الضهر ويمكن ما يصحلي افتح النت من هونيك امانة تدعولي اوصل بالسلامة واولد بالسلامة .................لا تنسو تدعولي ............وببقى بس ارجع ان شاء الله بتواصل معكم سلام

السلام عليكم يا بنات

شام...الحمدلله على سلامتك إنتي و الأولاد و ما تشوفو شر أن شاء الله
و بتصدقي شهيتيني عالكوسا بلبن بس متل ما حكيتي الكوسا مو طيبة هون..يلا ربك بيعين

هنودة الحبوبة...يا ستي بتشرفي ميت أهلا و سهلا فيك..معك حق فرنسا بتجنن ما عليها كلام يعني عندهم خضار و مناظر طبيعية سبحان الخلآق..عند جد كل ما بنطلع بالصيف سياحة على شي منطقة بفرنسا ما بتتخيلي اديش بنبسط عالمناظر و الرتابة اللي بهالبلاد..و فعلا إذا بيصحلك تجي إجازة بتكون احلى رحلة بإذن الله لأنو في أماكن رائعة خرج تزوريها و باريس لحالها بدها 3 أيام لتشبعي منها أنا صرت رايحتلها 3 مرات و حاسة حالي ما شفتها منيح
يلا شدي حيلك خلينا نشوفك عنا قبل ما نرجع على سورية و بإذن الله بحطك بعيوني

اية 2006 ....ان شاء الله بتوصلي بالسلامة و بتنبسطي و ديري بالك على حالك و ان شاء الله نسمع أخبارك و إنتي بأحسن حال