أهلا يا بنات

كل عام وانتو بخير إن شاءا لله

وكل عام ونحن إل ىالله أقرب

أهلا وسهلا يا نور والله نورتينا واشتقنالك يا بنت الحلال

شلونها شام خانم ان شاءا لله ما عم تعزبك ؟؟؟؟

ديري بالك عليها ايوه .....

الله يسلمها هيو اخواتها

هنودة ولوليا ونايس سميل وساجدة والجميع الله يسلمكم ويحفظكم

الحمد لله على كل حال

مرحبا حبيباتي شو وينكن ما حدا بين لهلأ غير lollia وشام !!
كيفك lollia وشو أخبارك حبابه
يلا بلشي أنت بهالموضوع ودغري حتلاقيني عم شاركك فيه
صحيح بنات شو رأيكن نحفظلنا شي سورة من القرآن مع بعض مشان تكون جمعتنا فيها بركه من رب العالمين ولتكن سورة هود شو رأيكن خبروني أنا بالإنتظار
شام حبيبتي تسلمي يارب طمنينا كيف صاروا ولادك الله يحميلك ياهن يارب
بطـــــــه الغالية اشتقنالك وحابين نطمن عليك وعلى أخبارك إذا صحلك طمنينا عنك
هليـــــن وينك يا حبابه انشالله هالغيبه ماتطووول!!
مزون والمزه ونايس سمايل وساجده وباقي البنات حبيت سلم عليكن وقلكن لا تنسوني بدعائكن
يلا بخاطركن :) :)

اهلين هنودة انا موافقة معك بالنسبة للحفظ واقترحت انو كل وحدة تحفظ من السورة يلي بدها ياها انا بالنسبة الي بدي كمل ممن عند ال عمران ان شاء ةاديش بدك تحفظي كل يوم خبريني خلينا نعمل جدول مع بعض

أهلين فيك lolia خلص حبيبتي ماشي الحال إنشالله ناويه احفظ كل يوم وجه من الصفحة واليوم التاني براجعه وهكذا ليتثبت الحفظ عندي لأنو الله وكيلك مالي عرفانه شو صايبني عم انسى بطريقه كتير غريبة
وباقي البنات وينكن ماسمعنا رأيكن؟؟

مرحبا صبابا اشتقت لكم كتير ........
انقطعت عنكم لاني والله مكربة وحالتي حالة كريبو تعب وكلو كوم والسعلة كوم تاني ولاء منشان تكمل معي زوجي وبنتي نفس الحالة نحنا التلاتة مكربين ......
دعواتكم وباذن الله متى ما اتحسنت برجع لكم ........
وفتاة منشان اللولب هي دكتورتك مجنونة اللولب عندهن حرام اما العلاقات قبل الزواج حلال 100% احسن لك تدوري على غيرها والله يساعدك مع الاولاد والبرد ....
سلام وادعوا لنا ...