السلام عليكم
كيفكن يا أحلى بنات
لك والله اتفرفح قلبي برجعتكن اه هيك ضلكن عم تطمنونا عنكن ربي يبعتلكن كل يلي يسر قلبكن وخاطركن
أنا عمري ضاع الله يسرلك أمرك ويصلحلك حالك والله انشغل بالي عليكي يا قلبي
حبيبتي ضلك عم تدعي وتصلي صلاة قضاء الحاجة ورب العالمين يروقلك بالك ويصلحلك كل أحوالك
حبيبة في دعاء كتير رائع وبحسه عن جد بفضل رب العالمين بيسر كتير من أموري ووقت كون بمشكله كبيره بدعيه وأنا عندي يقين إنو رب العالمين رح يفرج فيه همي وعن جد ما بلاقي حالي إلا خلصت المشكله وراق بالي
(يا ودود يا ودود يا ذا العرش المجيد يا مبدئ يا معيد يا فعالا لما تريد أسألك بنور وجهك الذي ملأ أركان عرشك وأسألك بقدرتك التي قدرت بها على جميع خلقك وأسالك برحمتك التي وسعت كل شئ لا إله إلا أنت يا مغيث أغثني)
وفي كمان دعاء كتير بحبه ورائع كتير عن جد ( اللهم سخر لي قلوب من أحوجتني إليهم كما سخرت فرعون لموسى وألن لي قلوبهم كما ألنت الحديد لداود فإنهم لا يعطفون إلا إليك ونواصيهم بين يديك اللهم إقلب سمعهم وبصرهم لما فيه صلاح أمري اللهم إني أجعلك في نحورهم وأعوذ بك من شرورهم)
وهدا الدعاء بقوله خصوصي وقت بحس إنو حدا رايد فيني شر أو سوء
ويارب رب العالمين يفرج همك ويريحلك بالك
بنات تقبشو قلبي شوبتضلكن مذوقين وبضلكن تخجلوني بحكياتكن
شام تسلمي لقلبي على هالدعوة أنت وكل البنات الحبابات ويسلمووو ايديك عاليبرق والله صرلي زمان مشتهيته
مزون الله يعينك وييسرلك حفظ كتابه الكريم ويسعدلك قلبك ويرضى عنك ويرضيك
زنزون مية أهلا وسهلا فيكي نور الموضوع برجعتك لألنا إنت وعاشقة ربي يديم المحبة والألفه بيناتنا ونضل دائما مجتمعين عمحبته ورضاه
ساجدة ربي يسعدلي قلبك ويقومك بالسلامة مجبورة القلب والخاطر
نايس سمايل تسلمي لقلبي يا حق إنشالله رح دور عهالكتاب واشتريه
HELEN ما شالله حبيبتي .. الله يكتبلنا حفظ كتابه اه والله القرآن إذا ما راجعتي أول بأول دغري بينتسى سبحان الله.. بتعرفي سبحان الله سمعانه أنو أحسن طريقة لتثبيت الحفظ إنك تراجعيه بقيام الليل وهي الطريقة السحرية لتثبيت الحفظ رب العالمين يعيننا على حفظه والعمل به على الوجه الذي يرضي رب العالمين عننا
نور الدرب تسلميلي حبيبتي والله .. كيفك يا قلبي وكيفن بناتك الحلوين الله يحميلك ياهن يا حق
باقي البنات الله ييسرلكن أمركن ويسعدلكن قلبكن .. سامحوني طولت عليكن و تحياتي لكل البنات اللي ذكرتن واللي ما ذكرتكن
لا تنسوني حبيباتي بصالح الدعاء .. يلا الله معكن

الله لا يحرمني منك هنودة جزاك الله كل الخير يارب في بنات جداد علي بسلم عليهم كلهم وان شاء الله دايما بسمع عنكم كل الاخبار الحلوة سلامات

هلأ قريت ردودكم بنات والله دمعت عيوني خففتو عني الغربة والمعاناة شوي الله لا يحرمني منكم يارب حسيت انكم اهتميتو لامري وخفتو علي انا واثقة بان ربي حيفرجها علي يارب عاجلا غير اجلا ساجدة انا متزوجة من 3سنوات و4شهور انا وزوجي اخدين بعض عن حب بس بعد الزواج اكتشفت شغلات كتير الله لا يجعلنا من النادمين يارب زوجي طيب وبيحبني وبحبه بس اولا اهله بالدرجة الاولى ومزودها بكتير امور وكمان الله يهديه طائش بتصرفاته بيحب المظاهر احيانا بحس ان عنده جنون العظمة الله يهديه ويعقله ويركزه هو حاسس بغلطه ومبارح بالذات قلي انا صار عندي همين بدل هم واحد وهو ان يقضي دينه وان يقدر يسعدني بيقول انه بده يعوضني انا والاولاد ووووو يارب تريح بالنا يارب بس بصراحة انا حاسة ان في شي غلط بحياتنا يلي مخلي هالهم والتعب والله ماشفت يوم حلو من لما كان عمري 13 سنة منذ تعرفت عليه هو جارنا ومشان مايصير كذب يمكن ايام معدودة للسعادة المهم انا وهو حبينا بعض وانخطبنا سنتين وقبل العرس بشوي تطلقنا لانه كتاب محكمة عمل العمايل ليرجع بس اهلي غصبوني ورفضوه اهله بالعند زوجوه خطبوله بسرعة وبعد شهر زوجوه مع اخوه بنفس اليوم ماحبها وماعاملها كويس وهي من القهر كلمتني وقال شو عاملة فيه ساحرتيه بيحبك وبيناديني باسمك وووو حتى انه مادخل عليها لبعد 6شهور بعد ماقالت لاهلها وفضحته وهو كان رافض واهله اجبروه ان يدخل عليها مشان متطلع عليه سمعة انه مريض وجابوله مقويات وفعلا دخل عليها ووداها لبيت اهلها بس طلعت حامل اه على هديك الايام شو صعبة كان بوقتها عم يحاكيني ويقلي انه ماقدر يعيش بدوني وووو طلقها وسافر وبقينا على اتصال مع بعض هي ولدت وماشاف ابنه الى الان صار عمره 4سنوات ونصف ومابيعرفه اكيد بتقولو شو ذنب الولد بقلكم بعرف صحيح نار الغيرة بتكويني بس بيضل ابنه وقلنله كتير بس مو راضي او بيقولي مو فاضي او بكرة بس يكبر مرجوعه لي وووو المهم بعد ماتركت دراستي ومشاكل مع اهلي وحاولت الانتحار اهلي وافقو ورجعنا لبعض وتزوجنا وسافرت معه بس للاسف كنت مفكرة اني ملكت الدنيا لاني تزوجته بس تعذبت كتير كتير واكتشفت ان اهلي عندهم حق مازلت احبه ومابدي غير اني حس معه بالامان الاستقرار وراحة البال خصوصا عندي منه بنت وولد كتير بتمنى ان ابنه يربى مع اولادي بس لا حياة لمن تنادي حتى اهله مابيعرفوه ومبردين قلبهم مشان هيك خايفة يكون ربنا عم يعاقبنا حياتنا كلها مقلوبة وانا كتير تعبانة الله يصلح الحال يارب وتكون الامور احسن من هيك قريبا يارب طولت عليكم بنات اعذروني وادعولي ان الله يعوضني عن كل الايام يلي راحت يارب وسلام

سلامات بنات اشتقتلك كتير بس ما تواخذوني واله كنت مشغولةكتير بس عم حاول كل يوم فوت اطمن عليكم ساجدة شو منشان حطيتي ايديك على الجرح يا ستي ابني كان عيد ميلاده على 1 شباط ومتل ماعم تقولي تمام مافي غير ي انا وابوه لك ولا حتى ولد ولا حدا بالمرة والله قلبي من جوا اتقطع عليه بس شو بدي ساوي حاولت حسسه انو عيد ميلاده يعني جيبتله كيكة وحطتلوه عليها شغلات هو بيحبها ونفختلوه بالونات يعني شو بعرفني حاولت قد ما يقدر اه هيك الغربة مافي حدا لحدا لا نحن اصلا ما عنا حدا هههههههه ستي الحمد لله ان شاء الله بتفرحي ببنتك وبتقومي بالسلامة بقية البنات شام تسلمي لقلبي شو بحب حكياتك الله يخليك ولادك ولا يضيعلك تعب انتي وباع اللعب ههههههههه عجبتني هي مزون كيفك حبيبتي لا تشكيلي على الاكتئاب لابكيلك يلا شو رايك نشجع بعض ونبلش انا بلشت بسورة البقرة رد رجع الكسل الله يهدينا يا رب ويقوينا على طاعته بس بتعرفي شو انا هالايام جاي كل المل على الرياضة يعني لقيت حالي مافي غير عم اكول واسمن قلت لحالي خلص ما عاد بدها القصة صرت كل ما يديق خلقي العب رياضة بس عن جد حسيت حالي فرقت نفسيا وجسديا جربي تساوي هيك وادعيلي ...الحمد لله على سلامتكم زنزون وعاشقة والبقية هيلين ونايس وهنودةالحبوبة زان شاء الله ما كون نسيت حدا سلامات وان شاء الله تكونوا كله بخير وانا عمري ضاع الله يفرج همك وييسرلك امورك لا تواخذوني طولت عليكم ادعولنا

بنات ما تواخذوني على الاغلاط بس على السرعة وعلى نق ابني قوق راسي هاد يلي طلع معي ههههههه