مرحبا صبايا كيفكن جميعا هنودة وساجدة وشام وووو الكل طمنوني عنكم انا بخير وشوي شوي عم جيب شغلات للشقة الجديدة يلي هي بالنسبة لي حلم مبارح جبت غرفة النوم واليوم عم اعمل رخام المطبخ شغلة شغلة وكله بده مصاري بس مشان ظروف زوجي هي شقة بالايجار بس فاضية نحنا بدنا نجيب كل شي يارب اخلص وانتقل بسرعة والله مليت صرلي منتظرة هالشي يصير اكتر من سنة خصوصا ان الشقة يلي قاعدة فيها كبيرة ووسخة وقديمة ومقرفة وووو اه شو بكرهها على قد مالي كرهانتا مااعمل شي بالبيت جبت شغالة حتى الطبخ كرهته وان شاء الله بس انتقل للشقة الجديدة النظيفة الرايقة بدي غير كل شي بحياتي بدي نظم حياتي واشتغل بيدي على الاقل فرش جديد وبيت جديد يارب تجبر بخاطري وانتقل بأقرب وقت اه من المصاري دايما بتعمل مشاكل لان كل شي بالمصاري بيصير الله يعين يارب ويفرجها امين ادعولي عقبال ما اشتري بيت العمر بالشام ويكون ملك الملك لله يارب سلام حبوبات صحيح شو صار بأسمي الجديد:09:

أهلين يا بنات

بس رد عل ىالسريع للعزيزة أنا عمري ضاع ....

كلامك الاخير ذكرني بقصة السكن المشنططة فيك تقولي مو بس أنا إلا أكثر المغتربات

يتصدقي صرلنا أكتر من سبع سنين ونحنا من شقة لشقة من شقة لشقة
صرت ناقلة أكتر من خمس مرات وكل مرة بتطلع الشقة شكل وبدك تنظفيها من أول وجديد وطبعا ما كنا نفرش زياد يا دوب صوفايتين أعدة وتخوت مشان النوم وكم صحن وطنجرة وكم كتاب .....زز

يعني ما نكتر غراض مشان مالنا عرفانين أراضينا رح تكون فين
ومع هيك كنا نتعذب كتير بالنقلة ونحس عنا مليون غرض

فإذا شقتك عاملتك عامل نفسي فما تحطي ببالك ول اتعلقي راحتك عل ىالشقة الجديدة هي نصيحتي إلك مشان ما تتعبي

أنا لهلأ ما عرفت الإستقرار وما عرفت لهلأ جيب غراضي اللي بدي ياهم لأن مالنا مستقرين

وبعرف تمام شعور الواحد لأن كلنا منحب الإستقرار وتكون عنا غراضنا اللي منحبها وبيتنا على كيفنا وووو ........الخ

لكن بصراحة أنو نعيش بأحلامنا وننتظر ننبسط لحتى تتحقق صعب كتير ومتعب

خلينا ننبسط باللي نحنا فيه

يعني شقتك لو ما عاجبتك جيبي شي وحدة تنظفلك ياها وتنفضها وانت كمان اعمليلها وشين دهان على الماشي يعني حاولي تحسنيها لحتى ترتاح نفسيتك إل اإذا كانت نقلتك قريبة

الله يفوقك وييسرلك ......

وباقي البنات سامحوني ما جاوبت على أسئلتكم لأني مستعجلة متل الصاروخ

باركولنا الأسبوع الجاية رح تصير الحرارة صفر يعني هنصيف الحمد لله

الله يكون بالعون

مشان اسمك عمري ضاع والله مخي مسكر على الآخير

خلص رح فكرلك بشي واحد وأنت كمان الله يرضى عليك

أنت بتعرفي حالك شو بتحبي وشو لازم يكون اسمك

كيفكن حبيباتي حبيت سلم عالسريع
أنا عمري ضاع الله يهني قلبك ويفرجها عليك وعكل إمة محمد
وإنشالله يكون البيت الجديد بيت هنا عليكن... شام حبيبتي الله يعينكن عهالجو !!
يلا حبيباتي ماحطول الله معكن كلياتكن

هلا حبايبي كيفكون بالنسبة للاسم ممكن الامل بالله او المتوكلة على الله او انا كلي امل او المتفائلة يعني شي يحسسني بالتفاؤل مابعرف فكرو معي سلام

سلام ليش يا بنوتات ما عجبكن الاسم يلي فكرت فيه لاختنا عمري ضاع (حليت ايامي بجمعتكن)
الاسماء يلي اخترتيها ياعمري التقى(وحدة عم تنكت بهالصبح) كمان كتير حلوة بس بتخيل غالبيتها موجود بالمنتدى فبقى بدك تضيفيلها شي رقم او شي شغلة