الله يبارك فيكم يارب والله لما دخلت وشفت الاسم طار عقلي حسيت بالفرحة بالامل بالتفائل شكرا الك شام لان انت اول من قال لي غيري اسمك شكرا لكم جميعا والله لا يحرمني من هالجمعة الحلوة يارب ويارب تكون كل ايامنا حلوة يارب ويبعد عنا الهم والحزن اميييييييييين سلام

ألف مبروك عالاسم بكرى أحلى وانبسطت كتير أنو عجبك وإن شاء الله بيأثر إيجابيا على نفسيتك
نايس سمايل القلب عالقلب المهم أنو الاسم عجبها
المزة طمنينا عنك سلامة راسك ريحي بالك ولاتفكري كتير بترتاحي

هلا بكرا أحلى و مبروك ع الاسم الجديد ، أن شاء الله أيامك تكون كلها فرح وسرور .

كيفكن بنات ، حبيت بس طل و سلم عليكن

أهلين بأحلى صبايا
كيفكن حبيباتي والله عم اكتبلكن وأنا فايته بالحيط معجوقه بالشغل كتير كتير
بكرى أحلى مبروك الإسم الجديد والحمدلله إنو عجبك ربي يجعك إيامك الجايه كلها أحلى وأحلى
وإنتو كمان حبيباتي ربي يجعل إيامكن كلها أحلى ..
المزه سلامة قلبك ماعقلبك شر إنشالله ديري بالك عحالك وإنشالله معافيه

مرحبا يا بنات

كيفكن وكيف هالتلجات معكن

يا الله صرلنا شهر ما انقطع التلج

الله يكون بالعون

برندتي رح تخفس من كتر التلج اللي فيها
صاروا شي نص متر

هادا غير السبات الشتوي لا طلعة ولا فوتة

الله يكون بالعون

بكرة أحلى ان شاء الله مبارك وان شاء الله فاتحة خير عليك ول اشكر على واجب

بنات بدي اسألكم

كلما بشوف مسلسل سوري قلبي بينطف نطف عل ىالشام ....

مع انه بكون بكون المسلسل عادي لكن أنا بشدني شوفة البيوت هنيك وكيف الأم عم تغلي هالقهوة وكيف هي عم تروح على المدرسة
وكيف طريقة حكيهم وكذا
يعني بصير بتخيل حالي ببيت أهلي هنيك وبصير بفكر طول الوقت بهالتفكير

نبارح كنت قلب الدش بالصدفة شفت مسلسل ندى الأيام
سوري وفكرته بتجيب الإكتئاب يعني كل يوم قصة ونهايتها حزينة

بس أنا شفت الزوجة عم تلبس وتتغندر وتزور امها وبيتها حلو ما شاءا لله يا الله

كتير اشتهيت انزل على الشام ويصرلي بيت هنيك وعيش هنيك
وخصوصا لما بتخيل حالي قاعدة ببتي هنيك وصوت زقزقة العصافير وقت الضحى وبياع الغاز عم ينقر وزمامير السيارات
وضوجة الأتوستراد
يعني كنا مننزعج منها بس والله طعمها حلو ..زأحلى من هالسكون والصمت اللي هون


حتى حسيت حالي أني لما بكون هنيك بالشام يعني بكون مرتبة ومهتمة بحالي أكتر

يعني هون صدفة لنعمل مكياج
بس هنيك أكتر ومنهتم وماما فوق راسنا الله يخليلنا ياها

يعني الحياة الإجتماعية إلها طعم غير ..


ما بعرف شلون شعور صعب اوصفه بس طول الليل ما نمت وانا عم فكر فيه
ولحتى شفت حالي بالشام ومنامات فايتة ببعضها

سامحوني لو ضيقتلكم خلقكم بهالحكي