أهلا أخواتي الغاليات

نورتوا الموضوع بإضافاتكم وتشريفكم

نور الدرب وفتاة سورية مشتاقين لرجعتكم معنا بس يلى شهشلوا شوي وارجعوا للمة الحلوة

الله يجزيكم الخير كل مين حط مقالة او دعاء أو فائدة


بطة ما طمنتينا عنك وعن تحاليلك
ان شاءا لله بتكوني بأحسن حال

المحبة للخير

لك ميت أهلين وسهلين والله شرفتينا يا ستي وجايبة معك الصور عرفانة شو تعملي فينا

يا ستي كلنا شوق وتلهف لهالصور

انا صرلي خمس سنين ما عيدت بالشام والله حيطق قلبي

يلى بانتظار صورك وكمان مشاركتك معنا دائما

والله يعني هالكمبيوتر تبعك خففي عليه سفق وطرق ليقوم ما يعود يشتغل بنوب

الله ييسرلك امورك وين ما كنت والله يفرجها عليك يا رب من واسع فضله وكرمه

عاشقة الله يخليك يا رب هادا من زوقك
طمنينا عن الوالد والاهل بالشام

ان شاءا لله يكون بخير وصحة وعافية



لوليا ومزون نايس سميل وبلاك بيري وشام ذا السيف وهنودة وكل الأخوات منورين دائما

وللجميع سامحوني ما حفظت الأسماء وما قدرت ارجع للصفحة ورا وراجع الردود

سامحونا


بس بدي نعمل نداء لتامو وينها ما عاد بينت
ان شاءا لله المانع خير يا رب

وسما ايجبت وجودي وآية

وينهم ما عاد بينوا وللجميع كمان ارجعوا لبيتكم التاني



لوليا الله يعينا على الحفظ بس بده همة

أنا ما في أشطر مني بحفز حالي وبشجع حالي وغيري بس وقت الجد ما بعرف ليش هيك ما بيمشي الحال

نبارح حكتلنا وحدة عن برنامج كتير سهل ومفيد وبخليك باتصال وذمة الله وما بتصيري من الغافلين لاسمح الله مهما انشغلت بالنهار

قالت أنو اهم شي الصلوات على وقتها وخصوصا صلاة الصبح

قالت من صلى الصبح فهو في ذمة الله ...ومهما صار ومهما جرى لا يمكن للمولى عزوجل ان يتخلي عن عبده فهو في ذمته طوال اليوم

بعدين قالت لا تروحي دغري وتشكوا بالتخت تبعكم

خليكم قاعدين شوي وسبحوا واعملوا ورد الصباح

وأهم شي أهم شي تقروا كل يوم جزء قرآن على أقل تقدير

واللي ما بتقدر ومبتدءة لساها تقسم الجزء على نصفين يعني يومين

وأكثر وقت بيستغرقوا الجزء هو نص ساعة

وقالت لازم الواحد يقرا ويسمع حاله ما بصير يقرا بعيونه على الأقل يسمع حاله

وقالت في ناس بيعلموا وردهم الصباحي او المسائي بيعملوا مسبحة مسبحة استفغار وتسبيح وصلاة على النبي - اللهم صلي عليه - وهيك

وقالت كمان حديث : كلمتان خفيفتان في الميزان ثقيلتان عند الرحمن : سبحان الله وبحمده سبحان الله العظيم

كلمتين كتير سهلين حاولوا تتذكروهم طول الوقت قد ما بتقدروا

وقالت كمان لما الواحد بحس حاله ما عم يشتغل مظبوط وخايف تصير على قلبه غفلة يحافظ على ورده وقراءة القرآن والصلاة على وقتها فهي كفارة لما بينها بس بشرط اجتناب الكبائر ومنها الغيبة ووهي مصيبة النسوان الله يعنينا

المهم حافظوا على هدول بتلاقوا حالكم ربنا عم يزيدكم وتفيقوا على قيام الليل لحالكم سبحان الله


وهي يا لوليا خانم نقلتلك المحاضرة اللي سمعتها نبارح

الله يرزقنا العمل بما نعلم


وانا رح اعمل جهدي احفظ وتابع معكم

يلى بأمان الله

طلب بسيط : أمانة ادعولي الله يشفيني لأن ايدي التنتين كتير عم يوجعوني وكلما لهم عم يزيدوا وعم اشرب مسكنات كتير من دون فائدة

بركي هيك دعوة بظهر الغيب ربي بيكرمني ويمن علي وعلى كل مريض بالصحة والعافية يا رب

الله يجزيكم الخير يا بنات على هالمعلومات وان شاء الله كله بميزان الحسنات انا كل يوم عم فوت اقرا ردودكم بس لا تواخذوني كنت مرضانة كتير منشان هيك ما كنت عم بقدر شارك ....
شام سلامتك يارب الله يقويكي ويعافيكي لازم قد ما فيكي ترتاحي مع اني انا متاكدة انو الواحد هون للاسف ما بيقدر الا يعمل هو كل شي بنفسه مافي مساعدة من حدا بس الله معك وهو نعم المعين ...والله انا بالفترة الي مرضت فيها تعبت نفسيتي كتير يمكن لانو بهيك لحظات بتحسي قديش لحالك مع انو زوجي ساعدني على قد ما بيقدر بس كمان هو الله يعينه بشغله ...انا اسفة طولت عليكم ووجعتلكم راسكم معي ...ادعولنا سلام

مساء الخيرات أخواتي الحبيبات أسعد ربي أوقاتكم واعذروني على التأخير والله جهازي من كثر مو بطيء بيجيب العلل و الإنترنت كمان يعني شي بيطقق الألب والله ... الله المستعان :) ...

nicesmell :26:
تسلمي يارب على هالترحيب الحلو الله يخليكي كلك ذوق ولطف والله وربي يعيدك لأهلك سالمة أنتي وكل البنات والله زعلتيني :( الله يفرجها عليكي ياغالية ويجزيكي كل الخير على دعواتك الطيبة لي بارك الله فيكي عيوني ..

شام يا ذا السيف العفو ياعيوني تسلميلي على ترحيبك حبيبت ألبي ويارب الصور ينالوا إعجابكم ولو أنهم قلال بس أحسن من بلا ومشكورة كتير على ترحيبك :) ...

شام حبيبت ألبي الغالية :26:
لك إن شالله بتسلميلي يارب العالمين ويااااااااااااااااااااربي يسمع منك اللهم آآآآآآآآآمين يارب والله أنا كتير متضايقة وضايق صدري بس مابقول غير حسبي الله ونعم الوكيل والله ياشام حاسة حالي مخنوقة وخليها لله أحسن شي :44:

وإن شالله بتسلمي لألبي ياغالية على كلماتك الطيبة وأسأل الله العظيم رب العرش العظيم أن يشفيكي ويعافيكي من كل مرض ويحفظك من كل شر أختي الغالية اللهم آآآآآآآآآآآآآآآمين يارب العالمين ربي تجلعها دعوة مستجابة لأختي شام في ظهر الغيب يااااااااارب العالمين ... :26:

المزة حبيبت ألبي إن شالله معافاية يارب أختي الغالية ماتشوفي شر إن شالله ياربي :26:

الصور قيد التحميل و خلال دقائق إن شاء الله بيكونوا عندكم وياربي يعجبوكم ولو أنو مو كتار (( بس سبع صور )) بس متل مابيقول المتل أرجي عزرك ولا تأرجي بخلك :42: وتسلمولي حبيبات ألبي الله يفرجها علينا وعليكم ياااااااااااااااااااااااااارب :26: ...

أهلين وسهلين أخواتي الغاليات وبتمنى الصور يعجبوكن ...

الصور بالميدان عند منطقة أبو عرب حيدر وأنتوا طالعين ويدوب قدرت ألقط هالكم صورة من كتر العجقة يومها بس والله كانت تفتيلة حلوة نزلنا أنا وكل عيلتي مشي وتمشينا بالميدان من أولها لآخرها و كان يوميتها الوقفة على ما أذكر بس كانت العجقة مو طبيعية والزينة كتير حلوة والناس مبسوطين وأجواء كانت حلوة يارب تعيشوها بأنفسكم عن قريب يااااااااااارب ...

الصورة الأولى



الصورة الثانية



الصورة الثالثة



الصورة الرابعة



الصورة الخامسة



الصورة السادسة



الصورة السابعة



وتوتي توتي خلصت الحتوتة :hahaha:

إن شالله تكونوا استمتعتوا حبيبات ألبي وأماااااااانة أي مكان جايي على بالكم صورلكم ياه والله من عيووووووووني اطلبوا وتمنوا ولكم مني غالياتي أطيب و أرق و أعطر تحية والسلام عليكم ورحمة الله وبركاته :26:

المحبة للخير شكرا كتير اختي على هالدعوة الحلوة وتسلم ايديكي يا رب على الصور رجعتينا للشام و ذكريات الشام االله يسعدك يا رب ويجزيكي كل خير عيوني