مرحبا يا أمامير شو اخباركن ان شاء الله كل أيامكن خير وهناء
أهلا وسهلا لا للكآبة نورتي نحنا اخوات وظراف كتير ان شاء الله حتكوني مبسوطة معنا
بكرى أحلى شغلتي بالي عليكي ان شاء الله اجر وعافية
بطة الغالية من زمان القمر مابان اشتقنالك كتير شو أخبارك وليش طولتي علينا الغيبة شلون اجا من قلبك تتركينا كل هالفترة
جبيبة البي ساجدة شلون الحمل والله عم بدعيلك وشلون بنوتك والبيبي ان شاء الله كله تمام
شامة ونور وفتاة ونايس سمايل والمزة ومزون وهنودة العسل وزنزون ولوليا وشام ياذا السيف
تسلملي عينكن لا تتأخروا علينا

مررررررررررررررررررررررحبن أنا الضفدع كامل عفوا مزون 84 بس كنت عم أتذكر افتح ياسمسم وابني صرلو يومين كل ما قلو ياها بيفرط ضحك فعلقت على لساني

كيفكون بنوتات وشو أخباركون بدي رحب بلا للكآبة وبطة يلي اشتقنالا وصرلا زمان مو مبينة
وشام ونور الدرب وزنزون شكرا كتير على دعواتكون أنتو والساجدة لله يلي طلبت مني أني أقر واعترف تكرمي ياستي
الحمد لله تيسرت أمورنا واشترينا بيت بالشام جمعنا فيه مصرينا حاكم ما بيعرف الواحد شو بيصير كل فترة بأسعار البيوت وبهالحالة ارتاح مخي وإن شاء الله سنتين بالكتير بيدفع جوزي بدل الجيش ومنرجع منستقر بالشام
البيت عالعضم بس معنا وقت منكسيه على مهلنا لبين ماننزل بس المهم صار عندي مقر بالشام>>>>>>>>>>>>>باركولي

هنودة الحبوبة كيفك وشو أخبارك
هيلين أنتي معي أون لاين شو مسهرك شو قلقانة متلي؟
بكرى أحلى إن شاء الله معافاية وماعلى قلبك شر طمنينا عنك

باقي البنات وين هالغيبة يلا ناطرينكون

ألف مبروك البيت مزون وان شاء الله بتتهني فيه وآية الرزق

صباح الخير لاحلى صبايا .........
شو اخباركن ان شاء الله كلو تمام .......
نور الدرب شو اخبارك ان شاء الله شام خانم ما عم تعذبك بالليل ؟؟؟؟؟؟؟؟؟ وشو اخبارالمغص !!!! اه لا تذكريني شي بيجنن اول 3 اشهر بعد الولادة بس شو بدنا نعمل هادا منشان نقدر قيمة امهاتنا ........
شام يسلموا ايدك على الموقع يلي حطيتيه ..... ومنشان قصة الغيبة والنميمة انا كنت بدي احكي بس والله خجلت وفعلا هي الشغلة مظبوطة يالطيف من وقت ما تغربت وصرت انزل على الشام وانا ملاحظة هالشغلة فكرت انو انا بس منتبهة الها تاري كل مغتربة هيك بتحس ؟؟؟؟؟؟ يالطيف ما بتمر دقيقة الا وفيها غيبة ونميمة ووقت بتحكي بيضحكوا عليكي وبيصير الغمز واللمز والله وقت اخر مرة نزلت شبت على قولة دريتوا فلانة جابت غسالة النوع الفلاني وووووووووووو ..... والتانية دريتوا فلانة شافت فستان علي وراحت اشترت متلو وووووووو وهكذا دواليك .................
الواحد بيحس راسو صار قد السماء والارض من يلي عم يسمعو الله يعفو عنا ......
لا للكابة ...... الله يبعدها عن امة محمد يا رب ........ اهلا وسهلا فيكي نور الموضوع ....
لوليا الف الحمد لله وان شاء الله ما راح تعيدها وفكرتك حلوة وان شاء الله انا معك عم حاول راجع يلي حافظتو وبديت بسورة البقرة ..... وادعي لي الله يطلق لسان بنتي والله قلبي رح يطق بدي ياها تحكي ..... الله وكيلكن من عيب ابتلى ...... قبل ما تشرف بنتي الله يسلمها كنت كتير انقهر من العرب وخاصة السوريين يلي هون وقت يحكوا اولادهن قدامي بالفرنسي او عربي مكسر وحالتو ماساوية .... كنت قول يا ربي ليش هيك بيحكوا ليش مو اهاليهن يعلموهن لغتنا ....... هلق بنتي الخانم كل الوقت بحكي معها عربي والتلفزيون على العربي وكلو عربي بعربي والله وكيلكن لسانها تقيل مدري مخها سميك مو قادر يستوعب .... بينعلّ قلبي وانا عم قول لها عيدي وما في فايدة بتيّس خخخخخخخ وبتنغر وبتروح ما بترضى تعيد وراي ووقت تسمع كلمة فرنسي وقت نكون برا البيت والله والله يا بنات بتطلع معها واضحة وكاملة شو اعمل والله رح اقتل حالي ...... انصحوني شو ساوي .......
زنزون لك كيفك يا قمر منشان الله لا تاخذيني طولت عليكي والله مشلوشة على الاخر وهلق عم اكتب تهريب من وراء ضهر بنتي الله يسلمها نايمة وانا استغليت الفرصة لانو ما بتخليني الله يحميها يا رب ..... ان شاء الله تكون كل امورك تمام ....
هنودة شو اخبارك يا حلوة ان شاء لله بخير ....

بكرا احلى ..... ان شاء الله معافية وربي يجعلها الك اجر وعافية والله يجعلها اكبر المصايب .... عادي لا تخافي شغلتها بسيطة بس انت طولي بالك ولا تحطي بقلبك شي ..... المهم نفذي كلام الدكتورة بحرفيتو وخدي الدواء انا بعرف واحدة كانت معها نفس حالتك والحمد طابت وارتاحت منها والله يحنن عليكي قلوب عبادو يا رب ويشفيكي ويفرج عنك يا رب ........
بطة لك كيفك يا قمر وين هالغيبة ...... ان شاء الله كل امورك تمام .............
هيلين شو اخبارك يا حلوة انا كم يوم وبخلص التامن وكل ما قربت الولادة عم حس برعب مدري ليش قال لي زوجي مبارح والله كانك اول مرة وصار يضحك علي بس بجد يمكن تعقدت من يلي صار معي وقت بنتي .... والله وكيلك بنتي رايحة وجاية عم تضربني على بطني مدري فهمانة انو في شئ مدري لاء المهم دعواتك يا قمر انت وكل الصبايا .........
مزون ان شاء الله الف مبروك وربي يجعلو منزول الهنا ويجعل عتبتو خضراء عليكن ..... الحمد لله انك اشتريتوا بيت عقبالي ما بيع بيتي واشتري على كيفي يا رب .....
بدي اسالك البيوت هلق قديش اسعارها ....... حابة اسالكن من زمان بس ما سنحت الفرصة يا ترى رخصت بعد ما منعوا تملك العراقيين للبيوت والمحاضر ..... اكيد كل منطقة والها سعر المهم الله يتمم فرحتك يا رب ويسعدك صدقيني بيحس الواحد انو حمل وانزاح عن ضهرو وقت يكون عندو بيت يستقر فيه .......
المزة وينك انت وعاشقة ونايس وفتاة .........
يلا سلامي ودعواتكم
سوسو الحبابة