كوبونات الراقية تسجيل الدخول

zanzoon
zanzoon •
أهلين عاشقة وين هالغيبة؟؟؟؟ اشتقنالك كتير
و انا كمان متلك كنت منقطعة و لما رجعت سألت عنك ....
كيف بيتك الجديد؟؟؟ كمان بأبوظبي مو ؟؟؟
كيف النقلة ؟؟؟

هنودة متل ما قالتلك شام ماشاء الله حولك على هالدعوات و الكلمات الحلوة .... و الله يختر لك اللي فيه الخير ....

و الله متل ما قلتي الوقت عم يطير و الوحدة فينا يوم بتخلص شغلها ع بكير بتحتار شو بدها تعمل و شو تساوي .... الله يبارك لنا بوقتنا و بعمرنا و برزقنا

لا للكآبة الله يوفقك و يوفقنا ... انا كمان مدايقة متلك لنفس السبب حاسة انه مقصرة و ما عم اقدر ساوي شي.... الله يرجعنا و يقدرنا على الذكر و الشكر و العبادة ...... و الله يتقبل مننا ......

يسلمو ايديكي على الوصفة الحلوة شام ... بتعرفو اول مرة بسمع بهي الأكلة ..... بس شكلها طيبة بس دسمة .... بجوز بعرفها بغير اسم او شكل....

ساجدة حبيبتي طمنينا ....و الله مشغول بالي عليكي .....
عاشقة الحب
عاشقة الحب •
zanzoon zanzoon :
أهلين عاشقة وين هالغيبة؟؟؟؟ اشتقنالك كتير و انا كمان متلك كنت منقطعة و لما رجعت سألت عنك .... كيف بيتك الجديد؟؟؟ كمان بأبوظبي مو ؟؟؟ كيف النقلة ؟؟؟ هنودة متل ما قالتلك شام ماشاء الله حولك على هالدعوات و الكلمات الحلوة .... و الله يختر لك اللي فيه الخير .... و الله متل ما قلتي الوقت عم يطير و الوحدة فينا يوم بتخلص شغلها ع بكير بتحتار شو بدها تعمل و شو تساوي .... الله يبارك لنا بوقتنا و بعمرنا و برزقنا لا للكآبة الله يوفقك و يوفقنا ... انا كمان مدايقة متلك لنفس السبب حاسة انه مقصرة و ما عم اقدر ساوي شي.... الله يرجعنا و يقدرنا على الذكر و الشكر و العبادة ...... و الله يتقبل مننا ...... يسلمو ايديكي على الوصفة الحلوة شام ... بتعرفو اول مرة بسمع بهي الأكلة ..... بس شكلها طيبة بس دسمة .... بجوز بعرفها بغير اسم او شكل.... ساجدة حبيبتي طمنينا ....و الله مشغول بالي عليكي .....
أهلين عاشقة وين هالغيبة؟؟؟؟ اشتقنالك كتير و انا كمان متلك كنت منقطعة و لما رجعت سألت عنك...
زنزووون حبيبتي
وانا مشتائتلك بالأكتر
اي حبيبتي انتقلنا على بيت جديد بأبو ظبي شو بدنا نعمل الايجارات كل مانها عم ترتفع
والنقل حلو يعني تغيير بس كمان صعب وخصوصا الترتيب
وانتي شو أخبارك وايمت رجعتي من الشام


شو باقي البنات وين رحتوا يعني اذا حضرت :30: اختفت الملائكة :hahaha:
شام
شام •
أهلا عائشة الحب ....نورت نورت .....

ألف مبروك المنزل الجديد ...الله يجعله آية الرزق والخير والبركة

ومنزل عامر بإذن الله تعالى

مشتاقيلك ومشتاقين لفصول بنتك الامورة الله يحميها ....

زنزونة ....جربيها وإن شاءا لله ألف صحة وهنا
هي دسمة مظبوط بس أنا مرة عملتها بحليب نص دسم أو أقل والقشطة فيك تستعملي كمان حليب خفيف دسم بدل الهافي كريم وهيك بتقللي شوية كالوريز بس ما بتطلع بنفسا لطعمة

أنا بسمع أنو اسمها ليالي لبنان ...والظاهر كل بلد بحاول ينبسها إله ......ههههه

شو ما كان اسمها هي طيبة ولذيذة بس ما بنصحك تعمليها كتير لأنها بتفتح القابلية وبتصيري رايحة جاية عل ىالبراد .....

الله يعينا

وحيدة .باي ولاية انت ...؟؟

أنا صرلي 8 سنين وانتقلت كتيييير خمس مرات ....
lolia
lolia •
سلاااااااام لاحلى بنات الله لا يحرمنا من هالجمعة الحلوة هنودة الحبوبة تسلملي عينك شو مذوقة ويللا خليك شطورة متل ما عرفناك الله يقويك ويقوينا عاطاعتو

ساجدة حبيبة قلبي لا تزعلي وتحطي الحزن بالجرن انا ولدت ولادتين لحالي بالغربة بس الله يسر الحمد لله والله يجزيهن الخير في اخوات ما قصرو ولا تخافي الاجر عاقد المشقة والله الله بيبعتلك عون ما بتعرفي من وين بس انت مسكي الدعاء والله بيفرجها ومتل ما قالت وحدة من البنات بيجوز ترجع تتيسر الامور وخليك متل ما بنعرفك يا جبل لا يهزك ريح

عاشقة اهلا اهلا الحمد لله يلي وصلتو النت بانتظارك تطمنينا عنك

نايس سميل كيفك ياحلو وكيفها شهودة

نور الدرب وين هالغطة ولا شام خانم نستك يانا الله يحميها

هيلين كيفك وكيف الاولاد ان شاء الله تكونو كلكن بخير

زنزون ومزون شو اخباركن ومتل ما عم تقولو الواحد بتبرد همتو احيانا بس خلينا نشد بعض دائما ونكون ايد بايد سبحان الله لو ما كتبت شو بحس حالي متروحنة بهالجمعة

شام يسلمو ايديك عالاكلة الطيبة شهيتينا keep in touch

وحيدة بهالغربة كيفك وكيف البنوتات انا كمان عندي بنوتين ومغتربة بكندا

لا للكابة ما شاء الله عليكي متابعة الموضوع خليكي دائما هيك نشيطة ماشاء الله

بطة الغالية ماشاء الله عليكي شاغلة وقتك تمام برافو عليكي الله يعطيك الف عافية

شام ياذا السيف وفتاة وينكن ما عدتو بينتو

انا لا تاخذوني ما عم طل كتير بس بالي مشغول بهالفترة دعولي الله ييسرلنا الخير وين ماكان

يللا سلااااام
وحيدة بهل غربة
وحيدة بهل غربة •
صباح الخيرات والليرات على كل البنات
كيفكم يا حلوين ان شاء الله تمام
مبروك النقلة اخت عاشقة
والله يثبتك حبيبتي لاللكابة ويثبتنا ويهدينا جميع
والله الواحد بهل غربة مدري شو بيصير فيه الله يقوينا على طاعته
امين
كيفك اختي شام والله يعطيك العافية على مواضيعك الحلوة
شوفي اختي انا هون باميركا من اربع سنين ونصف بولاية اوهايو
انت وين عايشة باي ولاية؟؟؟؟؟
كيفك اختي لوليا تسال عليك العافية يا حبيبتي
الحمد لله بناتي بخير من فترة مرضوا مرضة قوية من غير شر
وتعبوا كتير وطبعا السبب معروف هو الجو البارد اكيد سمعتوا بالعاصفة يلي اجتنا
الحمد لله هلا احسن من فضل الله
يلا هلا بدي فطر بنتي وشوف شو بدي اطبخ والله صاير الطبخ بيحير
الي رجعة ان شاء الله