السلام عليكم
مرحبا بنات سوريا الحبيبة
انا مش غريبة انا جارتكن من ملف المصريات فى الغربة
عفوا دخلت من دون استئذان بس حبيت اجى اسلم عليكن واحدة واحدة و كمان بابا سورى يعنى مسموح افوت اسلم :)

تحياتى

صباح الخير يا احلى صبايا ......
اهلا وسهلا بكل واحدة دخلت جديد على الموضوع ......
شو اخباركن نفراية نفراية ان شاء الله كلو تمام ............................
انا لسا ما ولدت الظاهر الخانم عند فيني عم تغني وتقول ما بنزل ما بنزل هههههههه مع اني كتير تعبانة ..... عزلت بيتي وهلق عم اطبخ كم طبخة وحطهن بالفريزر وضبيت شنتايتي وشنتاية البيبي وعم ساوي كم شغلة على مهلي ..... بنات عندي كتير كوي من تجي وتساعدني الله وكيلكن ما بصدق خلص كوي الا بيرجع بيتكوم ههههههههههههه
بعتت شوي على المصبغة وخليت شوي ورغم هيك اكلة همهم يلا شئ واحدة تنط من الشاشة وتساعدني والله لادعي لها انا وعم اطلق خخخخخخخخخخخخخخ
ومتل ما قلتو انا موكلة امري لارحم الراحمين وان شاء الله تعدي على خير لانو اخر قرار الظاهر رح اتخذه انو مالي الا اخد بنتي معي هي اذا وافقوا بالمستشفى بتقعد هي وابوها برا والله يستر هم الولادة بكفة وهمها بكفة ......
ابقي سمعونا اصواتكم كسلانات خانم ولا تنسونا من الدعاء .......

صباحوووو
شو وينكن يابنات
حبيبة ألبي نور الدرب الله يبارك فيكي يارب
وكمبيوترك متل كمبيوتري بقعد ساعة بكتب للبنات ولما بعمل ارسال مابلاقي مشاركتي :hahaha:
بروح بعصب ومابقى بكتب بس بعتقد هالمشكلة مو من أجهزتنا يمن من الموقع نفسوا
الله يخليلك بناتك ويفرحك فيهون وصدقيني مافي أحلى من البنات وبتمنى اذا ان شاء الله حملت الله يبعتلي بنت تانية وعلى رأيي الماما الله يعطيها الصحة والعمر كانت تقول البنات حسنات

حبيبتي شام ياذا السيف
الله يبارك بعمرك يا ألبي وفعلا النادي السياحي عجقة بس كل شي كان جنبي المخبز والمحمصة ومحل الخضرة والجمعية هلأ صرت بعيدة وأنا من النوع اللي بحب اشتري أغراضي بنفسي
بس هلأ صار زوجي بيشتري الأغراض كنت مريحتو من هالمهمة :42:

مشرفتنا الغالية شام
ان شاء الله صحة ومية هنا ذكرتيني بالتبولة الي زمان ماسويتها
حتى أنا متلك أو مابلش عندنا الشوب قلتلوا لزوجي قرب وقت السفر
الله يكتب النا اللي فيه الخير

حبيبتي هيلين
الله يبارك فيكي يا ألبي وبنتي منيحة الحمد لله وهلأ وقت امتحانات
انتي شو أخبارك

أشطر وحدة
أهلين ياعمري نورتينا وطبعا بيحقلك تفوتي ولو البيت بيتك

حبيبتي ساجدة
الله يفرجها عليكي ويقومك بخير وسلامة
شوي شوي على نفسك يعني انتي باخر شهر ومو لازم تتعبي حالك
اي العمر بيخلص والشقل مابيخلص
الله يهونها عليكي


مزون وزنزون ولوليا وهنودة واية ونايس سميل وفتاة سوريةوالمزةوبطةولاللكابة وبكى أحلى
وينكون اشتأنالكون

بتمنى اني ماكون نسيت حدا

سلامي للجميع :26:

صباح الهنا عليكن حبيباتي
كيفكن كلياتكن إنشالله بألف خير:26:

عاشقه حبيبتي كيفك إنشالله تشتاقلك مكه ياحق
تسلمي حبيبتي على سؤالك أنا الحمدلله عكيف كيفك.. وبدك ما تواخذيني والله كتير خجلانه من حالي إنشالله ألف مبروك عالنقله وسامحيني إجت متاخره:22:

شام يا أحلى شام كيفك حبيبة قلبي إنشالله بألف خير.. بتعرفي كل مابشوف اسمك بتذكر الشام وايامها الحلوه إنشالله بيقبرني ترابها..:26: :26:
حبيبة قلبي إنشالله ألف صحه وهنا على قلبك.. وأنا كمان متل عاشقه يا الله شو مشتهيه التبوله وصرلي زمان ماساويتها!!

ساجده حبيبة قلبي كيفك ياروحي الله يقيمك بالسلامة ونطمن عليك كلياتنا عمدعيلك والله من كل قلبي إنو تكون ساعتك ساعه ميسره والله يجبر بخاطرك ويعطيك كل الصحه والعافيه

HELEN حبيبة قلبي كيفك ياروحي وكيف الولاد الله يبعتلك كل الخير ويرضيك

lolia حبيبة قلبي كيفك يا حبابه .. شو أخبارك الله يهني قلبك ويجمعني فيك بالفردوس الأعلى أنت وكل البنات الحبابات
تسلمي لقلبي شومذوقه ودائما بتذكريني بالخير الله يذكرك بالملأ الأعلى:26: .. آمين

شام ياذا السيف كيفك حبابه وكيف الجو صاير عندكن وكيفن يقبرو قلبي عمر وعلي الله يحميلك ياهن بجاه حبيبو محمد

مزون الغاليه شو وينك يابنت الحلال ماعاد طليتي علينا الله ييسرلك امرك ويبعتلك كل يللي بيسر قلبك وخاطرك

زنزون حبيبتي كيفك ياروحي وكيف أخبارك الله يسمعنا عنك كل الخير ويهني قلبك ويرضيك

نور الدرب .. الله ينورلك قلبك وحياتك .. كيفك حبيبتي وكيف لين وشام خانم إنشالله ماعم يعذبوك؟

نايس سمايل كيفك ياروحي وكيف شهوده ..وكيف الشام وأهلها إنشالله مبسوطه؟ الله يهني قلبك بشوفة الحباب

أيه حبيبتي كيفك ياروحي وكيف بنوتك الحلوة إنشالله بألف خير طمنينا عنك وعن أخبارك

المزه حبيبة قلبي كيفك ياروحي وكيف صايره أمورك الله يهني قلبك بطاعته ويصرف عنك كل سوء أنت وكل إمة محمد

لاللكابه كيفك يا قلبي وكيف البنات الله يخليلك ياهن وكيف همتك بالطاعه الله يقوينا وياك على طاعته ورضاه ولا تنسينا حبيبتي بصالح الدعاء ونحنا كذلك

بكرا أحلى .. كيفك حبيبتي شو وينك يابنت الحلال طمنينا عنك والله غليان قلبنا عليك إنشالله يكون المانع خير وكيف صارت أمورك إنشالله انتقلتو على خير.. عم نستناك تطمنينا عنك

بطه الغاليه كيفك حبيبتي وكيف صاير الجو عندكن بتركيا وكيف كورس الخياطه معك وكيف صايره باللغه التركيه (Allah'a emanet)..:42:
إذا احتجتي أي مساعده أنا حاضره يعني بدك تقولي بعرفلي شي كلمة (على قد حالي) ..الله يهنيك ويسعدلك قلبك

فتاه كيفك ياروحي وكيف الريجيم معك إنشالله لسه الهمة عاليه .. وكيفو معتز أفندي الله يحميلك ياه

Sama_egypt كيفك حبيبتي وكيف أخبارك وينك ماعاد بينتي وكيف يمان أفندي إنشالله صايره صحته أحسن الله يحميلك ياه وتشوفيه شب مشورب

أشطر وحده.. يامية أهلا وسهلا فيكي بيناتنا ولو نور موضوعنا فيكي وكيف أخواتنا المصريات؟؟ سلمي

سامحوني طولت عليكن بالحكي بس حبيت سلم عليكن كلياتكن وإنشالله ماكون نسيت حدا وإذا صار مشان الله لاتواخذوني بس والله كلياتكن بقلبي وبحبكن في الله .. وإنشالله يكون هالحب سبب لإجتماعنا تحت ظل عرش الرحمن يوم لاظل إلا ظله.. إنشالله آمين
يالله بخاطركن حبيباتي:26: :26:

حبيباتى تسلمو على ترحيبكن و ذوقكن
ع فكرة انا رفيقتة لاّية ( عندى واسطة) :)
و اكيد معزة سوريا بقلبى متل معزة مصر و ان شاء الله ازوركن بسوريا قريبا