طيب يااصوله تفضلي انتي حكيني لاني الى الان مارسيت على بر لان روحتنا المره هذي باذن الله روحه نهائيه ان الله يسر لذلك محتاره ايش اخذ معي:26:

وعليكم السلام ورحمة الله وبركاته..
الله يسعد قلبك يا غروبه..فرحتني الرساله ههه
بس حتى انا اخاف ينحذف المجلس اذا شاغبنا؟؟
..
كيفكم؟؟ وحشتوني (شايفين اتكلم بهمس عشان ما اسوي ازعاج ههه)
..
ايش اخباركم مين سهران اليوم؟؟
..
عندي سؤال؟؟
ايش رايكم لمن اولد اسوي سابع صغير اليوم كنت باتكلم مع زوجي وهو راااافض الفكره تماما اننا نسوي اي شئ هنا يقول لمن ارجع السعوديه اسوي سابع ...وولا شئ هنا ما يبغنا نسوي شئ!!
مرره انقهرت منه والله حسيت انه كسر بخاطري بس انا ما بينت ..وحسيت اني زعلت منه..
ايش اقوله وهل هي فكره سديده المشكله انه هو ما عنده اي حجه مقنعه بس كذا ما يبغا يسوي شئ ..
..
المهم ..
اللي ولدت هنا سوت شئ يعني تفاسير(اللي هي شوكلاتات او حلويات او هدايا صغيره للضيوف اللي يجو يحمدوا بالسلامه..)
او زينه للبيت زي اللي نسويها في السعوديه من المحلات حقت الهدايا من فلين وبلونات واشياء زي كذا؟؟
..
ولا لا؟؟
حكوني عنكم ايش سويتوا؟؟

والله ياخوختنا هنا ماسوينا شي لما يجيني ضيوف اجهز لهم حلوى شوكلاته واذا قدرت اسوي معجنات وحلى وقهوه وشاهي وبس:26:
بس احنا من عادتنا لما تخرج الام من المستشفى يسوي زوجها او اهلها اللى هي عندهم عزومه يعزمون الاهل كلهم ويسلمون على وعلى المولود ومسميها سفاره وليست سفارة السعوديه ههههههههههههههههههههه:26:
وهي على سلامة الام والمولود:26:
وبعدها العقيقه وتكون في اليوم 7 او 14 او 21 وبس ماعندنا لا سابع ولا عاشر واول مره اسمع عنه منكم ههههههههههههه واحده غشيمه:17:
وعادي ياخوختنا خذي الامور ببساطه وترى ماتحتاج زعلك ياغاليه وان شاء الله تسوينها في السعوديه مع البيبي الثاني والثالث والرابع الى ----------------------------------------------20 هههههههههههههههههههه

طيب انا اخذا الموضوع ببساطه ولا كان بكيت ونكدت وعملتها حكايه..
بس انا حزنت في نفسي وحسيت انه كان فيا حماس وانطفا..
الله يهديهم رجالنا دائما كذا زوجي لمن اكون متحمسه لموضوع وفرحانه يصدمني ببروده ..
يلا ما علينا..
استغفر الله العظيم ..

..
المهم احنا في الحجاز نسوي السابع وهذا عزومه نعزم فيها الناس وتكون عاده في البيت اذا كان واسع او في فندق بسيط مع انه اغلب الناس في بيوتهم..
..
المهم يزينوا البيت باشياء حلوه وبلونات ويوزعوا على الاطفال شموع وينشدوا اناشيد حلوه والام تنزف هي والبيبي وهي لابسه لبس حلو والبيبي كمان..
..
وعاده عندنا في محلات متخصصه عشان تعمل كوش للسابع تكون بالبالوةنات او حركات اطفال..
وتوزع شولاتات او حلويات تكون فخمه ومرصوصه بشكل حلو ومرتب
زي كذا
وتكون ليله حلوه وبس..
وهي اغلبها للاطفال اكثر شئ..

ماشاء الله ياخوختنا شوقتينا للسابع طيب لما افكر بالطفل الخامس واجي اولد راح اجيكم في الحجاز علشان تدلعوني ولبيبي هههههههههههههههههههههه واحده طماعه بس ماشاء الله حركه حلوه:26:
والله يعينك ياخوختنا والرجال كذا سبحان الله طبعهم واحد في كل العالم مايميلون للي تميل له المراة:26:
ومن الصغر بعد هذي العاده سبحان الله ولحظتها في اولادي عندي بنت وولد في نفس المدرسه ومابينهم الا سنه وشوي المهم اول مايدخلون الروضه يكونون مجهزين لهم اشياء حلوه من رسم واعمال فنيه بنتي من تشوفها وهي طايره عيونها وتروح تسوي معاهم وكل البنات اللى في الكلاس بس ولدي والاولاد الباقين يجلسون يلعبون اي لعبه فيها حيونات او سيارات وبس ههههههههههههههه فهذا طبع عند البنات يحبون اشياء كثيره والاولاد ولا عندهم ولا اي اهتمام حتى الاجانب