انااااااااااااااااااا قرويه
هالشي توي اكتشفته البارح بس صحيح طول عمري عايشه بمدينه بس فعلا طلعت قروريه مخمخه..............
بس والله مفتخره بهالشي.............
تدرررررررررررررررون ليش تعالوا نبدى السولافة من اولها!!!!!!!!!!!!!!!
البارح كل البيت طفشان واقترحت اقتراح عليهم انهم يروحون ويسلمون على عمي بالخبر معاي ونروح بعد كذا نتعشى بمطعم ووافقوا البشوات يسلمون على عمي لان بيت عمي مافيه شباب وما يحبون ينزلون عنده ودهم ينزلوني ويروحون يتمشون لوحدهم لما ادق عليهم وانا ودي يشرفوني عند عمي ويسلمون عليه ويجلسون مجامله وتاخرنا بالبيت لان بعد مالبسنا جاني اخوي وتقهوى شوي وتأخرنا..........
فطلعنا متاخرين شوي وحنا بالطريق غيرنا الخطه وقلت اجلنا روحة بيت عمي لبكرة واليوم خلونا نتمشى باي محل ونرجع وكنا قريب مجمع الظهران<<<<<<<<وما ادراك مامجمع الظهران<<<<<<يالله بس ستر الدنيا والاخره
قالوا عيالي تكفين يمه نبي المجمع وانا قد جيته قبل بس ندخل من بوابه الملاهي سيده ونلعب هالعيال ونطلع على طول ونتعشى احيانا واكثر الاحيان ناخذ عشانا سفري بس ذاك اليوم قرادتي خلتني انزل بوابه بعيد عن الالعاب وانا مقتنعه انه مايناسبني ابد بس قلت عشان هالشباب بنزل ونزلت وياليتني مانزلت ياشين شي ماشابه اهله
حسيت اني من كوكب ثاني.........كل الشباب اشكالهم تخوف تقل شجره مقلوع من مكانه
والحريم كاشفات تقل الوضع عادي والغطاء هو اللي حاله النادره عندنا والظليمه شينه فيه حريم متغطيه بس ينعدون عالاصابع والعبي قلت لعيالي وش رايكم ياعيال نجيب لنا طاقات عبي ونبسط كل واحد عند بوابه شكل عبي هالحريم ناقصت عليهن الخامات وابتلشن واضطرن يرقعن عبيهن خخخخخخخخعاد عندي ولدي الوسطي واللي اصغر منه ماتوا ضحك قالوا امي وش جيبنا له هنا كان نزلناه بسوق الحب اصرف له قلت ليته كان اوسع لي صدر مير قرادتي جابتن هنا ولا الكبير توه جاي اجازه من امريكا قال وش فيكم انا مو شايف شي الا كلن حر بنفسه وهذي حريه شخصيه لويت بوزي قلت بعدين نتفاهم يالحبيب يادافع البلاء توي ادري ان الموضه بالعبي تغيرين لون الاكمام وغير ضوق العبي تقل حالفات مايتنفسن لما يفصخنها طبعا محد متغطي الا كذا وحده والازواج تقل مايشوفون بعض بالبيت كلن ب
س يضحك مع زوجته ولا مستحي من احد وضحك وسوالف علنيه وغير هالبنات هاللي يتمشن بالحالهن 
تقل مالهن اهل وغير هالتسريحات اللي والله تقل بعرس يادافع البلاء وكلهن بالطعشات والروج تقل عاضه له ضب وجايه وصغيرات مره كلن سماعته بذنه وتمشى ضحكت على نفسي اهاوش عيالي ياولد لاتبعد من بيطلعك بوسط هالزحمه خخخخخخخخوالنات سردحي مردحي بهالسوق
ومعاي ولدي الكبير والله يالبنات كلوه اكل بنظراتهم تقولون جاي من كوكب اخر والله وحده كبيرة بالعمر يعني بين بالثلاثينات كلته بعيونه وقفت قباله قلت تراه بدور عيالس كانس معرسه تفشلت وقالت نعم قلت سلامتك اكلم رجلي <<<<<<<الذله
حتى ولدي قالي يمه كان سفهتيه قلت اسفهه لو ناظرت ومشت مو عطلت مرور السوق تقل مابهالبلد الا هالولد <<<<<<<<الظاهر ماتعرف امه منهي
طيب استحن من الله مومني ويقزن قز عيني عينك ماكن معه حرمه قلت لولدي ماكن حرمه جنبك كيس رز انا ولا ثلاجه بيبسي
مايخافن مني ومشينا يابنات مشي موطبيعي عشان نلقى مطعم به طاولات مستوره مالقينا محلات مستوره
والله ان حتي الشياب لشفتهم ابتسمت تذكرت المرحوم ابوي وان شفت حريمه كاشفات جنبه قلت تهبى وانا بنت ابوي منت حوله يالهالشايب العايب لاحول ولاقوة الا بالله محد مغطي مرته ولا بناته يادافع البلاء على عينك ياتاجر كلن عااااااااااادي الوضع عنده الا انا تقلب عيوني يمينا وشمالا وفوقا وتحتا
خخخخخخخخ منبهره من احوال الناس اللي تغيرت ولا عاد عندهم شي حرام و لا عيب وخزيااااااااااااااااه بسواعطي خبر للبنات اللي يحبن الموضه ترى السنام اللي بالشعر غيروا موقعه اول وراء الراس الحين ياوخيواتي صار من فوق تقل صعرور مشتم<<<<<يبيله مفسر خخخخخخخ
يعني بقمه راسك
غير المكياج
والثمه اللي تكتل كتلوالكعب انا يوم شفت الكعوب واتذكر اني ماني لابسه شرابات قلت وخزياااااااااه طالعه السوق من غير شرابات
لاني كنت بالاول مستعجله وحاطتهن بالشنطه للضروره قلت لطلعنا من بيت عمي لبستهن للمطعم لان الطلعه من بيتي ثم على طول بنزل لبيت عمي مو محتاجه شراب
واجلس بلبسهن وحاوطوني عيالي عشان هالشريريب خخخخخخخخ
تقل مسوين جريمه قلت لهم كتمتون كله لبسه شراب قالوا بس يمه بوسط الناس قلت ماحولكم احد حنا الوحيدين اللي ماشفنا خير الظاهر خخخخخخخخ
لكن الاكيد ان الوضع مايسر لاعدوا ولا صديق
واخر شي طلعنا ولا تعشينا ولا شي قلت ياعيالي خلونا نروح نتعشى برى ابرك لنا وطلعنا عقب ماتكسرت رجيلواتي وقلت لعيالي لاعاد تفكرون بهالمكان مره ثانيه
ويوم طلعت شفتلي سياره مكتوب عليه ببخاخ قلت لعيالي وشوله البلديه عاد خلوها قدام البوابه كان جروها وراء بالمواقف وحنا نمشي بس ماركزت بالكلام المكتوب واطل بالسيارة وفتح ذاك الولد الشباك بوجهي اثريها حركه والسياره مليانه شباب وعيالي ساكتين قلت لاحول ليش ماقلتولي قالوا وش نقول يمه نقول حركات شباب بايخه وماتنذكر وسخيفه بس الاكيد ان قرب اليوم اللي بينقول فيه على الدنيا السلام
وخلصت سولافتي............
ومثل ماقلت سابقاً تراي تعلمت كراتيه
للفيلسوفاتوالله يستر على عيالنا وبناتنا وعلى المسلمين اجمعين
لاتحسبوني اتمهزاء ولااضحك على الناس لاوالله بس مستغربه وين دينهم وين مبادئهم وحياء هالحريم وين راح وغيرة الرجال وينه داجه
وسلامتكم................
