toqtoq2000

toqtoq2000 @toqtoq2000

عضوة شرف في عالم حواء

مجموعة ادوات مكياجي .. مشاركتي في مسابقة افضل مجموعة مكياج ^_^

المكياج والعطور














هذه مجموعة لصور مكياجي اتمنى تعجبكم
كنت من فترة نزلت موضوع

ادوات اساسية للمكياج ما استغنى عنها ابدا.. تعالي شوفي عندي..وقولي ايش عندك

ونزلت فيه كم صورة واتكلمت عن بعض من ادواتي

اليوم اضفت صور جديدة مه شوية من القديم ونزلت هالموضوع

اذكر مرة ثانية باني احب المكياج واعشقه
واخذت من قبل دورة تجميل واسوي مكياج لغيري من بنات اهلي وصحباتي
بس ما لي في الماركات كثير
يهمني اللون والملمس قبل الماركة..

كثير من ادواتي ما اعرف ماركتها اصلا لاني يوم شريتها اهتميت اول شي باللون وليس الماركة :)


نبدا على بركة الله





اساسات البشرة





خافي العيوب الاخضر...
هذا المستحضر جدا روعة لاخفاء الحبوب الحمراء في الوجه..
وكمان لو كان وجهك زي وجهي محمر بزيادة...

استعمله على البشرة قبل كريم الاساس..
وادمجه عادي بعدين بمجرد ما احط كريم الاساس بيكون لون البشرة موحد وبدون اثر للحبوب الحمراء...

اشتريته من محمود سعيد اعتقد 29 او 39 ريال مش متاكدة..




كريم الاساس
عندي نوعين لكريم الاساس

الاول على اليمين من رويال
اخفاء تام لكل عيوب البشرة مع لون موحد رائع جدا
لا يسيل ولا يتقشر ..

الثاني على اليسار من اكوادور ( هالماركة ما لقيتها في جدة ابدا وانا شريتها من السودان سعر العلبة هذه حوالي 18 دولار)
خفيف و يعطي مظهر ناعم طبيعي
غير دهني على الاطلاق
ثابت كمان ولا يتقشر نهائي حتى في اعلى درجات الحرارة (عن تجربة)

استعمل الاثنين حسب المناسبة
وحسب كمان حالة الجو
في حالة الشتا والوجه جاف شوية استعمل رويال لان فيه نسبة رطوبة نوعا ما




خافي العيوب (الكونسيلر )بلون البشرة..
بالنسبة لي استعمله لغرض واحد فقط..
احط منه على العين قبل وضع الظلال بيساعد كثير في الدمج..
واللون يكون اوضح بكثير...
وكمان يثبت لفترة طويلة جدا....




بودرة الوجه
عندي نوعين
نيفيا على اليمين
ناعم جدا جدا وخفيف
استعمله في مناسبات نهارية او زيارات

الثانية على اليسار تغطي تغطية كاملة وحلوة واستعملها في المناسبات الليلة او للمكياج الكامل (مكياج اوفر)




بودرة الاطفال..
دايما للمكياج في البيت ما احط كريم اساس بالمرة..
واستعمل بودرة الاطفال عشان تخفي اللمعان اللي في الوجه..

مرات كمان استعملها تحت الحاجب برضو وانا في البيت...
يمكن كثار يقولو بيضاء ما تنفع بس انا افضل اللون الابيض لاني زي ما قلت وجهي محمر واحب اخفف من الاحمرار اللي فيه....

وفي حال سويت مكياج ثقيل في العين احط منها تحت العين بكثرة عشان لا يفضل في اثر للظلال المتناثرة تحت العين...

ولا تنسو اني استعملها كمثبت للكحل زي ما قلت في موضوع قبل كده على هذا الرابط...

معتمدة وبسيطة وسهلة لتثبيت كحل العين.. جربي ما حتندمي




بلاشرات
بشرتي بيضاء تميل للوردي جدا
واقل انفعال او تعب او حتى ضحك تصبح حمراء :hahaha:
بالتالي امانع جدا استعمال موردات الخدود (البلاشر) بكافة الالوان
لكن ان حبيت تغيير شكلي شوية وعمل بلاشر استعمل الوان برونزية اما حبيبات او بالفرشاة على خفيف

84
30K

يلزم عليك تسجيل الدخول أولًا لكتابة تعليق.

تسجيل دخول

toqtoq2000
toqtoq2000

مكياج العيون




اعواد تنظيف الاذن...
استعملها دايما في توزيع الظل على الجفن ...
اضغط العود بين الاسنان حتى يصير مسطح...
بعدها استعمله بكل بساطة افضل بالنسبة لي من اسفنجات الظلال...
استعمال مرة واحدة بس وارميها...
وبكده اضمن العود كل مرة نظيف والالوان ما تختلط علي....
وكمان حجمه صغير اقدر ارسم بيه في الاماكن الصغيرة .. مثلا تحت العين وبيكون روعة جدا.....
كمان في حالة العين الحساسة تدمع كثير
وضع العود في زاويةالعين الداخلية مع اغماض العين شوية بيساعد على تجفيفها من اي دموع




ظلال سائبة بلون وردي فتح جدا ولمعة بسيطة...
هذا الظل اساسي جدا عندي في كل مكياج منزلي اعمله او اي مكياج خفيف..
استعمله في الاغلب كاضاءة تحت الحاجب..
شكله طبيعي ولونه حلو جدا....
مرات استعمله هو كمان كظل لكامل الجفن...
وكمان لانه في شكل رول استعماله سهل جدا ....





اضاءات تحت الحاجب....
دول اللونين عندي احلى اضاءة استعملها للمناسبات..
اكره الاضاءة اللي تكون قوية وواضحة زي المراية
افضل شي طبيعي مع لمعة بسيطة وخفيفة...
وهذول الاثنين بيعطوني لون وشكل ولا اروع..
طبعا مرات استعمل الظل الابيض كاضاءة كمان.....




اضاءات وظلال لامعة

وان كنت اكره الاضاءة المشعة لكن لا يمنع انها تكون في مجموعتي :D
طبعا استعمل الالوان الفاتحة تحت الحاجب او تحت العين وعند منبع الدموع (الزاوية الداخلية للعين)
وممكن استعملها على الجفن نفسه اما لحالها او مدموجة مع الوان ثانية

والالوان الغامقة طبعا استعملها على الجفن كمياج لامع للعين




علبة ظلال مخملية...
هي علبة وحدة بس فيها تقريبا كل الالوان...
وما احب استعملها كثير الا في المناسبات....




علبة ظلال عادية ايضا بتدرجات مختلفة للالوان




مجموعة من الظلال المتفرقة او بشكل مجموعات صغيرة
منها السائب ومنها المضغوط

السائب منها احب استعماله في رسم العين من اعلى او من اسفل باستعمال العود او فرشاة الايلاينر مع قليل من الماء


toqtoq2000
toqtoq2000


اقلام الكحل الاسود...
طبعا الكحل الاسود من اهم خطوات المكياج عندي
حتى وانا عيوني تعتبر نوعا ما من العيون الصغيرة..
ومرات لحاله اعتبره مكياج خصوصا لو كنت في البيت بس....
اللي بدون غطا هو كحلي اللي الحين استعمله حتى شوفو كيف صار صغير..
والاتنين التانيين اختي جابت لي واحد والتاني انا اخدته منها هههههههههههههههههه
التاني اللي اخدته حسيته ينفع لرسم العين من فوق شكله عجبني جدا..
تحسي كانك ترسمي بالفحم ومو دهني زي بقية الاقلام...
حتى جربته مرة رسمت عيني من تحت بيه وحسيته ثابت وحلو فعلا زي ما توقعت :)




ماسكرا العيون للمناسبات...
ليش للمناسبات لانها ضد الموية...
هذه الماركة تحديدا اكثر من ثابة واكثر من ضد الموية (اقصد انها ثابتة جدا)..
حتى مزيل المكياج احس انه ما مسح كل الماسكرا وان لسه في باقي لها..
وتعطي الرموش ثبات ولون حلو جدا......
اما في البيت فافضل اني ما اعمل ماسكرا نهائي




اقلام رسم العيون الملونة من جيسيكا...
خمس الوان .. كحلي .. فيروزي ... زيتي ... اخضر ليموني ... موف...
ثااااااااااااااااااااابتة وما تروح ابدا حتى لو فركتي عينك...
واصلا ماركة جيسيكا معروفة بانها ثابتة وانا اعطيكي الضمان في ثباتها زيادة كمان
ارسم عيني من فوق او تحت ومرات اتكحل بيها من جوة بس افضل في رسم العين من الكحل هالاقلام..
toqtoq2000
toqtoq2000
مكياج الشفايف




اقلام التحديد

عموما انا ما احب تحديد الشفايف
افضل الشكل الطبيعي بدون اي تحديد
لكن في مناسبات معينة او الوان ارواج معينة استعمل التحديد
خصوصا اني احب ادمج لون التحديد مع لون الروج نفسه ويطلع لي لون جديد مدرج وحلو
بالاغلب تحديدي للشفايف ما يتغير عن هذه الالوان
(بني فاتح ، لحمي غامق ، لحمي ، لحمي على وردي، لون طبيعي)




مجموعة ارواج سائلة او اصبع ثابتة او عادية مطفية ولامعة
المجموعتين على اليسار لونها احمر والثانية لوها اسود (ومعها واحد فضي) ثابتة ما تروح
وكمان روج مادونا اللي على اليسار لونه لحمي ثابت

باقي الالوان عادية وناعمة تثبت لكن في نفس الوقت تطبع على الكؤوس والملاعق




روج سائل طبيعي...
واحد بشكل اسفنجة من سوفت كلورز..
والثاني تقليد ماركة ياردلي..
بنفس لون الشفايف تمام..
احس كاني حاطة ملمع وفي نفس الوقت الشفايف يكون لونها حللللللللو...
اللي من سوفت كلورز لونه شفاف بعكس ياردلي فهو غير شفاف زي الروج بس سائل....




ملمعات شفايف (جلوس)
استعملها في البيت او زيارات خفيفة...
ومرات اذا استعملت من الارواج الثابتة احس الشفايف تحتاج شوية ترطيب..
وكمان استعملها عشان ادمج الارواج مع بعض ..
وطبعا في العلبة الدائرية مرطب شفايف بدون لون بطعم المشمش
رائع جدا في ترطيب الشايف ويخلي لونها (الطبيعي) حلو ومشرق
toqtoq2000
toqtoq2000
متفرقات





جليترات

عندي 6 الوان للجليتر بشكل رول ..
ناعم وحباته صغيرة وحلو مع اي مكياج سويته..
احط منه فوق العين او على الروج بيكون حلو وبيغير من شكل المكياج نهائي..
ولو كانت عندي اي وحدة من زميلاتي شافتني اسويه تطلب هي كمان تحط منه لانو بجد بيغير من شكل المكياج...
الالوان هي الوردي والاخضر الفستقي والاسود والازرق والموف والفضي...
وبالفعل هذه الست الوان كافية جدا مع كل الوان المكياج...

وفي 12 لون بحبيبات اكبر في الحجم بس تشكيلة الوان اكثر

طبعا الحجم الكبير في الجليتر بايخ على العين او الشفايف
لكن مرات في حالة انعدام اللون المطلوب ممكن استعمله
بس في الاغلب استعماله بيكون على الشعر

وفي علبة صغيرة بشكل فرشاة لونها تقريبا اصفر بس مافيها لمعة قوية زي البقية

مرات احب استعمل الجليتر كايلاينر
اخلط شوية جليتر مع جل الشعر العادي
واستعمل عود الاسنان واسحب الجليتر على حد العين
طريقة سهلة وتضمن نتيجة مضمونة..




جليتر شفايف بس...
هذا الجليتر من كثر ما هو عاجبني ما استعملته ولا مرة ههههههههههههههههه
حبيباته ناعمة جدااااا..
وما تظهر كبيرة ..
الله يجيب مناسبة تخليني استعمله قريب :arb:




فرش المكياج...
اهم شي عندي هذه الثلاث فرش...
الاولى من فوق عشان انفض اثار البودرة البيضاء تحت العين....
هي نفسها للبلاشر بس انا ابدا ما احط منه فاستعملها للبودرة....

الثانية فيها مشط وفرشاة..
المشط افكك الرموش بعد الماسكرا الملتصقة باستعماله..
والفرشاة اسرح بيها مع المشط كمان الحواجب عشان اشيل اي اثر للبودرة والمكياج على الحواجب وارتبها من جديد...

اخر فرشاة اوزع بيها مرات الاضاءة لاني ما اقدر استعمل عود تنظيف الاذن في توزيع الاضاءة...
وكمان استعملها في بعض الاوقات في دمج الظلال...




براية الاقلام..
هالبراية اثرية عندي :hahaha:
لها سنين معاي والحمد لله ما صار لها شي..
وان كنت غسلتها مخصوص للتصوير :hahaha:
كان شكلها فعلا اثري....
لازم اذا عندك اقلام عيون او شفايف او اي قلم تجميل يحتاج تبريه تستعملي هالبراية...
افضل من البراية حقت المدرسة وافضل اكيد من الموس كمان....
toqtoq2000
toqtoq2000


ريشة الايلاينر....
انا ما اعرف استعمل فرشة الايلاينر الريشة اللي فيه...
بس من يوم اكتشتف هالفرشة صرت احب ارسم العين خط رفيييييع جدا وبكل سهولة كمان...
قاسية وما تتحرك والرسم بيها جدا سهل...
اما بالنسبة للي ارسم بيه نفسه..
فاستعمل اي ظلال باي لون ابغاه مع شوية موية...
وارسم عادي جدا...




بودرات الجسم

ما استعملها كثير
واستعمالي لها نااااادر يكاد يكون معدوم
بس في نفس الوقت عندي كذا علبة منها :35:
كل علبة لها ريحة تختلف عن غيرها
وحتى في اللون او بالاصح انعكاس اللون تختلف عن غيرها
العلب الكبيرة انعاسها بونه زي الاسفنجة اللي معاه (على وردي او ازرق او مشمشي)
والعلبة البرتقالية لونها ابيض عادي
طبعا العلب الاربعة لها لمعة ناعمة جدا في الجسم




اخر شي مناكير الاظافر

ما احب الالوان الغريبة او الغامقة نهائي
افضل دايما اني اعمل مناكير طبيعي وفاتح

طبعا المناكير يمنع الوضوء
بالتالي افضل دايما اني اعمله في ايام الاجازات الشرعية فقط :D

في حال اظافري كانت طويلة احب اعمل مناكير فرنسي
اثبت قطعة من الشريط اللاصق على بداية الظفر حتى اقدر اعمل الخط الابيض بانتظام
بعد جفاف اللون الابيض بحرص اشيل الشريط اللاصق
اضيف بعضا من المناكير الابيض الى المناكير المقوي الشفاف ليصبح لونه ابيض شفاف
استعمل الطلاء بصورة طبيعية على الظفر فيعطي مظهرا جميلا ونظيفا للظفر