مجموعة اسئلة واستفسارات للقيصريات

السلام عليكم
انا بكريه وتوني والده لي 11 يوم وولادتي عمليه الحمدالله على كل حال
وعندي استفسارات واسئلة
*بسالكم اولا عن الفرق بين الكبس والخياطة والتجميلية
انا عمليتي خياطة تجملية وقالولي افضل من ناحية اثر الجرح بس اشوف الكل يقول كبس
فممكن تفهموني الفرق بينهم وكم يبغالها الخيوط عشان تذوب والجرح عشان يلتئم
*احس بزي الشد (او مدري وشلون اوصفه احس بطني مطبق) خصوصا لما اقوم من السرير هل هذا طبيعي! ووش افضل وضعية للنوم
*صرفوا لي مرهم ميبو (كرتونه احمر) قالولي حطيه 3 مرات باليوم (مدري احسه كثير 3 مرات) !!!
ووالتعقيم انا اعقمه بمسحات طبية بس كم مره وهل طريقتي صحيحه!
*وحده قالت لي حطي مره يلتئم الجرح بسرعه ووحده ثانية قالت لي المره ماتنفع بصراحه ماافكر احط شي بس وش رايكم من ناحية المره
*هل الافضل اهوي الجرح او ادفيه يعني انا استخدم كلوتات استخدام مره وحده والبس عليه بنطلون او شورت طويل ومرات احس بالحر فـ وش الافضل من هالناحية!
*ربط البطن هل اقدر اربط او ماينفع! ومن متى يبدا الربط اذا مسموح!
*وحده قالت لي اذا جيتي تسبحين نظفي مكان الجرح بصابون ديتول مدري هل هذي طريقه صحيحه!
*بالنسبة للمشي الى متى استمر في المشي!
*وبسالكم عن العناية والاهتمام بالجسم هل فيه شي ممنوع يعني حمام مغربي وخلطات والاشياء هذي متى اقدر ابدا فيها !!!
اخيرا لا تستغربون اسئلتي وكثرتها انا بكريه وجاء قرار العملية بالوقت الضايع فما عندي خلفية كافية وخصوصا اغلب اللي حولي تجاربهم بالعملية قليل
والله يجزاكم خير