:: السلام عليكم ورحمة الله وبركاته ::
* جمعت لكم بعض الحلويات والموالح *
في موضوع واحد
... واتمنى انه ينال على اعجابكم ...
بسم الله نبداء
* تارت الورده *
المقادير ::~
1كوب دقيق
نص كوب سكر بودره
نص كوب زبده بارده
صفار بيضة
فانيليا
رشة ملح
مقادير الحشوة ::~
ملعقة زبده
ملعقة كبيره زبدة الفول السوداني
3 ملاعق كبيره بندق مقشر ومحمص ومدقوق
ثلث الى نص علبة حليب مركز محلى
التغطيه نوتيلا
الطريقة ::~
نقطع الزبده الى مكعبات ونضعها في محضرة الطعام حتى تنفش شوي ثم نضيف السكر ونخلط ثم
الدقيق ورشة الملح .
ثم يصبح مثل فتات الخبز ثم نضيف صفار البيضه والفانيليا ونحرك قليلا حتى تختلط البيضه بالعجين ..
نخرج العجين ونغلفه بروق نايلون وندخله الثلاجه اقل شئ نص ساعه وممكن تتفرزن ,, ثم بعد ذلك
تفرد وتقطع على شكل ورده وتوضع في قوالب الميني كب كيك . وتوضع بالفريزر 10 دقايق بعدين نطلعها ومباشره
ندخلها بالفرن الساخن حتى تتحمر وما تاخذ وقت ,,
ثم نعمل الحشوة::
نذوب الزبده مع البنت بتر (زبدة الفول السوداني ) ثم نضيف الحليب ونحركها شوي على النار ثم تترك لتبرد قليلا ,,
وتوزع على التارت بعد ما يبرد ثم نضع فوق كل حبه نقطه من النوتيلا .
* مهلبيه + جلو *
يحبونها الصغار قبل الكبار
انا سويتها بالكاسات الصغيره
طريقة المهلبيه
ملعقتين نشاء
كأس ونص حليب سائل
فنجال سكر ولو تحبينها حاليه اكثر حطي اكثر
تخلط المقادير السابقه وتوضع على النار لين تثقل
بعد ماتثقل شيليها من على النار وحطي شوي فانيلا
وحطيها بالكاسات واذا تماسكت المهلبيه سوي الجلي بطريقة العاديه وصبيه فوقها
* الخبز البلغاري *
تطبيق لي للأخت همس ورعد الصراحه لذيذ
زاد من العجين وسويت فيه فطاير عاديه
الطريقه بهذا الرابط
http://forum.hawaaworld.com/showthread.php?t=2630844
* سمبوسة بف *
رووووووووووووووعه واتعب وانا امدح فيه
وينفع تسوينه ويتفرزر
ولا الحشوه اهم شي سهله ولذيذه
الطريقه
دقيق تقريبا كاسين
ملعقتين زيت
ذرة ملح
ذرة خميره
ملعقتين قشطه
مويه دافيه للعجن حطي شوي واعجني لين تتكون معك عجينه متماسكه
اعجنيها وخليها تقريبا ربع ساعه او لين تسوين الحشوه
الحشوه عباره عن
جبن برايد تشدر
شبت
ابشري الجبن واخلطي معه الشبت وخلاص الحين الحشوه جاهزه
افردي العجينه واحشيها وطريقة القلي
وانتي تحطينها بالزيت جيبي ملعقة وشيلي من الزيت وكبيه فوق السمبوسه البف علشان تنتفش صح
باقي صور لكن مركز التحميل رافض يحمل
اي استفسار انا حاضره
؛؛؛لو اعجبكم الموضوع لاتنسوني من دعوااااااااااتكم ؛؛؛