مرحبا ياحوائيات اخباركم ان شاء الله تمام
بدخل بدون مقدمات انا لي كم اسبووع احووس بذا المنتدى ادور خلطات للشعر والجسم بس تكون موثوقه
ومستعمله قبل كذا
فا لقيت كذا خلطه من عضواات هنا بعالم حواء ياجعلهم الجنه من كلامهم حموسوني اسويها
وابي منكم تتفاعلون معي ونبداء مع بعض وكل وحده تكتب وش التغيرات اللي شافتهاا
طبعا دورت الخلطات اللي مفعولها سريع عشان مأأضيع وقتي
نبداء بأول خلطه اللي هي للوجه مو متذكره اسم العضوه لكن اتوقع انه العضوه جالكسي واللي تعرف الخلطه تذكر اسم العضوه اذا انا غلطانه
طبعا الخلطه على كلام العضوه انه نتايجها تطلع باسبوع وانا سويتها اليوم وجربتها مره وحده بس وربي يابنات
انووو شي اكثر من راااااااائع وهو استخدام مره وحده بس
اللي هي
صابونة البابايا فروتي
صابونة الكركم بياري
صابونه المر بياري
زيت جنين القمح
1ملعقه صغيره نشا مذوبه بكاسة شاي موية ورد
1 علبة موية ورد كامله
ربع ملعقه صغيره كل من (كركم جسم +مره+حلبة مطحونه)
2ملعقه كبيره عسل
15 كبسولة فيتامين E
بما اني بشرتي دهنيه وهي كاتبه انو للبشره الدهنيه تستخدمين صابونة الكبريت فحطيته مع الخلطه
الطريقه
تبشرين كل الصابونات
تسخنين موية الورد على النار وتبدين تحطين على نوع نوع من الصابونات وكل نوع تخلطينه لين يذوب
اذا انخلطت كل الصابونات وذابت زين بموية الورد تطفين النار وتحطين الحلبة والمره وكركم الجسم
ملاحظه (الشغل على نار هاديه)
بعدين تضيفين زين جنين القمح نص العلبه وتخلطينه زين وتضيفين بعده العسل
بعد كذا تشغلين النار على الهادي وتحركينه لمده 3دقايق بعدها تطفينه
بعد كذا تذوبين النشاء بموية الورد وتحطينه على الخلطه وتخلطينه زين وبعدين تفرغين الكبسولات الفيتامين على الخلطه وتحركينه زين وتحطينه بعلبه زجاجيه وتحطينه بالثلاجه وتستعملينه صباحا ومساء
انا ماعرف احط روابط للاسف فأللي تعرف وقد مرت عليه الخلطه ياليت تحط الرابط عشان البنات يستفيدون
بنااات انصحكم فيهاا روووووووووووعه وربي
بالنسبه للخلطه الثانيه بس وربي مو متذكره اسم العضوه هي خلطه للأماكن الحساسه وعلى كلامه مفعوله سريع
اللي هي نصف فنجان عصير ليمونه
نصف فنجان زيت جلسرين
ربع فنجان زين خروع
وربع فنجان زيت اللوز
ربع ملعقه صغيره مسك مطحون
تحطينه بالليل وتغسلينه الصبح لمدة 10 ايام بس
يبين المفعول بعشر ايام يفتح المنطقه الحساسه هاذا جهزته واليوم قبل مانام بحطه
بعد كذا الخلطه الثالثه للركب
كريم الدوكوين فور
كريم أليكاسال
اسكينول الليمون
تخلطين الكريمات مع بعض وتحطينه مره وحده باليوم وباليوم الثاني تمسحينه بالاسكينول وترجعين تحطينه
مفعووله سريييع مره وبرضوو ناسيه اسم العضوه
اللي تعرفه تحط اسمه او تجيب الرابط
الخلطه الرابعه واللي متحمسه له هي خلطه للشعر
نواء تمر كاس كبير
عين الجمل كاس كبير
بصله مقطعه قطع كبيره
2فص ثوم مقطع قطع كبيره
بصله مفرومه فرم ناعم نعصر مائها باليد
2فص ثوم مفروم نعصر مائه باليد
علبه كامله زيت جوز الهند
علبه كامله زيت دابر املا
علبه كامله زيت الاس
الطريقه
تحرقين نواء التمر وعين الجمر على النار وبعدين تطحنينه
تخلطين الزيوت (زيت جوز الهند+زيت الاس+زيت دابر املا)في علبه كبيره
بعدين تضيفين ماء البصل والثوم المعصورين بواسطة اليد
وبعدين تضيفين على العلبه اللي خلطنا فيها الزيوت نواء التمر وعين الجمل وبعدين نضيف قطع البصل والثوم
وبعدين نرج العلبه ونتركه ليله كامله وبعد كذا تستخدمينه كل يوم واتخلينه على شعرك من ساعتين لثمان ساعات
وارجع اقول اللي تعرف اسم العضوه تكتبه
طبعا كل الخلطات ذي مفعولها سريع وانا بالنسبه لي واثقه مررررررره بمفعولهم
وابيكم تبدون معي وبعد اسبوع نكتب النتايج لانو اكيد فيه بنات مثلي مايدرون وش يختارون من كثر الخلطات
ابي حماسكم
ونأسف على الاطاله :42::22:
خلصت :icon28:
يلزم عليك تسجيل الدخول أولًا لكتابة تعليق.
عليا(ام عمر)
•
افاااااا والله كل المشاهداات ذي ولا رد واحد :(
اهلين اختي يعطيك العافيه وعساك عالقوة
حاليا ماراح اكون معك بس ان شاء الله بعد الولادة بحضر في هالخلطات
حبيت الخلطه الاولى بس يقولون المرة مو حلوة للحامل
وانا متابعتكم الله يوفقكم
حاليا ماراح اكون معك بس ان شاء الله بعد الولادة بحضر في هالخلطات
حبيت الخلطه الاولى بس يقولون المرة مو حلوة للحامل
وانا متابعتكم الله يوفقكم
الصفحة الأخيرة