السلام عليكم ورحمة الله وبركاته
حنين الى الجنة ...هلا اختي وروحي اختي لرابط المشتاقون الى الجنة يمكن تلاقين مكان
وياهم او يمكن تسوون مجموعة جديدة ..


ام محمد ...مبروك عليك الحفظ وان شاء تثبتين الصحيح وتصلحين الاخطاء
اما عني فانا لين الحين ما يتني النتيجة ..
بادية في الحفظ ان شاء الله اليوم بحاول اني اخلص من المقرر وحتى نصه على الاقل ..

شخباركم بناااات

بنات هالاسبوع هذا ماراح اكون معاكم

راح ااجلها للاسبوع الجاي ان شاء الله

يعني بكون متأخرة اسبوع عنكم

مو تستانسون

استغفر الله كل مدة امرض

ولاتنسون شدو الهمة

الهدف الحفظ

حتى لو تأخرتوا بنات العبرة بالخواتيم مو تنحبطون

والاهم الحفظ الجيد

يالا اشوف ارفعوا الابهام فوق

السلام عليكم ورحمة الله وبركاته
بنت الاجواد ...
ان شاء الله يكون المانع خير ..وتلحقين فينا في النهاية ..
المهم انتي بعد شدي الهمة و لا تحسبين عمرج وحيدة احنا و دعواتنا وياج ان شاء الله
و بعد معقول نستانس على غيبة اخت غالية علينا ؟؟افا يا بنت الجواد ..
يا في امان الله ان شاء الله ..والله يقومج بالسلامة

وعليكم السلام ورحمة الله وبركاته

بنت الاجواد ...
ان شاء الله يكون المانع خير .
بس لا تطولين وشدى الهمه انا صرت كل ما اشوف وحده تأخرت أتأخر حتى انا

الله يبارك فيك اختى ام ماريه بس سبحان الله هالاسبوع كسلانه بالمره
ولسه عاليتى الطرد ما وصلنى ما تشيلى هم لانه هالمده الناس كلها تبعث هدايا وطرود واكيد الطرود بالطوابير راح يأخذ وقت لمايوصل
واول ما يوصلنى بأذن الله اخبرك
الف شكر يالطيبه
و التصحيح اللى جانى حق الاسبوع الماضى مو الجزء الاول كله
وكان فيه اشوى اخطاء
واليوم الغاليه ضوء النهار صححت لى الجزء كله يعنى الامتحان الاخير وبرضو فيه اخطاء ....

لكن احس انى نسيت اللى حفظته كله
انتم نفس الشيئ والا حفظكم ثابت؟

والصراحه هالاسبوع الحفظ عندى بطيئ بالمره وكل يوم اقول بكره وللحين ما حفظت الا 6 ايات :icon33:

وينكم بنات تعالوا نشجع بعض
المجموعات الثانيه ماشاء الله متحمسين اكثر من مجموعتنا
تعالوا يا بنات هذه ايام مباركه خلونا نحفظ ونثبت الحفظ
تعالوا نتسابق ونكتب اللى حفظناه هنا
انا نقلت موضوع من الاحبه المغتربين لهالقسم بعنوان مختصر البيان فى تفسير القرأن
وطلبت من المشرفه انها اتحطه هنا قلت ممكن يلقى اقبال وتجاوب بس ما فيش ولا رد الا لاختى ماريه ربى يجزاها الخير ويبلغها واولادها حفظ كتابه
تعالوا نتعاون على التفسير علشان نفهم اللى قاعدين نحفظه.
ان شاء الله ربى يقدرنا على الحفظ والفهم .

الله المستعان

السلام عليكم ورحمة الله وبركاته
اخت ام محمد جزاك الله خير اختي وصج في هالوقت احنا بحاجة لكل الادعية والتمنيات ..
بس سبحان الله اظن ان دعواتكم كلكم قاعدة بالفعل تساعدني فالحمد لله حماستي زايدة عن حدها ..ابي احفظ كل السورة قبل العيد اذا قدرت باذن الله..
انا ان شاء الله بادية في حفظ مقرراليوم ..
وفي هذا انتي صاجة ان تاخير الاخوات ياخرنا بعد ..صج ان المجموعة الثانية متحمسة ..بس اختي مثل نا قاعدة اشوف لكل وحدة عذر اقوى منها..مثل المرض وغيره..
فان شاء الله يشفي الاخوات ويرد لهن حماستهن ..
ما عليه اذا تاخروا المهم يحفظوا ..ويثبتوا عليه ...
ولا اختي الحمد لله ما نسيت يكمن لخبطت ...احاول كل يوم اراجع اذا مو بالقراءة في بالاستماع .....اشغل المسجل او اشيل المرتل وياي كل مكان ...مو حرفيا ..
وبعد احاول اني اعيد كل السورة بشكل ملخبط في الصلاة ...
يعني اخذ في الركعى الاولى من الاخر ..وفي الثانية من الاول ..وفي الثالثة والرابعة ..
نفس الشي ..يعني مو بشكل متتابع ...
بهالطريقة اعرف الايات كلها ..وما اكون مثل النملة اذا غاب دربها ما تابع الطريج !!!
اول الامر بالفعل كنت اذا بغيت ابدا من النص ما اقدر الا اذا حد خبرين اول الاية او حرف منها!!..بس الحين الحمد لله ..و اختي انا مستعدة للمسابقة ..متى تبين نبدا؟؟


وفي سؤال طرحته الاخت اكليل عجبني انه شو حسيتوا من تغيرانت من عقب ما بديتوا بالحفظ ؟؟ في البيت او في نفسنا او من حولينا ؟؟؟
عن نفسي اقول احس نفسي مفرفشة ومتعاونة اكثر.... خاصة المشاكل الي كانت بيني وبين زوجي الحمد انحلت بنفسها وحتى هو لاحظ الفرق ..
في الاول هو ما كان يهتم بحفظي او يعطيه اي اهمية... اما الحين صار يشجعني ويعطيني الوقت الي ابيه ..لا وصار يساعدني بالي يقدر عليه !!!!والله ها ساعدني وحمسني اكثر للحفظ مو بس البقرة لا كل القران باذن الله ..


فشو لا حظتوا انتوا يا بنات؟؟؟