مجموعة زيوت رهيبه+اعشاب

السلام عليكم وررحمة الله وبركاته
الصراحه يا بنات انا متابعه من زمان لهالمنتدى الاكثر من رائع واستفدت منكم كتير جربت كتير خلطات واعشاب والحمد لله اغلبها ناسبني بس الصراحه ما كنت استمر مع انه احس بالفرق بس بتعرفوا الاولاد والمشاغل خصوصي اني ببلد غير عربي فكانت علي مسؤليات كتيره <بتحكي قصة حياتها>
المهم قرات عن فائدة كتير زيوت وكتير اعشاب ففكرت بفكره حكيت ليش ما اخلط زيوت مع اعشاب يمكن يكون مفعولها احسن واسرع فعملت هالخلطه
فنجان زيت سمسم
فنجان زيت جوز هند
فنجان زيت زيتون
فنجان زيت دابر امل الاخضر
فنجان زيت الخردل
بقبضة اليد <زعتر ناشف+ميرميه + اكليل الجبل >
في علبة مية صحه كبيره حطيت بالاول الاعشاب وفوقيهم الزيت ورجيت العلبه منيح واستعملتها دغري طبعا بتصفي شوية زيت من الي بالعلبه على قد شعرك وبتتركيه على الشعر قد ما بدك يعني انتي بتختاري المده من ساعه ونص لثلاث ساعات وبعدين بتغسليه عادي انا بعد الشامبو بستخدم بلسم بانتين
الصراحه هالحلطه روعه ونتائجها ممتازه رح تلاحظي انه الشعر بدا يطرا وينعم خصوصي الشعر المصبوغ وكمان رح تشوفي انه الشعر بدا يطول والاهم انه ريحة زيت دابر املا رح تخف ما بتكون قويه كتير وبعد الحمام ما بيضل اي اثر لريحة الزيت
انا الي بستعملها الي ولبناتي من اسبوعين يوم بعد يوم والحمد لله بالنسبه الي النتائج مرضيه يعني عالعيد بيكون شعرنا ممتاز باذن الله لو مو طويل بس المهم صحي وفيه لمعه جربوها ما رح تندموا واي سؤال انا حاضره