مساكم الله بالخير والنور والسرور
وعلى قولة مريم الغضبان حبابه
خيرن لفانا ولافاكم وشر تعدانا وتعداكم
خاشه جو تراني متخيلتكم حولي جالسات وانا اقص عليكم
اليوم بقولكم قصص مرت علي وسمعتها من ناس قريبين لهم مراح اذكر اسامي ولا مناطق بس بذكر القصص للعبره منها نتعلم ما نسكت عن الحق والواحده تكون متساهله بحدود مو تكون سلبيه لا تكون قاسيه تخرب بيتها ولا لينه وتاكل هوى وتنهان وتنظرب وتتعذب ويمكن تنقتل
راح ابتدي بالي اسكتت وشوف اش صار فيها
هذي صديقتي من الطفوله وبنت جيرانا وعشره تزوجة ولد عمها كانو يحبون بعض حب جنوني من يومهم اصغاااااااااااااااااااااااار وهو يحبها تزوجو والله رزقهم بنت تهبل حلوه وتاخذ العقل من جمالها امها الي هي صديقتي كانت جميله وحلوه الرجل التزم وصار مطوع هذا الي ضاهر لنى من برا بس هي كانت اتعاني معه معانات الله يعلمها طلع شكاك ويشك في الهوى اذا مر على شعرها بس هي ساكته وهذي غلطتها ما كانت اتعلم امها امها تقول ياليتها كانت تقولي انه يشك وانه يضربها كان عرفنى نتصرف معه بس البنت تخاف على بيتها وزوجها وماتبي تتطلق وتحبه ما كانت تبيه يفارقها
بعد ما جابت بنتها يمكن ب 3 سنوات حملت قالها روحي عند اهلك اتوحمي انا بسافر لمكه اسوي عمره وراحت لبيت امها
في يوم الصباح بدري بعد ما طلع ابوها و اخوها للعمل في يوم صيف تقول امها سمعتها تصيح وتقولي يمه لحقي علي يمه يمه تقول الام اسمع انا بحلم ولا علم الا الصوت صدق صوت فلانه تقول اروح اجري الا الشغاله تقولي انا رحت اقط الزباله دخل وراي رجال متلثم وما ادري وين راح في البيت تقول اتجهت لغرفت بنتي الا القيها مقفله الغرفه وبنتي تصيح وتستنجد ومافي يدي حيله تقول رحت اجري وكلمت على عمل زوجي وقلت له تعال فيه حرامي دش على فلانه ومسكر عليها الباب يغتصبها
تقول لما رجعت لبنتي لقيت الرجال طالع يدينه دم ومتلثم دفني وراح
وبنتي
بنتي
:(
الله يرحمها راسها مفصول عن جسدها واصابعها في كل زاويه متناثره
ايه قص راسها ورماه بزاويه وجسمها بزاويه
لما كانت تمسك السكين ماتبيه يطعنها كان يجر السكين وتطيح اصابعها بالارض
الله يرحمها وياخذ حقها منه الى الان تخنقني العبره لما اتذكر قصتها :(
كانت محترمه ومجتهده بدراستها
تقول اني عرفت الرجل من اكتافه عرفته زوج بنتي ايه زوجها ابو بنتها والجنين الي في بطنها
لما امسكوه بعد كم يوم اعترف وقال هي حامل من غيري سوو لها تحليل للجنين والبنت طلعو اعياله
هو الى الان في السجن ما حكمو عليه ينتظرون بنته تكبر لان الام والاب والاخوان ارفضو يتنازلون وطالبو بالقصاص
الي زوجها يشك فيها تنتبه لا تسكت لازم اهلها يعرفون
انا وحده اول ما تزوجة صار زوجي يسوي حركات شك وبزعمه غيره بعد 5 شهور ناديت اخوي الكبير وقدامه قلت له انه يشك فيني قاله اخوي بنتنى متربيه ولو بتسوي شي سوته في بيت ابوها عندها سواق وتطلع وتروح وتجي مو عندك ما يوديها ولا يجيبها الا انت رجال تبي تحسن لبنتنى وتحترمها بنتنى لوهي ذبيحه ما عشتك رجال تبي تتفلسف وتقول ماتربت واشك وما اشك ورقتها والبيت الي سكنته 30 سنه بتسكه الين تموت ماهو ضايق فيها لا بيت ولا قلب واختنى داخله وحريمنى طالعات
ومن يومها الي يومكم ما شك ولا تجراء انه يقولي اي كلمه عرف لو فيني عيب ما جبت اخواني ولو اني سكت كان قال في نفسه ايه انا صح اكيد هي خاينه ولا ليش ما قالت ولا اشتكت اكيد هي تغازل وتعرف غيري
ثاني قصه هذي زي الاولى بس ما ماتت شوفو اش صار
هذي القصه سمعتها من جارتي البنت و زوجها تعرفهم عز المعرفه
بنت بالجامعه تدرس عند اهلها بخير ونعمه تزوجة واحد على قد قد قد حاله اقرب الي المعدم بس هي اتبعت كلام جداتنى اربطي الرجل بالبزارين ما يروح مكان وتجيب ذا ورا ذا جابت 9 بزران مابين بنت و ولد كل سنه طفل جديد
الرجل زاد حمله وتعب لا تهتم بنفسها ولا في بيتها والرجال فقير وانهكته الطلبات والبيت وصخ وحالتها حاله ما تلحق يا حرام انتم اتخيلو بيتك في 4 بزارين وما عندك شغاله بتلحقين طلابت زوج وبيت وعيال وراحه ونوم وحتى استحمام يمكن ما يمديك تستحمين فما بالك 9والله لو ايش اتسوي
قبل كم يوم اتزوج عليها ورماها في بيتها وقال ابي اعيش تعرفون ايش اخذ اخذ له وحده اكبر منه ب 7 سنوات موظفه وهي الي دفعت الشقه وسفرته شهر عسل وشرت له سياره والله والله ما دفع الا قيمة ذبيحه ليلة العرس والباقي قامت فيه هي يقولون جميله وجسم وطول ورزه
زوجته الاوليه تعاني من انهيار عصبي الان وتتعالج
طيب بنات المال والبنون زينة الحياة بس مو كل سنه ارحمي نفسك وجسمك وفكري فيهم وفي تربيتهم خصوصن الي احوالهم الماديه ضعيفه اعرف الله يرسل رزقه معه بس برضه مو كل سنه طفل والرجال راتبه 2500 ريال 2500 وش تسوي لام واب و 9 اطفال وايجار وسياره ومدارس ولبس واكل
الزبده لا تامنين غدر الرجال ابد
ولا تقولين يحبني امي الله يرحمها تقول حب الحرمه لرجل مثل لحمة الرقبه الرقبه ما تنظف من الحم وفيها حفر ومفاصل تكون جواتها لحم يعني حبك يكون باقي ولازق
وحب الرجل للمره مثل لحمة الكتف الكتف اذا نضج لحمته وسحبتي العظم منها اطلعت الحمه ولا تلقين فتفوته من الحم متعلقه بالعظم يعني بسرعه يحبك واذا بغى ينساك بينساك
نجي لاخر قصه وهذي مهمه ذكيه وشاطره واعجبتني شخصين لانه فيه ارجال ما ينفع معهم الا كذا وياكثرهم الان الي اول شرط اذا راح يخطب ابيها موظفه لو هي صايعه المهم موظفه يعني كاش داخل على طمع ولا تقولون يبيها تساعده ولا تصرف على نفسها ليه الدين قالت تزوجها واصرف عليها واقلها لا تقولون نبيها موظفه اتذكر من سنه اخت لنى ي ذا المنتدى اكتبت قصتها انخطبة وهي لها فتره موظفه لما انكتب اكتابها افصلت من العمل طلق الاخ قبل لا يدخل عليها تقول امه ليه تفصل حنى خطبناها عشان وظيفتها وهي مسكينه تقول خسرت الزوج وخسرت العمل
نجي للقصه اسمعو
هذي وحده يمكن من 30 سنه تخرجة من معهد المعلمات ايام الرواتب 8000 مو الان 2500 ويمنون فيها
تقول تقدم لها واحد موظف في شركه كويسه وراتبه مشاء الله يكفي وزود
اول شهر قالها شوفي بكره الرواتب راتبك في يدي مو تاخذينه وتلعبين فيه ولا تعطينه اهلك من المديره ليدك ليدي وقتها كانو يسلمون الرواتب كاش
تقول اول شهر عطيته واكله كله حتى فوط صحيه ما جاب لي ثاني شهر بالمثل ثالث شهر سمعت انه بيخطب حبيبته الاولى الي كان يبيها قبلي بس اهله ارفضو يبون قبيليه
تقول رحت لبيت اهلي زياره وخبرت امي وابوي قالت ابوها (( وطلع رجال حكيم )) شوفي يابنتي ربيتك وكبرتك ودرستك و وظفتك وزوجتك ما اخذت منك ريال ابي منك دعوه لي يوم اموت الله يرحمه
بس هذا تعبك انتي اذا انتي راضيه عطيه راتبك واذا نتي منتي راضيه لا تكلمين كل شهر يوم تسليم الراتب كلميني اجيك عند باب المدرسه اخذي حاجتك منه والباقي عطينيه اجمعه لك
تقول ومن يومها وانا اذا ستلمت كلمت امي بالبيت وقلت ابوي يحظر واذا جاء عطيته راتبي واخذت منه 200 ريال فقط والباقي اعطيه ابوي ولما سئلها زوجها اول شهر تقول قلت له ما سلمونى يقولون صار خربطه بالمسير يمكن الشهر الثاني تقول انا ابي احمل منه ابي اعيال وطبعن ما خطب حبيبته لانها هي راحت وعلمت امه وابوه وحلفو عليه لو تزوجها ليتبرون منه ليوم الدين ويطردونه هو مرته في الشارع
تقول بعد فتره قلت له انا اعطي راتبي ابوي وصار يوقف عند باب المدرسه قامت اتهرب الفلوس مع صديقتها وابوها يجي ياخذ الفلوس
احملت وجابت ولدين وبنت وهي على ذا الحال تقول ما ابي اتطلق وعندي فلوس وابي اعيال على الاقل من الزواج اطلع بفايده
بعد يمكن 5 سنوات ناداها ابوها قالها ها يابوك هذي 550 الف تقول قلت وش ازين فيها قال حلالك تقول قلت هذي 50 لك والباقي صرفني يا ابوي قال اراضي يا بوك تقول الله يرحمه شرا لها اراضي يمكن 7 او 8 وقتها الاراضي ب 40 و 50 و70 الف بس
تقول قالي اجمعي ورجعت تجمع وبعد كم سنه ابوها توفى تقول في هالوقت كنت جايبه من الخايس 7 مابين بنات وعيال (( طبعن الاخ يوم ما عطته راتبها تقول قالي ابي اتزوج عليك قلت له رح تزوج تحلف بالله تقول لو اقولكم كل بيت طقه وانطرد ما ابالغ مالله كتب له يتزوج غيرها ))
قبل لا يتوفى الشايب ابوها قال لها ولولده الكبير وشي يسوون تقول وطلع اخوي مثل ابوي رجال وامين تقول ويبيني لي بيت فوق شقتين وتحت دور ارضي
تقول وانقل فيه ليني كبرت قلت لزوجي ما تسكن معي بيتي وحلالي روح لحبيبتك تكد عليك
وعاشت مرتاحه مع اعيالها الي كانو ينضربون ضرب من ابوهم
بعد كم سنه تعب زوجيها وصار شايب وسكر وظغط وغرغرينه بالرجل تقول حاولو اعيالي فيني بس تقول انا كارهته تقول قلت طيب بس بشرط ما يدخل بيتي تقول بنيت له ملحق غرفه وحمام ومجلس بابه على الشارع وفتحت باب على بيتي بس ما يدخل معه الا بناتي اذا بيروحون لبوهم
تقول وهذا هو عايش عندي ياكل ويشرب وينام تقول اخدمه لوجه الله ثم لانه اعطاني من بعد الله هالاولاد والبنات
وانا ما اروح له ولا اجيه
هذي القصه سمعتها من السان صاحبتها عند حرمه
واعجبتني لانها ما نزلت من قيمتها ولا تنازلت عن حقها حلوه عطيني راتبك بتزوج عليك ولا طلبت الطلاق بالعكس امسكت العصى من النص
هاااااااااااااااااه وش رايكم
انفع اقص قصص اذا عجزت بيحبوني احفادي ههههههههههههههههه
نسيت اقولكم الان بتجيك وحده داااعسه 220 تنصح تثيرين الفتنه ولا تحرضين البنات والا تشهرين بالناس النوعي الي انتم خابرينهم يحبون يخربون المواضيع و تهاوش مع ذبان وجهها من الان اقول لهم انا ما كتبت مناطق ولا اسام وكتبتها للعبره وايه نعم الي زوجها مريض بالشك لا تسكت عنه لا يتهمها في يوم ولا يقتلها لانه مريض والي زوجها فقير لا تجلس تفرخ بزارين لين ينسجن زوجها ولا يدور على وحده تصرف عليه ويتركها منهاره
والي زوجها ياخذ راتبها تعرف انه مو من حقه وبكره بيبني البيوت ويمكن يتزوج عليها وكم وحده صار لها كذا مو تقولين لي ولعيالي لا له هو وش فايدة شاقي وتعبي كل يوم برد حر مريضه تعبانه واهو ياخذ راتبي وش ابي فيه اذا صار عمري 70 سنه ومات وراح البيت لعيالي وزوجتاتهم راح شبابي في فقر وحقر
يليت نبطل تخريب المواضيع والانتقادات الي على الفاضي والمليان وخلونى نقراء وناخذا العبره ونقول خير او نصمت
ماسه لابسه الماسه @mash_labsh_almash
محررة فضية
يلزم عليك تسجيل الدخول أولًا لكتابة تعليق.
انا معك بحاجه بصراحه اللي هي تصك عشر بزارين وراها تقول بربط الرجال
قصه واقعيه في بيتنا بعد
اخوي قبل اول ماتزوج كان مصروفه على ابوي لان تزوج وهو صغير وابوي تكفل بكل شي بس اهم شي يزوجه لحد يخلص دراسه ويتوظف وش سوت الغبيه زوجته ربطته بسبع عيال اول سنتين زواج جابت له 2 وبعدين تصكها للسبعه طبعا اخوي خلص دراسته وتوظف وظيفه راتبها قوي المهم جاء لأمي يقول يمه ابي اتزوج وبشرط ابي بس ولد واحد منها عشان البنت اكيد تبي عيال ويقول والا انا مكتفي والحين قاعد يدور على وحده يتزوجها >>>>تدرون ليش لانه شكى لأختي الكبيره قال ابي وحده فاضيه لي انا وتدلعني مو مع 7 عيال بصراحه مسكين وانا معه اذاتزوج انتي بس تعالي شوفي شكلها كيف كانها ماعندها زوج يطالع شكلها اللهم لا شماته
قصه واقعيه في بيتنا بعد
اخوي قبل اول ماتزوج كان مصروفه على ابوي لان تزوج وهو صغير وابوي تكفل بكل شي بس اهم شي يزوجه لحد يخلص دراسه ويتوظف وش سوت الغبيه زوجته ربطته بسبع عيال اول سنتين زواج جابت له 2 وبعدين تصكها للسبعه طبعا اخوي خلص دراسته وتوظف وظيفه راتبها قوي المهم جاء لأمي يقول يمه ابي اتزوج وبشرط ابي بس ولد واحد منها عشان البنت اكيد تبي عيال ويقول والا انا مكتفي والحين قاعد يدور على وحده يتزوجها >>>>تدرون ليش لانه شكى لأختي الكبيره قال ابي وحده فاضيه لي انا وتدلعني مو مع 7 عيال بصراحه مسكين وانا معه اذاتزوج انتي بس تعالي شوفي شكلها كيف كانها ماعندها زوج يطالع شكلها اللهم لا شماته
اقسم بالله جسمى قشعر ياربي يرحمها ويغفر لهااا
عااد تصدقي بنت عمتى زوجها يشك بيهاا واهلها عارفين ويقولوا لها تطلقي وهي رافضة تقول وعيالي والله بكرة يذبحك وهي جابت منه طفلين وشوفيه المسكينة حالة حال لا هي مع الناس وكل شوي يدق عليها وينك الله يعين بجد
عااد تصدقي بنت عمتى زوجها يشك بيهاا واهلها عارفين ويقولوا لها تطلقي وهي رافضة تقول وعيالي والله بكرة يذبحك وهي جابت منه طفلين وشوفيه المسكينة حالة حال لا هي مع الناس وكل شوي يدق عليها وينك الله يعين بجد
soma1
•
الحمد الله الذيا عافاني مماابتلاهم به وفضلني على كثير ممن خلق تفضيلا
شكرا حبيبتي ع القصص مره حلوه يعطيك العافيه
شكرا حبيبتي ع القصص مره حلوه يعطيك العافيه
حبيباتي حياكم الله ومشكوره على الردود الحلوه
اختي كوين بحل انقليها اي مكان بدون ما تحطين اسمي مو مهم اهم بحل ليوم الدين
اختي كوين بحل انقليها اي مكان بدون ما تحطين اسمي مو مهم اهم بحل ليوم الدين
الصفحة الأخيرة
لا بس الحكايت اكثر من رائعه الله يعطيكي العافيه