كيفكم ياحلوات وكيفكم مع الخلطات
اليوم جايبه لكم عدد من المقشرات الطبيعيه الي تجلي جسمكم ناعم ويلمع ومع الاستمرار تخلي جسمكم يلق لق طبعا للعجازات فيه خلطات بسيطه
والي بالهم طويل بتصير جسمها شي هذي الخلطات المقشره كلها انا شخصيا مجربتها يعني شي
ماخذته من منتديات ومستخدمته وبعضهم مسويه فيهم تعديلات من عندي وزبطت معاي بس كلها
مجربتها وطبيعيه وماتسبب اي حساسيه
بعد عنا من الخلطات هذي احسسسسسسسسسسسسسسسسسسسسسسنهم
الخلطه الاولى
تجيبي ملح الحليب سبا
مع الشاور جل الي عندك انا جربتها على شاور جل زهور الريف الي بالحليب
وتخلطيهم مع بعض وتخليهم عندك بالحمام وكل ماتتحممي تفركين جسمك كله فيه وتجيبي ليفة
من البودي شوب الي زي القفاز وتفركين لمدة عشر دقايق
ملاحظه
ليفه البودي شوب تستعمل في جميع خلطاتي هذي
الخلطه الثانيه
تجيبي شوفان اكيد تعرفونه وتطحنيه
مع كميه من عصير اليمون على حسب جسمك
وتسوي فيهم عجينه وتفرديها على جسمك وعشر دقايق وبعدها تفركين بالليفه
ملاحظه
بعد كل جلسه تقشير تسويها لازم الترطيب بالكريم او اللوشن
الخلطه الثالثه
هذي عاد الي اموت فيها وهي مش لازم ترطبي جسمك بعدها
تاخذين سكر خشن بس مو خشن مره يعني وسط
وتخلطيه مع زيت بيبي جونسن الي بالبابونج الي غطاه اصفر
لين تصير عجينه متماسكه
وادخلي الحمام وبعد ماتخلصين خلاص بتطلعين حطيه على جسمك وافركي وافركي
باليفه او بيدك بس واغسليه بالماي بس واطلعي
والله لاتشوفين جسمك صار احمر وناعم
وبتدعين لي
ملاحظه
انتبهوا يابنات لاتستخدمون ملح الحليب سبا لحاله مش زين يسبب حساسيه وجفاف
لازم تستخدمونه مع شي
الخلطه الرابعه
كميه من ملح الحليب مع كميه من القرفه المطحونه وكميه من الهيل المطحون
مع زيت اللوز وتعجنيهم مع بعض وممكن تسوين كميه وتستخدميها مرتين والي يبقى
احتفظي فيه في الثلاجه يخمر وتصير ريحته تجنن
الميزه في هذي الخلطه تنظف وتعقم وتخلي جسمك كل مايعرق تطلع منه ريحه حلوه
وســــــــــــــــــــــــــــــــــــــــــــــــلامتكم
وكل وحده تشوف الي يناسبها وتسويها
ومابي غير دعاكم لي بالبنوته الحلوه
وتقبلوا تحياتي ودمتم بود
اختكم
