شلووووووونكم
و مبارك عليكم الشهر
هاااااااااااا صايميييييين و لاااااااااااااااا ؟؟؟؟؟؟؟؟
لووووووووووول
اليوم بحطلكم مجموعة الفاونديشن الي استخدمه و الكونسيلر
و بحط احسن بيس قبل الشدو جربته ليلحين
اول شي انا بطبعي احب انوع بمكياجي
و احب اجرب كل شي يديد
وووو تقدرون تقولون ملووولة شوي
جربت واااااااااايد انواع فاونديشن و حالي حال كل البناات ياما شريت فاونديشن لوووووووعه و طبعا آآخرته تكرمون بالزباله حتى لوو مستخدمته مرة وحدة
الحين بحطلكم احسن فاونديشنات جربتها
يعني الي بحطه موو افضل و اسوء ..لأ
كلهم حلوين و عاجبيني و كل وااحد فيه ميزة
يلا نبدي
أول شي بقولكم طبيعة بشرتي
نوعها مختلطة مايله للدهنية
عشان جذي بتلاحظون انه اغلب فاونديشناتي من النوع المات
الحمدلله بشرتي مافيها عيوب واايد بس طبعا لازم تطلعلي حبة مني و لا مني ( ما نصير بنات اذا ما طلعتلنا حبه )
الحين الصور
صورة جماعية
الليكويد فاونديشن
( الفاونديشن السائل )
المجموعه الأولى
من اليمين
ديور :
هتذة للامانة مو مالي هاذة مال اختي الكبيرة معطيتنياه و لونه غامج علي شوي استخدمة اذا بسوي لوك برونزي
الحلو فيه انه يرطب البشرة و يخليها نااعمة بس لازم فوقه بودر لان انا بشرتي مختلطة ومع الوقت ويهي يدهن
ريفلون :
وااااااااايد حلو و خفييف و بنفس الوقت يغطي و يعطي glow للبشرة
انا ما احط فوقه بودر لانه هالفاونديشن يكون فيه جزيئات تعكس الضوء عشان جذي يعطيها glow و اذا حطيت بودر مارح يعطيني هالايفيكت
استخدمه للطلعات و الزوارات و الدوام و للحفلات الصغيرة يعني بتاع كولووووو و ثااابت
ماك :
اينن اينن اينن اتعب اقوول اينن
وااااااااااااايد احبه تركيبته صايرة مثل الجل و يغطييييييي
هالفاونديشن كل ما حطيته الكل يسالني عنه ثابت و ماا يسيح
اهو ما يدهن بس انا احب اثبته زوود بالبودر الي اهو ( ماك مينيرال ) و راح اتكلم عنه بعدين
ديور النيود :
حلو و خفيف و باارد عالبشرة و فيه نسبة مااي
و مع الاستعمال بتحسين بنضارة في بشرتج
يستخدم استخدام يومي
و هم ثاابت و ما يدهن حتى لو بدون بودر
المجموعه الثانية
من اليمين
استي لودر الدبل وير :
حلو و ثابت و مايسيح و يغطي طبعا الكل يعرفه
ما استخدمه واايد مادري ليش مخليته للحفلات
و انا اشوف مستواه مثل فاونديشن ماك بس سعره يختلف
نيفيا :
حلووووووووو و ثااابت و يغطي
وااايد استخدمه حق الدوام و طلعات الصبح و سعره حلو
بس عيبه انه ينشف البشرة
بورجوا :
عجيييييييييييب هم ثابت و ما يدهن و بنفس الوقت يرطب و ناعم و خفييف
و لانه يحتوي على فيتامينات و فواكه مع الاستخدام راح يفتح البشرة ( على كلام الخبيرة )
ميبيلين :
يرطب و ناعم و يغطي بس شوي يدهن لازم فوقه بودر
اشبهه بفاونديشن فورايفر hd
المجموعه الثالثة :
من اليمين
كريم مرطب بلون من بنفت لون فاتح :
حلو بس حق البشرة الي ما فيها عيوب لانه ما يغطي بس يعطي لون خفيف و فيه حماية
استخدمة حق الدوام اذا مالي خلق اتمكيج احط منه شوي لانه اهو يعتبر حماية و فيه نسبة لون
كريم مرطب بلون من بنفت لون غامج برونزي :
نفس الكلام الي فوق بس استخدمه اذا سويت تان
فاونديشن ريفلون :
هاذة عبارة عن كريم ابيض بس لمن تدمجينه يتفاعل مع حراراة البشرة و يحول حق فاونديشن بلونج
الحلو فيه انه يطابق لون البشرة بالضبط
اهو فيه 3 درجات فاتح و وسط و غامج
كل الي عليج تسوينه انج تختارين درجة بشرتج و بس خلي الباجي عليه اهو
الي حبيته انه خفيف و بنفس الوقت ثااااابت
انا لمن سافرت دبي كنت استخدمة و ما كنت ماخذة معاي فاونديشن غيره
و انتوا عارفين جو الامارات رطووبة واايد
امبيه الفاونديشن ثااااااااااااااااابت حدة حتى اختي تقولي هاذة اي فاونديشن الي ما ساح و لا صار فيه شي !!!!!!
صج حلو و استخدمة بدون بودر او مرات احط مسحه خفييفه من البودر بالبرش
بس ترى ماا يغطي واايد تغطيته زوينه حق الي ما عندها عيوب او فيها عيوب شوية
الحين الباودر :
المجموعه الأولى
من اليمين
فورايفير due matt :
واااااااااايد حلوة و تغطي ما تحتاج مدح و الكل يعرفها و تغني عن الفاونديشن السائل
بودر مها العتيبي :
الحلو فيها انها تعالج لانها مينيرال و تغطيتها حلوة بس مع الوقت و يهي شوي يدهن بمنطقة ال t-zone يعني لازم ارد احط منها
و الي قاعدة تعالج بشرتها أو مسويت تقشير عادي تحط منها ما تضر
ديور :
حلووووة مثل بودر فورايفر بس هم مالت فورايفير احلى منها شوي
المجموعه الثانية
من اليمين
بودر ماك المينيرال :
هاذي البودرة حبـــيــــبـــتــــي
احبها احبها احبها
احطها فوق الفاونديشن السائل او بروحها حدها عجيبه
تغطي و تعطي glow
انا مخلصة وحده و هاذي الثانية
استخدمها بالكابوكي برش
ماكس فاكتور الذهبية :
معرووفه بالمنتدى حلوة و خفيفة تصلح للدوام
استي لودر الدبل وير :
ما استخدمتها الا جم مرة حق الحفلات واايد مات و تغطي و صج حلوة بس حسيت انه لونها غامج مع اني ماخذة افتح لون
الحين دور :
الــكـــونــســيــلــر
من اليمين
فورايفيرhd :
عجيييييييييييييييييييييييييييييب
عجييييييييييييييييييييييييييب
عجييييييييييييييييييييييييب
ما عندي غير هالكلمة
يعني يغطي وما يحزز ولا يخطط ولا يكتل
يعني perfect
فورايفر full cover :
حلو كان الكونسيلر المفضل عندي قبل الhd
ليلحين احبه
نفس صفات الhd بس ثقيل
بورجوا :
حلو و يغطي بس مع الوقت يخطط شوي
باليت كريولان :
تغطيته حلووة بس انا ما استخدمه حق تحت العين
استخداماتي حقه كلها حق التظليل و تحديد الخشم
كوفر ديرم :
واااااااااااايد ثقيل و يغطي
ما استخدمه واايد
بس اكثر شي للحفلات
اذا طلعتلي حبه بايخة او اذا بخش حواجبي
الحيييييين نيي حق
احسن بيس للعين جربته
اهو من بنفت
اسمه
stay don't stray
حددددة اينن
استخدمه حق تحت العين قبل الكونسيلر
و فوق العين عالجفن حق الشدو
احط من نتتتتفه حدها تكفي قبل الكونسيلر هو بروحه يغطي بس اذا تبون تغطيه اكبر حطوا كونسيلر فوقه يخليه ثاابت و ما يخطط
و انا اصلا الكونسيلر الي استخدمه ثابت و ما يخطط فتخيلوا النتيجة شلون بتصير واااااااااو
و هم نتتتفه قبل الشدو يخلي الشدو ثااااااابت و يطلع لونه واضح و قوي
الحلو فيه يناسب كل الوان الشدو لانه لونه بيج مايل للاصفر يناسب كل الوان البشرات
انا حق الشدو استخدم بينت بوت ماك
بس البينت بوت يكون بالوان
يعني اذا باستخدم شدو ازرق احط بينت بوت ازرق
و اذا بحط شدو برونز احط بينت بوت برونزي أو ذهبي و جذي
اما هاذة يلبق مع كل الوان الشدوات
يعني الي ما تبي تكود و تبي بيس واحد حق كل الوان شدواتها و البجمنت راح يكون هاذة مناسب جذا
مستواه مثل مستوى البرايمر مال ايربان ديكاي
انا مجربه برايمر ايربان ديكاي من زمااااان من قبل لا اييبون الماركة بوجوه حدة حلو
و هاذة ( بيس بنفت ) مثله و نفس مستواه
هاذة الي عندي اليوم ****لله عجبكم موضوعي و استفدتوا منه
اذا جربتوا اي شي من الي استخدمته قولولي رايكم
و الي عندها مثل الي عندي خل تطرح تجربتها و رايها
منقووووووووووووووول لعيون الحلوين
دعووووووووووووووواتكم لي ولصاحبة الموضوع
انا استخدمت باليت كريولان احس تغطيته رووووووووعه
واستخدم فور ايفر اللي يجيك علبه طويله وفيها 4 درجات بيج ولون بني للتحديد ..
يعطيييك العافيه موضوع مميز